Përdorimi i telefonit, shkrimi i mesazheve po ashtu përmes telefonit është njëri nga tre shkaktarët që po shkakton aksidentet në komunikacion.

E si shkaktarë të aksidenteve mbesin edhe shpejtësia dhe mungesa e vënies së rripit.

Këto janë statistikat e një raporti që ka nxjerrë policia e Kosovës për katër mujorin e parë. Por ky raport tregon një gjendje pak më të mirë.

Policia thotë se ka pasur rënie të konsiderueshme të aksidenteve me fatalitet. Por, krejt kjo falë fushatave vetëdijësuese dhe kampanjave që janë organizuar nga policia e Kosovës, e jo nga shqiptimi i gjobave.

Përmes një komunikate për opinion, Gjykata Kushtetuese e Kosovës njofton se e ka hedhur poshtë kërkesën e Avokatit të Popullit, i cili kontestonte vlerësimin e Kushtetutshmërisë së Dekretit të Presidentes së Republikës së Kosovës, nr. DKGJK-001-2014, të 31 gushtit 2014, për konfirmimin e vazhdimit të mandatit të gjyqtarëve ndërkombëtarë në Gjykatën Kushtetuese të Republikës së Kosovës

Parashtruesi i kërkesës pretendonte se Dekreti ishte në kundërshtim me procedurën kushtetuese për zgjedhjen e gjyqtarëve të Gjykatës Kushtetuese, të përcaktuar në nenin 114.2 [Përbërja dhe Mandati i Gjykatës Kushtetuese], në nenin 65 (11) [Kompetencat e Kuvendit] dhe në nenin 84 (19) [Kompetencat e Presidentit] të Kushtetutës.

Policia në rajonin e Hesenit, në Gjermani, ka parandaluar një sulm të planifikuar terrorist, me gjasë me prapavijë salafiste dhe ka arrestuar dy persona të dyshuar.
Policia në banesën e tyre ka gjetur lëndë djegëse, bombë dhe një pushkë automatike me municion, ka njoftuar gazeta Di Velt.

Çifti bashkëshortor, Halil dhe Senaj D., ka qenë disa ditë nën vëzhgim dhe ky çift është vërejtur kah fundi i marsit në një dyqan të materialit ndërtimor, ku kishin blerë sasi të madhe të peroksidit, duke u identifikuar me emra të rrejshëm./21 MEDIA/

 Pas deklaratës së sotme që ka dhënë Presidenti i Çekisë, Milos Zeman, për gazetën serbe “Novosti”.  i cili kishte thënë se, për dallim nga shteti në krye të të cilit gjendet, personalisht nuk e njeh pavarësinë e Kosovës dhe prandaj nuk po dërgon ambasador në Prishtinë, më çrast po ashtu kishte theksuar se Hashim Thaçi sipas tij është kriminel lufte, ka reaguar zv/ministrit i Kulturës, Rinisë dhe Sportit, Rexhep Hoti.

Hoti përmes një postimi në ‘Facebook’ i është drejtuar  presidentit Zeman, duke shkruar se nuk është ashtu z. President. Hoti i përkujton  se kush ishte Kosova dhe Hashim Thaçi. “Asnjë vendim i asnjë Gjykate, as ndërkombëtare, as rajonale e as vendore, nuk ka sjellë asnjë aktvendim të plotfuqishëm a çfarëdo qoftë, që do të mund t’i arsyetonte pohimet e juaja.
Republika e Kosovës është shteti më i ri i qytetërimit Perëndimor dhe storie e suksesshme e Rendit të Ri Botëror” shkruan pos tjerash ai.

Lexojeni postimin e plotë të Hotit në Facebook:

“Nuk është ashtu, z. President!

Nuk është hera e parë që dëgjojmë prononcime skandaloze dhe të pavërteta prej Presidentit të Çekisë, z. Miloš Zeman. Etiketimet, mllefet dhe shfryrjet e tij të njohura kundër Ushtrisë Çlirimtare të Kosovës, kundër Lirisë së Kosovës apo edhe kundër ish – Sekretares së Shtetit, Zonjës së Madhe Madeleine Albright, na bëjnë të kuptojmë edhe njëherë pasojat e realiteteve të regjimeve të dikurshme komuniste.

