Sot në qytetin e Shkupit u mbajt një debat lidhur me zgjidhjet e mundshme të problemeve me ujërat e zeza dhe llumin, si dhe zgjidhjet teknike dhe teknologjike të çështjes. Studimet për financimin e këtij projekti nxjerrin një kosto prej mbi 700 mijë euro të financuar pjesërisht nga qeveria e Francës.

Tetova është një ndër qytetet me ajër më të ndotur në rajon. Në këtë zonë ndikojnë shumë faktorë dhe më kryesori  është shkritorja e Jugohromit. Por, ministri i Mjedisit jetësor thotë se edhe vetë qytetarët janë fajtorë për këtë.

Janë shumë faktorë por një ndër faktorët kryesorë është edhe vetë qytetari; unë dhe ju të tjerët që të kemi kujdes tash e tutje me ngrohjen, se cilin tip, e cilin lloj të ngrohjes do të kemi. Të kemi shumë kujdes të respektojmë vendimet e kuvendeve komunale dhe të kryetarëve të komunave për komunikacionin, regjimin e komunikacionit që ata shumë shpejtë do ta sjellin dhe ta respektojnë atë . Po që se e respektojmë, atëherë do të kontribuojmë shumë si qytetarë në mbrojtjen e ajrit dhe të ambientit tjetër, tha NURHAN IZAIRI, ministër i Mjedisit jetësor dhe planifikim hapësinor

E i pyetur se a do të gjendet zgjidhje për Jugohromin, ministri duke shpejtuar u përgjigj.

‘Po do të gjendet, do të gjendet’, tha NURHAN IZAIRI, ministër i Mjedisit jetësor dhe planifikim hapësinor.

Pavarësisht kësaj, sot ministri i Mjedisit Jetësor mbajti fjalim për projektin që do ta realizojnë për trajtimin e ujërave të zeza, që kushton mbi 700 mijë euro, që llogaritet si mjaft i dobishëm për qytetarët e Shkupit.

Theksoj se ky projekt ka rëndësi jashtëzakonisht të madhe kombëtare dhe ndërkufitare për ndotjen e mjedisit , presim që studimi të definojë një qasje më të mirë për financim, ndërtim dhe menaxhim me stacionin e ujërave të zeza  që do të iu shërbejë 600 mijë qytetarëve të Shkupit,tha  NURHAN IZAIRI, ministër i Mjedisit jetësor dhe planifikim hapësinor.

Procesi do të jetë i njejtë si në Evropë, ku pas grumbullimit dhe tharjes, llumi digjet. Ky projekt studimor financiarisht është mbështetur nga Fondi për studime dhe ndihmë në sektorin privat Fased dhe qeveria e Francës, përfaqësues të së cilës ishin të pranishëm në këtë debat.

Eskpertët e çështjeve të sigurisë vlerësojnë se është vështirë të zbolohen shenjat e para të ekstremizmit dhe formave të tjera të radikalizimit. Koordinatori kombëtar për luftë kundër terrorizmit në Maqedoni, Toni Jakimovski deklaroi se projekti për luftë kundër ekstremizmit dhe radikalizmit në bashkëpunim me OSBE-n ka treguar rezultat të lartë. Ai tha se faza e parë e këtyre dukurive të rrezikshme është një [unë e vështirë për t’u zbuluar.

“Pas një viti punë në këtë projekt, Republika e Maqedonisë fitoi disa trajnues të stërvitur për punë me oficerët policorë, të cilët punojnë me qëllim zbulimin e radikalizmit të mundshëm apo ekstremizmit, që më vonë mund të rezultojë në terrorizëm”, tha koordinatori nacional per lufte kunder terorizmit, Toni Jakimovski.

Ambasadorja OSBE-së në Maqedoni, Nina Suomalainen deklaroi se ky projekt ka shënuar rezultate të mira. Ajo u shpreh në përkrahje të projektit. Suomalainen po ashtu theksoi se PERT projekti do t’i ndihmojë njësisë policore në zbulimin e sinjaleve të para të terrorizmit.

