BDI: Rikthimi i rrahjeve për motive etnike, i papranueshëm dhe absolutisht i dënueshëm

By
Desk
-
0

Bashkimi Demokratik për Integrim ka reaguar ndaj rahjes që ka ndodhur dje në Qendër të Shkupit, pasi siç thonë, kanë mësuar se rrahja ka ndodhur për motive etnike, transmeton TV21.

Nga BDI thonë se këto raste janë pasojë e nxitjes së fjalorit provokues ndaj çështjeve etnike nga ana e eksponentëve të lartë qeveritarë.

Akuzojnë VLEN dhe ZNAM, se po e kthejnë vendin në kohën kur sulmoheshin shqiptarët.

Reagimi i plotë i BDI-së pa ndërhyrje:

“Pas informacioneve zyrtare lidhur me rrahjen e mbrëmshme, respektivisht sulmin fizik ndaj tre të miturve shqiptarë në Qendër të Shkupit duke përdorur edhe sende të forta, Bashkimi Demokratik për Integrim shpreh shqetësimin serioz, aq më tepër kur u informuam se sulmi ndaj të miturve ka ndodhur për motive etnike.

BDI vlerëson se ky incident, jo i paprecedent fatkeqësisht, vjen si rezultat i dështimeve të përditshme të Qeverisë për të kultivuar marrëdhënie të mira ndëretnike, gjegjësisht si pasojë e hapjes së shumë çështjeve ndëretnike, si dhe vet nxitja e fjalorit provokues ndaj çështjeve etnike.

VLEN bashkë me partnerët e tyre VMRO-ZNAM, po na kthen në kohën kur fëmijët shqiptarë sulmoheshin nëpër autobusë, shqiptarët ofendoheshin paturpësisht nëpër çdo stadium në çdo ndeshje sportive, e që BDI një frymë të tillë e kishte ndaluar plotësisht pas një angazhimi të madh në kontinuitet.

I bëjm apel Ministrisë së Punëve të Brendshme që të ndërrmarin të gjitha hapat e duhur për ta zbardhur këtë rast, të dënohen dhunuesit dhe sa më parë të ndërmarrin masa preventive lidhur me ndalimin e zgjerimit të kësaj dukurie.

BDI qëndron fuqishëm në angazhimin tonë për të kontribuar maksimalisht në ruajtjen e marrëdhënieve të mira ndëretnike në vend”.

Dy Arbenët e shëndetësisë pritet të nënshkruajnë disa marrëveshje në fund të tetorit

By
Desk
-
0

Ministri i Shëndetësisë, Arben Taravari në një intervistë për RTV21 me gazetarin Halil Mula në Nju Jork, ka bërë të ditur se në fund të tetorit, me homologun e tij nga Kosova, Arben Vitia do të nënshkruajnë disa marrëveshje.

Marrëveshjet, siç bëri të ditur Taravari, kanë për qëllim të thellojnë bashkëpunimin dhe avancojnë shërbimet shëndetësore të Maqedonisë së Veriut dhe Kosovës.

Ndërkaq se si e vlerëson bashkëpunimin me homologët rajonal, Taravari zbuloi se me atë të Shqipërisë nuk ka pasur takim deri më tani.

Temperatura deri në 34 gradë

By
Desk
-
0

Moti sot do të jetë me diell dhe i ngrohtë, me vranësira të ulëta deri mesatare lokale. Do të fryjë erë e dobët deri mesatare, në pjesët perëndimore nga perëndimi, i cili do të forcohet kohë pas kohe në disa vende, ndërsa përgjatë Vardarit dhe në pjesët lindore do të fryjë nga drejtimi juglindor. Temperatura minimale do të jetë nga 7 deri në 16 gradë, ndërsa maksimalja do të arrijë nga 27 deri në 34 gradë Celsius.

Në Shkup moti do të jetë me diell dhe i ngrohtë, me vranësira të ulëta. Do të fryjë erë e lehtë deri mesatare, kryesisht nga drejtimi juglindor. Temperatura minimale do të ulet deri në 13 gradë, ndërsa temperatura maksimale do të arrijë deri në 34 gradë Celsius.

