Liderë të BE-së dhe të vendeve të Ballkanit do të diskutojnë në lidhje me mbështetjen e krijimit të një operacioni të ri të kontrollit kufitar në kufirin e Greqisë me Maqedoninë dhe me Shqipërinë, njoftojnë nga agjencia e lajmeve DPA, duke u thirrur në projekt-rezolutën e përgatitur për bisedimet në Bruksel.

Operacioni i ri i agjencisë kufitare “Fronteks” do ta vendosë theksin në kontrollin e personave që e lëshojnë vendin, si edhe në regjistrimin e refugjatëve dhe të emigrantëve, të cilët akoma nuk janë të regjistruar në Greqi.

I njëjti dokument parashikon se 400 kufitarë, deri të mërkurën, mund të dërgohen në Slloveni, nëse vendi vendos ta shfrytëzojë mekanizmin e “Fronteksit”, për dërgim imediat të ekipeve.

Liderët që do të mblidhen në Bruksel, duhet të miratojnë se “politika e lënies së refugjatëve vendeve fqinje është e papranueshme”, theksohet në projekt-rezolutë.

Ka ende kohë që dokumenti të ndryshojë, para takimit të nesërm, njoftojnë nga agjencia e lajmeve DPA.

Ndërkohë, sipas të dhënave të Ministrisë së Brendshme, gjatë 24 orëve të fundit në Maqedoni kanë hyrë 2370 refugjatë, numri më i madh prej tyre nga Siria.

Qeveria e Maqedonisë ka paralajmëruar 100 milion euro në vit për të ndihmuar kompanitë vendore përmes linjave kreditore të Bankës Maqedonase për Mbështetje të Zhvillimit, fondit për inovacione dhe zhvillim teknologjik dhe programeve për vetëpunësim.

Ministri i Financave, Zoran Stavreski theksoi se bëhet fjalë për linjën më të madhe të plasuar në vend gjatë viteve të fundit. Sipas tij, më parë nga kjo linjë e tillë kreditore janë shfrytëzuar 319 milion euro nga ana e 1583 kompanive të vogla dhe të mesme në Maqedoni, me ç’rast janë punësuar mbi 6400 veta.

Nëpërmjet fondeve të siguruara do të përkrahen dhe subvencionohen projekte të ndryshme në bujqësi, ndërtimtari, punësime të reja përmes Agjencisë për Punësim. Një pjesë e madhe e fondeve do të dedikohen për projektet për vetëpunësim. Ky program parasheh tërheqjen e kredisë prej 3 mijë deri në 5 mijë euro varësisht nga veprimtaria e biznesit.

Sapo përfundoi takimi i mesnatës mes liderëve të ‘katërshes’. Mbledhja ka mbaruar pa ndonjë marrëveshje konkrete.

Takimin i pari e ka lëshuar lideri i PDSH Menduh Thaçi, pas tij ka dalë lideri i opozitës maqedonase Zoran Zaev, ndërsa partnerët e koalicionit qeverisës Ali Ahmeti dhe Nikolla Gruevski janë mbajtur pak më gjatë me ndërmjetësuesit ndërkombëtarë.

Liderët partiakë nuk dhanë deklarata për mediat. I vetmi këtë gjë edhe kësaj radhe e bëri nërmjetësi Peter Vanhaute.

Ai informoi se nuk është arritur marrëveshje konkrete, por se është optimist se gjërat do të lëvizin përpara. Sipas tij, këtyre ditëve do të vazhdojnë grupet punuese, të cilët duhet të shtjellojnë dhe të arrijnë sa më shpejt deri te zgjidhjet për çështjet kontestuese. Do të vazhdohet edhe me takimet veç e veç me partitë, të cilat sipas Vanhaute kanë qenë më frytdhënëse.

Edhe pse shprehu optimizëm, Vanhaute tha se nuk mund të japë përgjigje precize për atë se kur do të arrihet marrëveshja, por theksoi edhe njëherë që kohë ka mbetur shumë pak dhe se afatet janë duke u afruar.

Pak pas mesnatës ka filluar takimi mes katër liderëve të partive politike për të zgjidhur ngecjet lidhur me zbatimin e Marrëveshjes së Përzhinos.

Në takim janë prezent kryetari i BDI Ali Ahmeti, i PDSH Menduh Thaçi, lideri i LSDM-së Zoran Zaev dhe kryeministri dhe njeri i parë i VMRO-DPMNE-së, Nikolla Gruevski.

Kryeministri edhe kësaj radhe erdhi i fundit në takim. Shkak për vonesën ishte takimi paraprak që kishte me korin e diplomatëve në ndërtesen e Qeverisë, ku ata, siç kumtuan, ia transmetuan mesazhin për nevojën e zgjidhjes urgjente të ngërçit politik lidhur me zbatimin e marrëveshjes.

Para pak në Qeveri mbaroi takimi i befasishëm i korit diplomatik me kryeministrin Gruevski.

“Ishim këtu për t’ia prezantuar pozitat tona Qeverisë. Nuk kemi deklaratë të veçantë sonte, ishte takim vetëm për të përçuar mesazhin e urgjencës së çështjes dhe të gjetjes së zgjidhjes. Do t’ju informojmë në të ardhmen, varësisht nga takimi i liderëve”, tha ambasadori italian Beleli për Nova TV.

Mes disa abasadorëve që vizituan Qeverinë vonë në mbrëmje ishte edhe përfaqësuesi i BE në vend, Aivo Orav.

Për në mesnatë është paralajmëruar takim i liderëve të ‘katërshes’ të liderëve partiakë, të cilët do të tentojnë të zgjidhin ngërçin e negociatave për zbatimin e marrëveshjes së Przhinos.