“Ky projekt po zbatohet në bazë të një projekti i cili është model evropian dhe i zbatuar në 17 shtete evropiane me afër 150 trajnues, të cilët kanë për detyrë t’u ndihmojnë zjarrfikësve apo oficerëve policorë të punësuar në Departamentin për identifikimin e shenjave të mundshme për terrorizëm dhe ekstremizëm”, tha ambasadorja e OSBE-s Nina Suomalainen.

Eksperti ndërkombëtar Zhan Pjer Devos tha se ky projekt ka vlerë të veçantë dhe se rezultatet e deritanishme, përmbushin pritjet e tij.

“Çdo shtet ka njësi të specializuara anti-terroriste. Këta kolegë janë mirë të stërvitur, me përvojë të madhe dhe ndoshta janë njësia më e mirë për t’u ballafaquar me këtë problem“, tha Zhan Pjer Devos.

Këto ditë pati shqetësime të shprehura publikisht edhe nga zyrtarë të lartë të Ministrisë së Brendshme lidhur me mundësinë e implikimti në grupe ekstremistësh të shtetasve nga vendet e Lindjes së Mesme, të cilët po tranzitojnë si refugjatë nëpër Maqedoni dhe vendet e tjera të Ballkanit.

Në nivel vjetor nga Maqedonia zhvendosen 12 mijë persona, konsideron opozita. Deputetja e PRSD-së, Sonja Mirakovska, në seancën e sotme, tha se për shkak të kushteve të keqe ekonomike, në vitet e fundit janë zhvendosur kuadrat më të mira, mjekë dhe inxhinierë. Pjesa më e madhe zhvendoset në Gjermani.

Zhvendosja masive, sipas saj, ka të bëjë me përqindjen e madhe të varfërisë. Siç theksoi Mirakovska, 9 përqindje e popullsisë, në Maqedoni jeton me më pak se 100 denarë në ditë.

 “150.000 persona janë zhvendosur nga viti 2006. Nuk ka luftë, as konflikt. Ka vetëm një garniturë në pushtet për të cilën njeriu nuk ka rëndësi, për të cilën njeriu paraqet vetëm numër i cili duhet të votojë. Edhe ai duhet të votojë, që të vijë në pushtet një garniturë udhëheqëse, pa menduar për popullin e vet. Shikojeni Raportin e Euro-statit dhe atje qëndron, 20.000 persona në vitin 2013; aq edhe në vitin 2014” deklaroi Sonja Mirakovska nga PRSD-ja.

Tendenca e zhvendosjes nga Maqedonia ulet. Në nivel vjetor, tani mesatarisht numri është rreth 5000 perona, konfirmojnë deputetët e shumicës në pushtet, duke u thirrur të dhënave të Bankës Botërore. Sipas Krsto Mukoskit të VMRO-DMPNE-së, më shumë nga vendi janë zhvendosur në vitet e 90-të gjatë kohës së tranzicionit, kur LSDM-ja ka qenë në pushtet.

„Kjo ndodhi në vitin 1994, kur nga vendi janë zhvendosur 124.000 persona. Kjo ndodhi për shkak të privatizimit kriminel, të cilin e ka zbatuar qeveria e atëhershme e LSDM-së. Prandaj e kemi këtë shifër më të madhe historike”, deklaroi deputeti i VMRO DPMNE-s Krsto Mukovski.

Në raportin e migracionit, Agjencia evropiane e statistikave, Eurostat, publikoi se gjatë periudhës nga 1998-2011, rreth 230.000 persona janë zhvendosur nga Maqedonia dhe jetojnë jashtë vendit. Rreth 170.000 persona kanë marrë leje për vendosje të përkohshme në vendet e Bashkimit Evropian, kryesisht në Itali, Gjermani, Austri dhe Slloveni.

