Sekuestrohet ar në vlerë 1.1 milion denarë në pikën kufitare në Bogorodicë

By
Desk
-
0

Në pikën kufitare Bogorodicë, oficerët doganorë kanë sekuestruar stoli ari me vlerë rreth 1.1 milion denarë, pasi zbuluan dy shtetas të Kosovës që po tentonin t’i kontrabandonin në mënyrë të paligjshme.

Sipas autoriteteve, bëhet fjalë për katër zinxhirë ari me peshë totale prej 190.6 gramësh, të cilët të dyshuarit i kishin blerë në Turqi. Për t’i shmangur kontrollet doganore, ata i kishin vendosur stolitë në trup dhe i kishin mbuluar me rrobat e tyre.

Rasti është proceduar në Departamentin e Hetimeve, i cili ka ngritur kallëzime penale kundër të dyshuarve në Prokurorinë Publike në Gjevgjeli për veprën penale të kontrabandës.

Nga Drejtoria e Doganave bëjnë të ditur se ky është sekuestrimi i 11-të i arit gjatë këtij viti. Deri më tani janë konfiskuar gjithsej rreth dy kilogramë stoli ari. Katër raste janë zbuluar në Bogorodicë, pesë në Aeroportin Ndërkombëtar të Shkupit, ndërsa nga një rast është regjistruar në Tabanoc dhe Bllacë.

Në nëntë raste të veçanta, dhjetë persona janë ndjekur penalisht nga Departamenti i Hetimeve për veprën penale të kontrabandës, e cila sanksionohet sipas Kodit Penal.

Tetë vjet nga Marrëveshja e Prespës! E mbylli mosmarrëveshjen me Greqinë dhe e hapi rrugën drejt NATO-s

By
Desk
-
0

Si sot, 17 qershor 2018, në Nivicë, u nënshkrua Marrëveshja e Prespës ndërmjet Maqedonisë dhe Greqisë. Me marrëveshjen, shteti e ndryshoi emrin në Republika e Maqedonisë së Veriut, ndërsa Greqia e njohu gjuhën maqedonase dhe identitetin maqedonas. Marrëveshja hyri në fuqi më 12 shkurt 2019, pas ratifikimit në të dyja vendet.

Maqedonia e Veriut në vitin 2020 u bë anëtarja e 30-të e NATO-s. Gjatë tetë viteve të kaluara janë përmirësuar marrëdhëniet dypalëshe dhe bashkëpunimi ndërmjet dy shteteve. Një pjesë e detyrimeve, veçanërisht nga pala greke, ende nuk janë realizuar plotësisht. Marrëveshja e Prespës vazhdon të mbetet një nga marrëveshjet politike më të rëndësishme në historinë e re të vendit.

Arrestohen 11 persona, u kapën me drogë

By
Desk
-
0

Njëmbëdhjetë persona janë arrestuar nga policia në lokacione të ndryshme në Shkup, pasi gjatë kontrolleve tek ata janë gjetur dhe sekuestruar lloje të ndryshme të substancave narkotike.

Sipas njoftimit të Ministrisë së Punëve të Brendshme të Maqedonisë së Veriut, personat e arrestuar janë të moshave nga 19 deri në 48 vjeç dhe vijnë nga Shkupi dhe Tetova.

Gjatë kontrolleve policore janë gjetur dhe konfiskuar substancë e bardhë pluhur, substancë e bardhë në formë kokrrizash dhe marihuanë.

Autoritetet bëjnë të ditur se pas dokumentimit të plotë të rasteve, ndaj të arrestuarve do të ndërmerren procedurat përkatëse ligjore dhe do të paraqiten kallëzimet e nevojshme.

Qendra për ndryshime klimatike: Maqedonia po përballet me rrezik të shtuar nga thatësia

By
Desk
-
0

Maqedonia po përballet me rrezik të shtuar nga thatësia për ç’shkak nevojiten mjete financiare për realizim për masa adaptimi, vlerësojnë nga Qendra për ndryshime klimatike me rastin e Ditës botërore për luftë kundër shkretimit dhe thatësisë.

Nga atje cekin se vendet nga Mesdheu, përfshirë edhe Maqeodninë, janë gjithnjë e më shumë të ekspozuara ndaj periudhave më të gjata të thata, reshjeve të pakësuara dhe rritjes së vazhdueshme të temperaturave.

“Këto ndryshime ndikojnë drejtpërdrejtë ndaj resurseve të ujit, bujqësisë dhe stabilitetit të bashkësive lokale, me ç’rast pasojat janë gjithnjë e më shumë reflektohen edhe përmes humbjeve ekonomike dhe rritjes sociale”, thonë nga Qendra për ndryshimet kliamtike.

Vegël për vlerësim të rreziqeve dhe ndjeshmërinë e bashkësive lokale nga ndryshimet klimatike, e përpunuar në suaza të projektit Green B-LEAF tregojnë se, edhe përkundër ekspozimit të rritur ndaj rreziqeve, gatishmëria e komunave në rajonet mesdhetare mbetet e kufizuar, që tregon për nevojën e qasjeve më sistematike dhe më afatgjata në menaxhimin me rreziqet klimatike.