Lidhur me takimin me përfaqësuesit e korit diplomatik me kryeministrin Gruevski para mesnatës që kishte të bëjë me zbatimin e marrëveshjes së Përzhinos, kumtesë lëshoi edhe Qeveria e Maqedonisë.

Siç thuhet, në takim është theksuar angazhimi për gjetjen e zgjidhjeve për tejkalimin e sfidave që lidhen me zbatimin e marrëveshjes. Kryeministri ka theksuar përkushtimin ndaj marrëveshjes dhe zbatimin e detyrimeve në esencë dhe parimisht, si dhe domosdoshmërinë për përkushtim të barabartë të të gjitha palëve të përfshira.

Siç ceket në kumtesën e lëshuar nga shërbimi për informim i Qeverisë, përfaqësuesit e korit diplomatik, siç kanë informuar në takim, do të kenë bisedime me përfaqësuesit e të gjitha partive politike në drejtim të inkurajimit për finalizim të marrëveshjes.

Eksplodon bombë në veturë para shtëpisë të biznesmenit – fqi ime zëvendëskryeministrin Musa Xhaferi, në lagjen Fushë Tophanë në Shkup.

Policia për TV 21 konfirmon rastin. Sipas MPB, mjet i panjohur eksplodues rreth orës 20 e 20 minuta është hedhur në rrugën Nikolla Maleshevski.

Nuk ka viktima e as të lënduar, po janë shaktuar dëme materiale. Policia ka bërë hetimin në terren, dhe po mbledh informata shtesë për të gjetur autorin e sulmit.

Burime nga BDI mohojne se bomba ka të bëjë me zyrtarin e lartë të partisë.

Menjeherë pasi që Kryetari i Kuvendit të Kosovës Kadri Veseli ka arritur në sallë të Kuvendit,deputetët e opozitës shkuan afër tij duke komunikuar me të dhe penguar fillimin e rregulltë të seancës.
Në ndërkohë deputetja nga AAk-ja Donika Kadaj-Bujupi lëshoi gazin lotsjellës duke pa mundësur mbajtjen e seancës./21Media

Liderët e katër partive politike nënshkruese të Marrëveshjes së Përzhinos sonte në mesnatë do të vazhdojnë bisedimet për zbatimin e marrëveshjes së Përzhinos, informon agjencia e lajmeve MIA.

Bisedimet e liderëve do të vazhdojnë, pasi para disa ditëve me ndërmjetësimin e eurokomisarit Johanes Han, nuk u arrit marrëveshja për çështjet e hapura.  Eksperti belg, Pitër Vanhaute ditëve të fundit ka pasur takime të veçanta me përfaqësuesit e partive politike të cilët janë pjesë e grupeve punuese për zbatimin e pikave të marrëveshjes.

Vanhaute në takimin me gazetarët theksoi se nëse deri në fillim të nëntorit, nuk formohet KSHZ dhe nuk realizohet Ligji për prokurorin special, do të vihet në pikëpyetje vlefshmëria e marrëveshjes dhe mbajtjes së zgjedhjeve.

Dita e luftës revolucionare të Maqedonisë kaloi pa praninë e opozitës. Në parkun “Gruaja luftëtare”, shënimi i festës kaloi në praninë e qytetarëve, të shoqatave – përkrahëse të VMRO-së.

Në krye të delegacionit qeveritar ishte zëvendëskryeministri dhe ministri i financave, Zoran Stavreski. Në delegacionin e qytetit të Shkupit, në krye të të cilit ishte prefekti Koce Trajanovski, nuk kishte përfaqësues nga LSDM-ja, kurse e njejta gjë ndodhi edhe me përbërjen e delegacionit të Kuvendit. Morën pjesë edhe delegacione nga kabineti i kryetarit të shtetit, delegacioni i Ministrisë së Mbrojtjes dhe ARM-së, si dhe ambasadori i Federatës Ruse.

Nga partia më e madhe opozitare thonë se dita e sotme nuk është festë shtetërore. Zëdhënësi i partisë, Petre Shillegov, thotë se VMRO DPMNE e keqpërdor festën për nevojat e partisë. Siç tha Shilegovi, ky hap i kontribuon ndarjes në vendin tonë. Sipas tij, kjo paraqet keqpërdorim klasik të shtetit për promovim të partisë. Me projektin “E vërteta për Maqedoninë”, siç theksoi Shilegovi, u tregua dhe dëshmua se për VMRO DPMNE-në, shteti dhe partia janë një. U shënua edhe dhënia e çmimit “23 tetori”.

Me ketë rast, në Kuvendin e Republikës së Maqedonisë u dhanë çmimet për më të suksesshmit në fushën e kulturës dhe artit, shkencës dhe të arsimit. Çmimin shtetëror “23 tetori” e morën edhe artisti Stefan Haxhi Nikollov, shkrimtari Fejzi Bojku dhe kritiku letrar, gazetar dhe publicist, Kostadin Kostadinovski.“Kjo paraqet përfundim të valorizimit dhe verifikimit të arritjeve tona krijuese në 4-5 dekadat e fundit. Kultura paraqet pasqyrën dhe krenarinë e një kombi”, tha Kostadinovski.

Akademikja Vera Bitrakova Grozdanova theksoi se çdo gjë që është arritur deri sot, duhet të avancohet dhe, në kohën më të re të merret pjesë në gara të barabarta me të gjithë. Duke dërguar mesazhin e një personi, siç tha, shumë të edukuar, Bitrakova theksoi se në kohën moderne duhet të përpiqemi që të pushtetshmit t’i dëgjojnë më shumë të arsimuarit.

Vesna Jaqimovska