Gjatë kësaj jave do të mbizotërojë mot i ngrohtë. Të martën do të ketë zhvillim lokal të vranësirave të paqëndrueshme, ndërsa të mërkurën në shumë vende pritet mot i paqëndrueshëm me shi të rrëmbyeshëm, bubullima dhe erë të përforcuar. Nga e enjtja do të mbizotërojë mot me diell, me vranësira të ndryshueshme gjatë ditës.

Trump thotë se është arritur marrëveshja SHBA – Iran, nënshkrimi pritet më 19 qershor në Zvicër

By
Desk
-
0

Presidenti i Shteteve të Bashkuara të Amerikës, Donald Trump, ka njoftuar të dielën se është arritur një marrëveshje me Iranin dhe se SHBA-ja do t’i japë fund bllokadës detare, raporton “CNN”. 

“Marrëveshja me Republikën Islamike të Iranit është finale. Urime të gjithëve!” – ka shkruar Trump në një postim në “Truth Social”. 

Detajet e marrëveshjes nuk janë bërë të ditura dhe Teherani ende nuk ka komentuar këtë marrëveshje. 

Trump tha se ka autorizuar të largohet bllokada detare e SHBA-së ndaj Iranit. 

Zëvendësministri i Jashtëm i Iranit, Kazem Gharibabadi, ka konfirmuar gjatë një telefonate në televizionin shtetëror se një marrëveshje me SHBA-në është finalizuar dhe se nënshkrimi zyrtar do të bëhet në Zvicër të premten.

“Një fund i menjëhershëm dhe i përhershëm i luftës dhe i operacioneve ushtarake në fronte të ndryshme, përfshirë Liban, do të shpallet sonte”, tha ai.

Ai shtoi se bllokada detare e SHBA-së kundër Iranit do të hiqet gjithashtu sonte.

I pari që njoftoi marrëveshjen ishte kryeministrit i Pakistanit, Shehbaz Sharif. Sharif tha të dielën se

“Marrëveshja e Paqes mes Shteteve të Bashkuara të Amerikës dhe Republikës Islamike të Iranit është ARRITUR”.

“Të dyja palët kanë shpallur ndërprerjen e menjëhershme dhe të përhershme të operacioneve ushtarake në të gjitha frontet, përfshirë Libanin”, tha Sharif në një postim në rrjetet sociale të dielën në mbrëmje.

Ai ka thënë se marrëveshja do të nënshkruhet më 19 qershor në Zvicër. 

“Ceremonia zyrtare e nënshkrimit do të mbahet të premten, më 19 qershor, në Zvicër”, shtoi kryeministri, duke falënderuar Katarin, Arabinë Saudite dhe Turqinë për ndihmën e tyre në “përpjekjen e ndërmjetësimit”.

“Me marrëveshjen tashmë në fuqi, ndërmjetësuesit do të lehtësojnë një sërë takimesh gjatë kësaj jave”, thuhet në postimin e Sharifit. “Këto diskutime para zbatimit do të hedhin themelet për bisedimet teknike dhe ceremoninë zyrtare të nënshkrimit”.

12 të vdekur pas rrëzimit të aeroplanit në Missouri të SHBA-së

By
Desk
-
0

Të paktën 12 persona kanë humbur jetën pasi një aeroplan i përdorur për hedhje me parashutë u rrëzua në Missouri, kanë bërë të ditur autoritetet lokale, raportoi BBC-ja.

Sipas zyrtarëve të menaxhimit të emergjencave, avioni, i marrë me qira nga një kompani e hedhjeve me parashutë, u ngrit nga aeroporti i Butlerit, nga ku nuk arriti të fitonte lartësi pas ngritjes dhe u rrëzua rreth 200 metra larg aeroportit. 

Si pasojë e aksidentit, humbën jetën të gjithë personat që ndodheshin në bord – 11 parashutistë dhe piloti.

Sipas Administratës Federale të Aviacionit, në momentin e aksidentit nuk po ofroheshin shërbime të kontrollit të trafikut ajror, pasi avioni po operonte në një hapësirë ajrore ku komunikimi me kontrollin nuk ishte i detyrueshëm.