Deklarimet ekskluzive dhe johigjienike të Presidentit Miloš Zeman, veçmas të bëra për opinionin e gjerë në Serbi, pa fakte dhe pa mund të argumentimit, na bëjnë të kuptojmë se edhe në Bashkimin Europian ka ende punë për të bërë në shërbim të largimit të sharlatanizmit të personaliteteve të larta shtetërore. Duket se kjo vlen veçmas për pjesën Lindore të Europës ku ende është i pashmangshëm kurimi i pasojave të Luftës së Ftohtë.
Republika e Kosovës, z. Miloš Zeman, President i Çekisë, ka halle e probleme shumë. Por ajo nuk drejtohet nga mafia e narkotikëve dhe Hashim Thaçi nuk është kriminel lufte. Asnjë vendim i asnjë Gjykate, as ndërkombëtare, as rajonale e as vendore, nuk ka sjellë asnjë aktvendim të plotfuqishëm a çfarëdo qoftë, që do të mund t’i arsyetonte pohimet e juaja.
Republika e Kosovës është shteti më i ri i qytetërimit Perëndimor dhe storie e suksesshme e Rendit të Ri Botëror. Në mbështetje të kësaj filozofie autoktone të Qytetërimit Perëndimor, nuk mund të merremi me nostalgjinë tuaj për Moskën apo në lidhje me paqartësinë tuaj ndaj qytetërimeve tjera. Atë, besoj fuqishëm do të bëjnë qytetarët dhe opinioni publik ku jeni zgjedhur President.
rhoti
p.s:
Pikëpamjet në këtë opinion janë personale” shkruan Hoti.

Sipas asaj që raporton revista argjentinase “Clarin”, duke iu referuar burimeve të afërta me Lionel Messin, ylli i Barcelonës do të bëhet sërish baba i një djali që do të quhet Benjamin.

Interesant është fakti që edhe djali i Sergio Ageuros, me vajzën e Maraddonas, Giannina, quhet po Benjamin.
Gjithashtu, “Clarin” shkruan se Antonella Roccuzzo është tre muaj shtatzanë.

Leo dhe Antonella kanë një djalë, Thiago, i cili ka ardhur në jetë më 2 nëntor 2012.

Tirana International Film Festival ka shpallur sot në mesditë emrat e filmave të cilët janë futur kështu në kategoritë garuese të këtij festivali.

Filmat të cilët kanë aplikuar nga e mbarë bota janë seleksionuar dhe më pas inkuadruar në disa kategori, si ajo e filmave të gjatë, dokumentarëve, dhe filmave të metrazhit të shkurtër.

29 filma, përfshirë të tillë nga Amerika, Serbia, Turqia, Spanja, Finlanda, Portugalia, Kanada, India, Sllovenia dhe Kroacia janë në kategorinë e filmave të metrazhit të shkurtër, ndërsa vetëm gjashtë sosh janë në konkurencën kryesore të festivalit.

1. Dancing With Maria by Ivan Gergolet | Argentina | 75’
2. Happily Ever After by Tatiana Bozic | Croatia & Netherlands | 83’
3. How I Saved Africa by Kullar Viimne | Estonia | 77’
4. Inside the News (Les gens du Monde) by Yves Jeuland | France | 82’
5. The Fortune You Seek Is In Another Cookie by Johannes Gierlinger | Austria | 82’
6. This Is My Land by Tamara Erde | France-Israel | 93’

Edicioni i sivjetmë mbahet nga 9 deri më 13 maj në kryeqytetin shqiptar.

Drejtuesit e Real Madridit janë duke kërkuar një portier cilësor, i cili pitet te zëvendësoje kapitenin e skuadrës, Iker Casillas.

Objektiv i Realit është portieri i Manchester Unitedit, Davide De Gea.

Por, në rast se dështon transferta e spanjollit, Reali ka edhe dy opsione tjera.

Sipas gazetës “Daily Telegraph”, Real Madridi po mendon për portierin e Tottenhamit, Hugo Loris dhe atij të Interit, Samir Handanovic.