Kaos në shkollën fillore ‘11 Tetori’, në komunën Qendër. Drejtoresha e deritanishme Daniella Kostadinova refuzoi të dalë nga zyra edhe pse këshilli i prindërve në bashkëpunim me komunën dhe institucionet përkatëse, kanë vendosur për emërimin e një drejtor të ri në këtë shkollë. Kostadinova vazhdon të shkojë në zyrë e shoqëruar nga dy policë. Ajo deklaroi se shkarkimi i saj nga posti është jo legjitim.

Me vendim jo legjitim nga kryetari i komunës, jam shkarkuar prej funksionit drejtor, me arësyetimin se i kam lënë pas dore detyrat ligjore. Dërgova ankesë  kundër këtij vendimi deri te Komisioni shtetëror për vendim-marrje me procedurë administrative, me çka vendimi për shkarkimin tim nga ky post u anulua. Zhernovski nuk e respekton ligjin dhe rregullat dhe udhëheq politikë ditore, tha drejtoresha e deritanishme e shkolles Daniella Kostadinova.

Situata u tensionua kur dhjetëra prindër hynë në zyrë. Prindërit e akuzuan drejtoreshën se nuk kujdeset për fëmijët e tyre por se e ka shndërruar shkollën institucion politik.

Ju duhet të kuptoni një gjë se shkolla është institucion arsimor, ku fëmijët duhet t’i mësojë dhe t’i ruajnë. Ky nuk është institucion partiak. Fëmijët tanë nuk janë molla të kalbura; do të përgjigjeni për këtë.

Higjiena në zero, tualete që nuk funksionojnë, fekale, çezme që nuk funksionojnë, kutërbon erë  për një kohë të gjatë, që fëmijët e thithin qe 2 vjet. (11:40-50) Ne tërsisht jemi të injoruar, nuk jemi të informuar as me shkrim, as me telefon as në e-mail, se përse nuk mblidhet këshilli i prindërve. Si rezultat i kësaj, është ky reagim.

Drejtori i ri, Vasko Llazarevski thotë se këshilli i prindërve e ka zgjedhur atë për drejtor të kësaj shkolle.

Para të gjithë arsimtarëve u sqaruan ngjarjet rreth dy drejtorëve. E shkarkuara Daniella Kostadinova dhe unë si drejtor i ri i emëruar nga Komuna Qendër. U konfirmua nga këshilli i arsimtarëve se për momentin unë jam drejtor valid deri sa të mbarojë procedura e shkarkimit të drejtoreshës Daniella Kostadinova, theksoi drejtori i ri i shkolles, Vasko Llazarevski.

Autoritetet e komunës Qendër bëjnë me dije se do të ngrejë procedurë ligjore kundër vendimit të Regjistrit qendror dhe Komisioni  Shtetëror, në lidhje me shkarkimin e drejtoreshës.

Komunat në Maqedoni ndodhen në një gjendje shumë të keqe. Një pjesë e tyre, siç informojnë nga organizata “EKORIS” nuk kanë lëndë djegëse, shkollat janë në gjendje shumë të keqe. Një pjesë e shkollave, posaçërisht ato nëpër mjedise rurale në prag të dimrit nuk do të munden të sigurojnë nxemjen. Ky është imazhi i përgjithshëm pas zbatimit të vëzhgimit të kualitetit të jetës nëpër komuna. Ky projekt është i financuar nga BE, ndërsa zbatohet nga pushteti lokal dhe ai qendror. Bardhyl Marku nga “Ekoris”, shprehu keqardhjen e tij për shkak se komunat nuk kanë decentralizim adekuat të mjeteve financiare.

Për çdo ditë dëgjojmë që shumë komuna po hasin në probleme të mëdha me mjetet financiare. Detyrat jepen mirëpo ato nuk janë të plotësuara  me kapacitet adekuat financiar dhe fiskal që komunat të munden t’i kryejnë ato. Jemi dëshmitarë dhe dëgjojmë që shumë komuna, më konkretisht në arsim, tani që po afrohet dimri nuk kanë mjete të mjaftueshme për nxehjen e shkollave. Jemi dëshmitarë të asaj se në çfarë gjendje janë shumë shkolla në Maqedoni. Nuk them që shkollat nuk janë të rregulluara mirë, mirëpo ka një numër të madh shkollash të cilat janë në gjendje të rëndë, deklaroi Bardhyl Marku.