Ndërron jetë prof. Dr. Murat Murati

By
Desk
-
0

Ditën e diel ka ndërruar jetë profesori Dr. Murat Murati.

I lindur në Zajaz, por që vitet e fundit jetonte dhe vepronte në Strugë, profesori ndërroi jetë në moshën 86 vjeçare.

Për vdekjen e tij njoftuan familjarët, duke bërë të ditur se lamtumira e fundit do t’i jepet ditën e hënë në qytetin e Strugës.

Murat Murati pash shkollës fillore, vazhdoi shkollimin në Normalen e Shkupit. Një vit qëndroi në Zajaz si mëues pastaj vazhdoi studimet në Universitetin “Kiril dhe Metodij” në Shkup, ku pas katër vitesh me sukses diplomon në lëndën e Biologjisë dhe si profesor punësohet në Normalen e Shkupit. Pastaj vazhdoi me studimet posdiplomike në Universitetin e Zagrebit ku me shumë sukses përfundon magjistraturën e më vonë doktoraturën në shkencat biologjike, dega e botanikës duke u bërë një ndër “Likenollogët “ më eminent në Ballkan e më gjërë! Punoni si profesor i rregullt më Sh.L.P-Gjakovë,dhe ndër të parët në Universitetin e Tetovës!

Sot pushoi së rrahuri zemra e familjarit,mësuesit,shkencëtarit dhe kombëtarit të emancipimit e flamurtarit të kauzës shekullore shqiptare,Prof.Dr.Murat Murati.
I lindur në Zajaz me 17 Mars 1940.Pas fillores,vazhdon në Normalen e Shkupit.Një vit qëndron në Zajaz,si mëues.Pastaj vazhdon studimet në Univerzitetin “Kiril dhe Metodij” në Shkup,ku pas katër vitesh me sukses diplomon në lëndën e Biologjisë,dhe si profesor punësohet në Normalen e Shkupit.Pastaj vazhdon me studimet posdiplomike në Universitetin e Zagrebit,ku me shumë sukses përfundon magjistraturën e më vonë doktoraturën në shkencat biologjike, dega e botanikës,duke u bërë një ndër “Likenollogët “ më eminent në Ballkan e më gjërë!
Bashkëpunon me shkenctarët më të mëdhenj si Dr.Pavletiç nga Zagrebi,dr Codoreanu-Bukutesht,dr Tobulevski-Krakov,dr.Sorensen-Stokholm dhe dr.Meyer-Luzern!
Punon si profesor i rregullt më Sh.L.P-Gjakovë,dhe ndër të parët në Universitetin e Tetovës!Deri në pensionim punon si profesor dhe më vonë Dekan,në F.P- Shkup.Është shkencëtari i vetëm që ka përfunduar dhe botuar “Florën e likenëve të ish Jugosllavisë”.
Për kontributin e tij fla

Zviceranët i thonë “jo” kufizimit të popullsisë, sipas rezultateve të para të votimit

By
Desk
-
0

Votuesit në Zvicër kanë refuzuar propozimin për të kufizuar popullsinë e vendit në 10 milionë banorë, sipas projeksioneve të para.

Ndonëse nuk janë numëruar ende të gjitha votat, tendenca aktuale tregon se rreth 55% e votuesve kanë votuar kundër propozimit, ndërsa 45% në favor të tij.

Propozimi ishte paraqitur nga Partia Popullore Zvicerane, e cila prej kohësh zhvillon fushata me qëndrime kundër emigracionit.

Ky referendum përçarës rrezikonte të vinte në pikëpyetje marrëveshjen e lëvizjes së lirë të personave mes Zvicrës dhe Bashkimit Evropian.

Popullsia e Zvicrës është rritur me shpejtësi që nga viti 2002, kur numëronte 7.3 milionë banorë. Sot ajo ka arritur në 9.1 milionë, ndërsa 27% e banorëve janë rezidentë zviceranë të lindur jashtë vendit.

Megjithatë, argumentet e Partisë Popullore se kufizimi i popullsisë do të ulte presionin mbi transportin, strehimin dhe mjedisin, nuk duket se bindën mjaftueshëm votuesit.