Sipas Qendrës për ndryshime klimatike, thatësia mbetet një prej sfidave më serioze të ndryshimeve bashkëkohore klimatike, që kërkon koordinim, përgjigje të saktë dhe të integruar në të gjitha nivelet e menaxhimit. Në atë drejtim, është i domosdoshëm përforcimi i kapaciteteve institucionale dhe lokale për vlerësim të rreziqeve dhe planifikimit strategjik, si dhe sigurimit të mjeteve adekuate financiare për zbatim të masave të adaptimit ndaj ndryshimeve klimatike, thonë nga atje.

Numërimi drejtë fundit, këto pritet të jenë deputetët e Kuvendit të Kosovës

By
Desk
-
0

Të mërkurën pritet përfundimi i numërimit të votave nga zgjedhjet e 7 qershorit. E përderisa numërimi është krejt në fund, emrat e 100 deputetëve të legjislaturës së 11-të pothuajse janë konfirmuar.

Lëvizja Vetëvendosje ka siguruar 53 ulëse në mesin e 100 deputetëve shqiptarë. Partia Demokratike e Kosovës deri tash ka 22 ulëse, e pasuar nga Lidhja Demokratike e Kosovës me 18 mandate. Aleanca për Ardhmërinë e Kosovës mbetet partia e katërt më e madhe me 7 ulëse. transmeton koha.net.

Ndryshimet në mandate u përcaktuan nga vota e diasporës. Nga numërimi i rreth 100 mijë votave, diaspora ia shtoi pesë ulëse VV-së nga numërimi preliminar nga vendvotimet në Kosovë. E pësuan të tri partitë tjera që humbën ulëse.

Lista e deputetëve:

Vetëvendosje në krahasim me zgjedhjet e 28 dhjetorit, ka humbur katër mandate. Votat i kanë lënë jashtë 17 deputetë që e ushtronin këtë funksion deri tash (Naim Bardiqi, Fitim Haziri, Ilir Qeriqi, Egzon Azemi, Mimoza Shala, Luan Aliu, Arsim Ademi, Fatos Geci, Ejup Ahmeti, Arijeta Rexhepi, Fahrush Rexhepi, Bylbyl Sokoli, Bajram Mavriqi, Enver Dugolli, Avdullah Klinaku, Rozeta Hajdari, Mytaher Haskuka)

Megjithatë, një pjesë e tyre mund të rikthehen nëse VV-ja formon qeverinë dhe disa deputetë lëshojnë postet për t’u bërë ministra.

LVV:

  1. Albin Kurti – 318,536 vota
  2. Glauk Konjufca – 259,470 vota
  3. Albulena Haxhiu – 161,909 vota
  4. Hekuran Murati – 135,226 vota
  5. Donika Gërvalla-Schwarz – 129,300 vota
  6. Xhelal Sveçla – 107,197 vota
  7. Avni Dehari – 87,577 vota
  8. Ejup Maqedonci – 87,566 vota
  9. Hajrulla Çeku – 87,220 vota
  10. Mimoza Kusari Lila – 81,227 vota
  11. Shqipe Mehmeti Selimi – 57,967 vota
  12. Andin Hoti – 55,348 vota
  13. Ilir Kërçeli – 52,192 vota
  14. Arben Vitia – 51,923 vota
  15. Saranda Bogujevci – 39,318 vota
  16. Osman Musliu – 36,492 vota
  17. Nezir Kraki – 35,137 vota
  18. Alban Bajrami – 32,069 vota
  19. Arton Konushevci – 31,764 vota
  20. Edona Llalloshi – 31,118 vota
  21. Mefail Bajqinovci – 31,063 vota
  22. Ardian Gola – 29,204 vota
  23. Armend Baloku – 25,559 vota
  24. Armend Muja – 25,508 vota
  25. Arbëreshë Kryeziu Hyseni – 25,308 vota
  26. Arbër Rexhaj – 24,558 vota
  27. Rufki Suma – 24,019 vota
  28. Blerim Gashi – 23,878 vota
  29. Fitore Pacolli Dalipi – 23,850 vota
  30. Artane Rizvanolli Berisha – 23,513 vota
  31. Adriana Matoshi – 23,278 vota
  32. Agim Bahtiri – 22,348 vota
  33. Arjeta Fejza – 22,093 vota
  34. Taulant Kelmendi – 20,879 vota
  35. Arbërie Nagavci – 20,478 vota
  36. Krenare Çerkini – 20,317 vota
  37. Dimal Basha – 19,677 vota
  38. Liza Gashi – 19,610 vota
  39. Labinotë Demi Murtezi – 18,722 vota
  40. Artan Abrashi – 18,305 vota
  41. Adnan Rrustemi – 18,016 vota
  42. Adelina Grainca – 17,217 vota
  43. Valon Ramadani – 17,158 vota
  44. Salih Zyba – 16,313 vota
  45. Enver Haliti – 15,785 vota
  46. Fatmire Kollçaku – 15,603 vota
  47. Valon Hoti – 15,586 vota
  48. Valon Peci – 15,500 vota
  49. Drita Pajaziti – 15,344 vota
  50. Sylejman Meholli – 15,191 vota
  51. Jeton Raka – 15,122 vota
  52. Vigan Qorrolli – 14,945 vota
  53. Fjolla Ujkani – 14,871 vota