Marku theksoi se problemet e qytetarëve nuk mund të detektohen sepse, siç  thotë ai, ata hasin në mungesë të informatave.

Ne kërkuam të dhëna për mbledhjen e mbeturinave, kualitetin e jetës, shëndetësinë, mirëqenien ekonomike mirëpo është shumë rëndë të sigurohen informata të cilat nuk janë publike, kurse ata të cilat i marrim janë të vjetra, nga regjistrimi i popullatës në vitin 2002.

Përfaqësues të komunave në të cilat po zbatohet projekti, vunë theksin tek rezultatet pozitive.

Komuna e Shtipit është në gjendje të mirë, që të arrihet deri tek kjo, nevojitet shumë punë dhe të kihet kujdes se si shpenzohen mjetet financiare, deklaroi Snezhana Saneva nga Komuna e Shtipit.

Projekti i cili do të duhet që të japë të dhëna për mungesat në komunat ku është zbatuar decentralizimi, fillimisht është vendosur në 10 komuna. Më pas, siç shpjeguan nga “Ekoris”, ky projekt do të zbatohet në të gjitha komunat në Maqedoni. Nga kjo organizatë evropiane shpresojnë që në të ardhmen do të kenë një pasqyrë reale për shërbimet e komunave për qytetarët.

Sot ushtarët në kazermës Ilinden, i vizitoi ministri i i Mbrojtjes, Zoran Jolevski, i cili prezantoi projektin e Armatës së RM, “Shtëpia ime e vërtetë”, që për katër vjet qëndroi ‘status kuo’ dhe që sërish u riaktivizua. Ministri Jolevski, tha se kësaj radhe ministria do ta realizojë këtë projekt deri në fund. Nga shumë ndërtime që do të bëhen, banesa e parë do të fillojë të ndërtohet nga fundi i vitit, dhe në fillim të muajit janar, në afërsi të kazermës Ilindien, e cila do të ketë 45 banesa. Ndërsa, ndërtimi do të vazhdojë në përputhshmëri me interesat e pjesëtarëve të ARM-së.

“Në fund të dhjetorit ose kah gjysma e janarit, do të fillojmë me ndërtimin e ndërtesës së parë. Jemi në fazën e marrjes së lejes ndërtimore nga komuna e Karposhit dhe kjo mund të ndodhë gjatë javës së ardhshme. Jemi në proces të zgjedhjes së bankës, e cila do ta financojë ndërtimin dhe gjithashtu i informuam se cilat janë kushtet për të aplikuar për mundësinë e blerjes së një banese përmes këtij projekti”, deklaroi ministri i mbrojtjes, Zoran Jolevski

Ministria do t’i mbulojë shpenzimet për vendin, projektin dhe shërbimet komunale të qytetit të Shkupit dhe komunës Karposh. Në rrjedhë është përgatitja për shpalljen e tenderit për përzgjedhjen e ofruesit më të mirë, firmës së ndërtimtarisë dhe në mënyrë paralele shkon dhe shpallja për blerje të banesës me posedim personal. Kur do të përfundojë ndërtimi, do të bëhet marrëveshje për shitblerje, ndërsa pjesëtarët e ARM-së, do të duhet të paguajnë 30 % nga vlera e banesës.

Kryeopozitari Zoran Zaev dha sot garanca se nuk do të ndikoj në asnjë formë që shteti të merr vlerësim eventual negativ me Raportin e Progresit. Ai u tha sot medieve se do t’i rri besnik parimeve që përcaktuan të huajt, dhe do të përmbahet. Por edhe ai pret që kushti tjetër të përmbushet nga pushteti.