Shumë qytetarë të tjerë duket se ishin të shqetësuar për mundësinë e humbjes së fuqisë punëtore të nevojshme në sektorë si turizmi, spitalet dhe qendrat e kujdesit për të moshuarit.

Po ashtu, veçanërisht udhëheqësit e biznesit zviceran kishin frikë se vendi mund të humbiste qasjen e tij jetike në tregun e përbashkët evropian.

Mbi gjysma e produkteve zvicerane eksportohen në Bashkimin Evropian, por qasja e tyre në tregjet evropiane varet nga përkushtimi i Zvicrës ndaj lëvizjes së lirë të njerëzve. Nëse kufiri prej 10 milionë banorësh do të ishte miratuar, Zvicra do të detyrohej të anulonte këtë marrëveshje.

Gjithashtu, ka gjasa që një pjesë e votuesve zviceranë të kenë qenë të shqetësuar për pasojat e një vendimi që mund ta linte vendin më të izoluar në një botë gjithnjë e më të paqëndrueshme.

Megjithëse neutrale, Zvicra, ashtu si fqinjët e saj evropianë, po rrit shpenzimet për mbrojtjen dhe po shqyrton mënyra për të bashkëpunuar më ngushtë me vendet evropiane në fushën e sigurisë.

Sistemi i demokracisë direkte në Zvicër nënkupton se vendimet e rëndësishme merren përmes votimit popullor. Aktivistëve u mjafton të mbledhin 100,000 nënshkrime për të siguruar mbajtjen e një referendumi mbarëkombëtar.

Trumpi ende pret që marrëveshja me Iranin të nënshkruhet për dy-tri orë

By
Desk
-
0

Presidenti i Shteteve të Bashkuara të Amerikës, Donald Trump, beson se marrëveshja me Iranin do të nënshkruhet brenda “dy-tri orëve të ardhshme”. Trump i ka thënë këtë “Fox News”. 

Ai ka thënë se ka folur në telefon me kryeministrin e Izraelit, Benjamin Netanyahu, pas sulmeve të sotme izraelite në Bejrut të Libanit. Trump ka shprehur pakënaqësinë lidhur me këtë sulm.

Ai i ka thënë Netanyahut të mos bëjë sulme tjera, në mënyrë që të mos preket marrëveshja. 

Trumpi po dëshiron ta firmosë marrëveshjen me Iranin sot, kur e feston ditëlindjen e 80-të. 

Siljanovska: BE-ja duhet të ndryshojë metodologjinë e negociatave! Vlerat evropiane janë edhe vlera maqedonase, kërkohet qasje më e barabartë

By
Desk
-
0

Presidentja Gordana Siljanovska-Davkova kërkon një qasje më të fortë dhe më të argumentuar të Maqedonisë në procesin e integrimit evropian, të bazuar në interesat kombëtare dhe vlerat evropiane. Sipas saj, qytetarët duhet të inkurajohen se vlerat evropiane janë edhe vlera maqedonase dhe mund të zbatohen edhe në vend. Sipas saj, kritikat ndaj zgjidhjeve duhet të jepen me kulturë dhe argumente, në mënyrë që të nxisin reflektim dhe dialog.


“Nëse ju i vini në dukje në mënyrë të sjellshme, kulturore, me argumente, se keni vërejtje për disa zgjidhje, se ato zgjidhje nuk përputhen me filozofinë e Bashkimit Evropian, se ato zgjidhje nuk janë të pranueshme për shumicën e qytetarëve, përshkakë se bisedoni për sistem demokratik politik Evropian atëherë mendoj se do të reflektojnë, nëse jo vetë ata, atëherë bashkëbiseduesit e tyre. tha Siljanovska-Davkova”, tha Siljanovska-Davkova.


Presidentja Gordana Siljanovska-Davkova kërkon ndryshim të metodologjisë së negociatave të Bashkimit Evropian, duke theksuar se procesi i zgjerimit nuk duhet të funksionojë mbi parimin “hesht dhe dëgjo”. Ajo kritikon qasjen e BE-së si të pabarabartë mes vendeve anëtare dhe kandidate, dhe thotë se edhe vendet kandidate duhet të kenë të drejtë të shprehin qëndrimet e tyre në negociata. Sipas saj, edhe vetë BE-ja ka nevojë për reforma të thella në mënyrën si zhvillon procesin e zgjerimit.