Vendin tonë do ta shoqërojë moti me diell edhe gjatë ditëve në vazhdim .
Temperatura më e ulët do të lëvizë ndërmjet 4C deri 6C celsius, kurse më e larta e ditës do të lëvizë ndërmjet 18C deri 20C celsius.

Kurse në mesin e javës së ardhshme, sipas parashikimeve numerike maksimalet e ditës pritet të shenojnë vlera mbi 27C Celsius bën të ditur Instituti Hidrometeorologjik i Kosovës /21 media/

Për çdo grua që është duke lindur,është një moment i veçantë në jetën e saj andaj kërkonë vëmendje maksimale para një momenti shumë të rëndësishëm në jetën e saj!

Në shumicën e rasteve , ajo rrjedh spontanisht , pa komplikime , dhe në rrethana të tilla obstetër dhe gjinekolog rekomandojnë lindjen e fëmiut në mënyrë të natyrshme.Nëse ndodh që nuk mund të bëhet deri në fund lindja spontane, atëherë mjeku merr vendim për të përfunduar me seksionin cezarian.

Kohëve të fundit thuhet se ka indikcione të qarta se ka rritje se shumë gra shtatëzëna këtë proces e kryejnë në formën e prerjes cezariane,duke mos tentuar në lindjen e natyrshme.Se a është një mënyrë e shëndetshme dhe a ka indikacione negative paraprakisht obsteter të shumtë japin disa këshilla para se një grua t’i nënshtrohet një intervenimi të tillë.

Nëna me sëmundje të rëndë të mushkërive duhet të harrojë në seksionin cezarian.Prerja cesariane nuk rekomandohet edhe nëse nëna ka anomali gjenetike,sepse kjo do të jetë fatle për fetusin. Është konfirmuar se foshnjat që kanë lindur natyrshëm kanë shumë më pak vështirësi në frymëmarrje pas lindjes,në krahasim me foshnjat e lindura me prerje cezariane, pavarësisht nga fakti se këto foshnje duken të shëndetshme dhe të bukur.

Shkencëtarët kanë treguar se fëmijët e lindur nga prerja cezariane kanë mushkëritë e papjekur, të cilat në të ardhmen mund të kenë probleme më të shpeshta të frymëmarrjes dhe disa me oreksin. Gjithashtu mjekët vlerësuan se nënat që lindin me prerje cezariane mund të ketë probleme me laktacionin(ushqyerja me gji) ku bëhet edhe më i vështirë krijimi i kontaktit të parë me fëmijën.

Komuna e Prishtinës ka marrë sot vendim, që qytetarëve të saj t’ua paguajë shpenzimet e varrimit në vlerë prej 171 euro, kështu është bërë e ditur përmes një komunikatë për media  nga kjo Komunë.

“Me këtë vendim përcaktohet se këtë të drejtë mund ta shfrytëzojnë familjarët e ngushtë të personave që kanë ndërruar jetë. Për ta realizuar këtë, banorët e Komunës së Prishtinës duhet të jenë të pajisur me faturën për shërbimet e Ndërmarrjes Publike Lokale ‘Hortikultura’, faturën nga bashkësia fetare përmes së cilës janë kryer ritet fetare për personin e ndjerë (në rast se i/e ndjeri/a i/e është nënshtruar ritualeve fetare), si dhe faturën nga kompania përkatëse që është shfrytëzuar për transportimin e të ndjerit/ës”, sqarohet në një njoftim nga komuna e Prishtinës.

Gjithashtu, familjarët e ngushtë duhet të kenë me vete edhe ekstraktin e lindjes dhe certifikatën e vdekjes të personit që ka ndërruar jetë, një dokument identifikimi dhe numrin e xhirollogarisë bankare.

Sipas këtij njoftimi të gjithë personat e interesuar për shfrytëzimin e kësaj të drejte nuk duhet ta kalojnë periudhën kohore prej 30 ditëve duke llogaritur nga data e vdekjes së personit.

Heqja e shpenzimit të varrimeve janë vendosur edhe në disa komuna të Kosovës, si në Mitrovicë, Podujevë, Gjilan, etj./ 21MEDIA