“Në qoftë se Marrëveshja nuk zbatohet, kjo do të reflektohet edhe në raportin e Komisionit evropian. Qeveritë, sidomos kreu i tyre, kanë përgjegjësi të veçantë në kohë krizash politike. Në qoftë se veprojnë menjëherë dhe duke vepruar, tregojnë se me të vërtetë kanë vullnet të mirë, bashkësia ndërkombëtare është e gatshme të ndihmojë”, tha Çarls Gereth

Kushtet që i paraqiti ambasadori britanik Qarlls Gereth, në emër të korit diplomatik, për njërin nga hisedarët politik të marrëveshjes së Përzhinos, janë porosi të qarta, andaj edhe garanton se nuk do të asgjë të jashtëzakonshme.

Kryeopozitari Zoran Zaev u tha sot gazetarëve se e kupton barrën që përcakton raporti i Komisionit Evropian për Maqedoninë, andaj ofron bashkëpunimin e plotë të tij dhe të partisë që përfaqëson, që shteti të mos merr vlerësim negativ nga Brukseli.

“LSDM-ja vazhdimisht po bën kompromise, keto i bën gjithmonë ne favor të qytetarëve dhe tërë Maqedonisë. Gjithsesi kjo është vërtetuar edhe në deklaratat e përfaqësuesve ndërkombëtarë, të cilët janë ana neutrale këtu ndërmjet dy palëve të polarizuara – pushteti dhe opozita. Kjo çështje është absolvuar në Maqedoni. Gjithsesi se në të mirë të shtetit ne jemi të përgatitur të bëjmë kompromise, vetëm me qëllimin Maqedonia të hapërojë drejt BE-së”, tha Zaev.

Kërkesë e ndërkombëtarëve ishte edhe ndërprerja e publikimit të përgjimeve të tjera, të cilat i paralajmëroi Zaev përmes rrjetit sociale.

Por sot kryeopozitari tha se nuk ka plan tjetër, përpos atij për t’iu bashkuar familjes evropiane

“LSDM-ja është tërësisht e përkushtuar për t’i ndihmuar vendit tonë që të mbetet në rrugën e anëtarësimit të plotë në Bashkimit Evropian. Duke u nisur nga kjo fry më, gjithmonë kemi qenë kooperativë, maksimalisht fleksibilë, tërësisht të përkushtuar për procesin, për arsye se për ne nuk ekziston “Plan B”. Nuk ekziston alternativë për Maqedoninë, përveç anëtarësim të tërësishëm të saj në Unionin Evropian dhe në NATO”, tha Zoran Zaev, lider i LSDM-së.

Kreu i social-demokratëve tha se ligji për qeverinë dhe përgjegjësitë që do të kenë zëvendësministrat e LSDM-së, vazhdon të jetë problem për pushtetin. Por edhe kjo gjë sipas tij duhet të tejkalohet brenda pak ditëve, kur edhe pritet të publikohet raporti i progresit për Maqedoninë.

Për zbatimin e marrëveshjes ka folur dje edhe kryeministri Nikola Gruevski. Edhe ai ka thënë se përkrah në tërësi këtë pakt të cilin e ka firmosur vet, dhe se grupet punuese po tentojnë të gjejnë kompromis me opozitën për zgjidhjen ideale.

Kampionia e Botës në Xhudo, Majlinda Kelmendi ka fituar medaljen e bronzte në ‘Grand Slam’ të mbajtur sot në xhudo në Abu Dhabi.

Xhudistja pejanë në luftën për vendin e tretë mposhti gjermanen Mareen Kraeh, kjo e fundit kishte mundur më herët Distria Krasniqin.

Majlinda në luftën kundër gjermane tregoi formë mjaft të mirë, duke i sjell Kosovës edhe një medalje nga arena ndërkombëtare.
Kampionia e botës, rrethin e parë kaloi pa luftë, në rrethin e dytë mundi zviceranen Evelyne Tschopp, kurse, në rundin e tretë mposhti polakën Carolina Pienkoëska, ndërkaq, u mund në gjysmëfinale nga braziliania Erika Miranda e Brazilit.