“Dhe prandaj e kanë me të drejtë ata që thonë se BE-ja duhet të mendojë për metodologjinë e negociatave. Nuk mund të jetë ‘hesht dhe dëgjo’. Si vëlla i madh dhe vëlla i vogël, ose i pasur dhe i varfër. Jo. Edhe kandidatët, edhe kandidatët për kandidatë kanë çfarë të thonë. Çfarë lloj negociatash janë kur ju më thoni – ja korniza, zbatoje, ndrysho Kushtetutën sepse ne jemi brenda, ne jemi një shoqëri ekskluzive, dhe ju prisni? Jo. Edhe BE-së gjithashtu i duhen reforma të thella”, deklaroi Siljanovska-Davkova


Kujtojmë se për hapjen e kapitujve të negociatave dhe Konferencën e dytë Ndërqeveritare, kërkohet që Parlamenti të miratojë ndryshimet kushtetuese. Qeveria aktuale në Shkup, e përbërë nga VMRO-DPMNE, VLEN dhe ZNAM, që nga qershori 2024, nuk është e gatshme të hyjë në këtë proces pa garanci se nuk do të ketë kushte të reja bilaterale nga Bullgaria. Ndërkohë, në vitin 2017, të dy vendet kishin nënshkruar Marrëveshjen për Miqësi, Fqinjësi të Mirë dhe Bashkëpunim.

PS e Ramës me një deputete më pak! Marjana Koçeku vazhdon mandatin si e pavarur

By
Desk
-
0

Deputetja Marjana Koçeku ka bërë të ditur përmes një statusi në rrjetet sociale se nuk do të jetë më pjesë e Partisë Socialiste, duke deklaruar se do të vijojë mandatin si deputete e pavarur.

Ajo thekson se vlerat dhe idealet e saj kanë qenë të pandryshuara edhe para angazhimit politik, duke shtuar se ato përbëjnë kufirin e saj personal në jetën publike.

Koçeku ka qenë e para në listën e kandidatëve për deputetë të Partisë Socialiste në qarkun Shkodër në zgjedhjet e fundit, një pozicion që i dha asaj një rol të rëndësishëm në përfaqësimin e kësaj force politike në zonë.

Megjithatë, mbetet për t’u parë nëse largimi i saj është formalizuar edhe zyrtarisht pranë strukturave të Partisë Socialiste dhe Kuvendit.

Statusi i plotë i Marjana Koçekut:

“Prej sot jam deputete e pamvarun. Idealet e vlerat e mia janë ato që i kam pasë e i kam shprehë qysh para se me u asociu me nji parti. Ato m’i diftojne kufijtë.”

Rruga e Xhepçishtit në Tetovë edhe pas tetë muaj e pa përfunduar! Banorët: “Thoshin brenda tre muajsh, ndërsa sot as ujë as rrugë”

By
Senat Zylbehari
-
0

Tetë muaj premtime dhe asnjë përfundim. Rruga kryesore në fshatin Xhepçisht, e nisur me bujë gjatë fushatës për zgjedhjet lokale, po rezulton një sfidë e papërballueshme për banorët. Edhe pse afati fillestar i premtuar ishte vetëm tre muaj, sot, pas thuajse tre herë më shumë kohe, vendi ngjan më shumë me një zonë të goditur nga kriza sesa me një rrugë funksionale. Pluhuri i gurit ka mbuluar shtëpitë, ndërsa gropat po u kushtojnë shtrenjtë xhepave të qytetarëve.

“Tetë muaj edhe deri ku e shihni edhe ju , në pluhur e si është më zi, A va dëmton veturat? , më së pari është vetura ime është e dëmtuar, por në rrugë më zu se  hetova edhe hyr anë këtë begatonkat, më zu në puset, edhe më zu, kur u nis më thanë brenda tre katër muajsh, edhe I kemi përkrah dhe I përkrahim po dështuan me rrugën , dështuan , dhe me hy në shtëpi krejt pluhur dhe llom është shtëpia”

“Asgjë nuk behët na mbyti pluhur si sju vjen turp  be edhe me fëmijë asgjë nuk bëhet , ky është pluhur guri kjo është puna, nuk ka hajrë këtu, , a thonë se do behët shpejtë, e kanë sjell një bager edhe rinë, na mbytën shqiptarët  kjo më vjen inat se”.

“Shumë na pengon  krejt pluhur uji pastër jo, edhe çaka donë edhe pa ujë të rish edhe ujë edhe nja dy javë edhe s’ka  krejt me ujë reke rimë rruga siç e shihni vetë edhe s’ka hajër prej këtu”

Përballë revoltës dhe akuzave të drejtpërdrejta të banorëve, numri një i Komunës së Tetovës, Bilall Kasami, kërkon durim. Sipas tij, vonesat nuk vijnë nga neglizhenca, por nga fakti se në Xhepçisht po ndërtohet një infrastrukturë e tërë nëntokësore, e cila kërkon kohën e saj teknike.

“Rruga e fshatit Xhepçisht e dimë që aty bëhet fjalë për një projekt pak më kompleks, domethënë nuk është vetëm asfaltimi i rrugës, por bëhet fjalë për të gjithë infrastrukturën përcjellëse nëntokësore me kanalizim fekal, atmosferik. Aty ka pasur edhe një gyp të ujitjes për fushën e fshatit, pra. Rregullimi i hapësirave të tjera, trotuareve. Po sipas informatave me kompanitë që janë, punohet në bazë të dinamikës të paraparë. Por edhe njëherë, nuk është një rrugë, asfaltimi i një rruge, por është një lloj sheshi për fshatin, kështu që ka më shumë elemente të projektit të cilat e komplikojnë procesin”, tha Bilall Kasami

Derisa Komuna e quan projektin “shesh kompleks”, për banorët e Xhepçishtit realiteti mbetet i thjeshtë, pluhur në shtëpi, vetura të dëmtuara dhe ujë që mungon. Dinamika e paraparë në letër, për ta, po ecën me hapat e një breshke në terren

Mevlan Ademi: Në Bruksel kërkuam trajtim të barabartë për shqiptarët! Fokus në Marrëveshjen e Ohrit dhe të drejtat e komuniteteve

By
Desk
-
0

Në një postim në rrjetin social facebook njëri nga organizatorët e protesës së studentëve Mevlan Ademi njofton se gjatë vizitës në Bruksles së bashku me Çlirim Isenin kanë zhvilluar takime me përfaqësues të Komisioni Evropian dhe Shërbimin Evropian për Veprim të Jashtëm, ku janë diskutuar çështje që lidhen me sundimin e ligjit, zbatimin e Marrëveshjes së Ohrit dhe të drejtat e komuniteteve në Maqedoninë e Veriut. Ademi thotë se në takim u theksua nevoja që Bashkimi Evropian të tregojë të njëjtin angazhim dhe vëmendje ndaj të drejtave të shqiptarëve në vend, ashtu si për komunitetet e tjera në rajon.

“Gjatë bisedës nënvizuam se Bashkimi Evropian duhet të tregojë të njëjtin fokus, vëmendje dhe përkushtim ndaj të drejtave të shqiptarëve në Maqedoninë e Veriut, ashtu siç tregon ndaj të drejtave të komuniteteve të tjera në rajon. Theksuam se shqiptarët janë faktor shtetformues në Maqedoninë e Veriut dhe se BE-ja, si bashkëgarantuese e Marrëveshjes së Ohrit dhe promotore e vlerave demokratike evropiane, ka një rol të rëndësishëm në sigurimin e respektimit të standardeve të njëjta për të gjithë qytetarët, pa dallim. Parimet e barazisë, drejtësisë, dinjitetit dhe mbrojtjes së të drejtave themelore duhet të mbeten busulla e çdo procesi demokratik dhe integrues, thuhet mesa tjerash në postim”.

123...13,002Page 1 of 13,002