Avokatët mbrojtës në rastin MTPT, kanë deklaruar se kjo aktakuzë nuk është e ligjshme për shkak se përmban termin aktakuzë e konsoliduargjë që nuk e njeh ligji një term të tillë.

Sipas tyre, ligji e njeh termin aktakuzë e zgjeruar apo e ndryshuar dhe kanë thënë se nuk e dinë se cka do të thotë me termin aktakuzë e konsoliduar.
Avokatët kanë shprehur shqetësimin e tyre se si do të vazhdojë ky rast nëse nuk përmirësohet.
Ndërkohë, trupi gjykues ka shkuar në një pauzë për t’u konsoliduar se si do të veprojnë në vazhdim.
Seanca për harmonizimin e datave të gjykimit në rastin e MTPT-së, ku po akuzohet Fatmir Limaj dhe të akuzuarve të tjerë, ka filluar me njoftimin e përfaqësuesve të palës mbrojtëse dhe trupit gjykues.
Këtë të fundit kanë ndryshuar dhe kjo ka bërë që të reagojnë avokatët, duke e quajtur si shkelje esenciale të procedurave gjyqësore.
Fatmir Limaj po përfaqësohet nga avokatët Tahir Recaj dhe Tomë Gashi, e Endrit Shala-me dy avokatët Arianit Koci dhe Granit Vokshi, Nexhat Krasniqi me avokatin Bujar Mavraj, Florent Zuka me dy avokatët Blerim Prestreshi dhe Hekuran Haxhimusa, si dhe Shpetim Kelaku me avokatin Sevdali Zejnullahu.
Kurse, kryetar i trupit gjykues është Maria Tuma, me anëtarët e tjerë Jeniifer Fill dhe Isuf Makolli, dhe stafi mbështetës.
Avokatët mbrojtës në përgjithësi kanë thënë se gjyqtarët dhe trupi gjykues nuk është i njëjtë në raport me seancat e kaluara dhe që sipas tyre paraqet shkelje esenciale.
Maria Tuma ka thënë se për shkak se gjyqtarja e trupit gjykues të seancave të kaluar Anna Adamsa tani ka një pozitë tjetër është dashur të zëvendësohet me një anëtar të ri të trupit gjykues.

Zëvendësministri i Kulturës, Dragan Nedellkoviq mbrëmë në Teatrin popullor të Maqedonisë u drejtua në manifestimin “Ditët e kulturës koreane”, që prej datës 29 deri më 31 tetor mbahet në Shkup.

“Manifestimi ‘Ditët e kulturës koreane’ paraqet mundësi të jashtëzakonshme që qytetarët tanë të njoftohen me segmente të muzikës, kinematografisë dhe fotografisë së një vendi, i cili edhe pse me pozitë gjeografike i largët, megjithatë emocionalisht shumë i afërt me sensibilitetin e Maqedonisë i pasur me ngrohtësi dhe sinqeritet”, theksoi Nedelkoviq.

Sipas tij, organizimi i manifestimit është nismë mjaft e rëndësishme e cila çon drejt përmirësimit të marrëdhënieve midis dy vendeve.

Ambasadori i Koresë së Jugut, Shin Mengho, i cili është nikoqir i manifestimit theksoi se të gjithë jemi të bashkuar nga muzika e cila, siç tha, paraqet gjuhën e vetme, universale e cila i tejkalon të gjitha ideologjitë dhe diversitetet.

Manifestimi “Diët e kulturës koreane” filloi me koncertin e ansamblit “Bul-se-chul” dhe shfaqjen muzikore komike joverbale të shout akrobatik “Nanta”. Sonte dhe nesërmbrëma publiku i Maqedonisë do të ketë mundësi të ndjek filma nga kinematografia e pasur koreane të cilat do të shfaqen në Kinotekën e Maqedonisë, ndërsa do të prezentohet edhe ekspozita e fotografive me motive nga Seuli e artistit Simon Kallajxhiev.