Te PDK-ja deputet është rikthyer Rrustem Mustafa. Ndërsa Eliza Hoxha dhe Ariana Musliu-Shoshi kanë zënë vendet falë kuotës gjinore. Si pasojë e kuotës e pësuan Bekim Haxhiu e Xhavit Haliti. Ndërsa nga votat e diasporës, e pësoi Hajdar Beqa pasi PDK-ja humbi një ulëse.

PDK:

  1. Bedri Hamza – 125,230 vota
  2. Përparim Gruda – 77,754 vota
  3. Arian Tahiri – 67,168 vota
  4. Uran Ismaili – 62,385 vota
  5. Vlora Çitaku – 43,224 vota
  6. Sala Jashari – 41,173 vota
  7. Ganimete Musliu – 32,645 vota
  8. Enver Hoxhaj – 30,390 vota
  9. Arben Mustafa – 29,892 vota
  10. Rrahman Rama – 28,727 vota
  11. Mërgim Lushtaku – 27,700 vota
  12. Elmi Reçica – 23,627 vota
  13. Besa Kabashi Ramaj – 23,232 vota
  14. Jakup Nura – 22,607 vota
  15. Eman Rrahmani – 22,475 vota
  16. Altin Krasniqi – 22,316 vota
  17. Artan Behrami – 21,272 vota
  18. Fadil Demaku – 21,084 vota
  19. Blerta Deliu Kodra – 20,396 vota
  20. Rrustem Mustafa – 20,353 vota
  21. Eliza Hoxha – 19,720 vota
  22. Ariana Musliu Shoshi – 18,305 Vota

Në listën e Lidhjes Demokratike të Kosovës kandidatja për presidente Vjosa Osmani prin, por nga lista që ajo e përfshiu në LDK ka hyrë vetëm edhe Albena Reshitaj. Nëse ndryshon lista deri në fund, te LDK-ja mund të hyjë edhe Jeta Statovci. Te LDK-ja janë kthyer Arben Gashi dhe Paris Guri.

LDK:

  1. Vjosa Osmani Sadriu – 91,089 vota
  2. Lumir Abdixhiku – 82,842 vota
  3. Doarsa Kica Xhelili – 65,217 vota
  4. Hykmete Bajrami – 53,017 vota
  5. Avdullah Hoti – 49,271 vota
  6. Ukë Rugova – 41,500 vota
  7. Kujtim Shala – 40,470 vota
  8. Anton Quni – 33,455 vota
  9. Lutfi Haziri – 29,678 vota
  10. Armend Zemaj – 29,095 vota
  11. Besian Mustafa – 27,350 vota
  12. Janina Ymeri – 27,100 vota
  13. Ermal Sadiku – 26,823 vota
  14. Jehona Lushaku Sadriu – 25,448 vota
  15. Arben Gashi – 20,510 vota
  16. Albena Reshitaj – 19,371 vota
  17. Fadil Hadergjonaj – 18,985 vota
  18. Paris Guri – 16,024 vota

AAK-ja ka rritur numrin e deputetëve për një. E për shkak se Ardian Gjini dhe Daut Haradinaj që kanë siguruar ulëset, kanë paralajmëruar mosqëndrimin në Kuvend, ulëset e tyre pritet të zihen nga Bekë Berisha dhe Burim Ramadani.

AAK:

  1. Ardian Gjini – 43,967 vota
  2. Ramush Haradinaj – 39,862 vota
  3. Daut Haradinaj – 30,471 vota
  4. Besnik Tahiri – 26,728 vota
  5. Time Kadrijaj – 18,581 vota
  6. Albana Bytyqi – 10,250 vota
  7. Teuta Haxhiu – 9690 vota

SpaceX kalon Amazonin, bëhet kompania e pestë më e vlefshme në botë

By
Desk
-
0

SpaceX e Elon Musk ka lënë pas Amazonin dhe është ngjitur në vendin e pestë të kompanive më të vlefshme në botë, pas një rritjeje të fortë të aksioneve vetëm pak ditë pas hyrjes në bursë.

Kompania hapësinore e Elon Musk tashmë vlerësohet në rreth 2.78 trilionë dollarë, duke tejkaluar gjigantin e tregtisë online Amazon, vlera e së cilës llogaritet në rreth 2.66 trilionë dollarë.

Aksionet e SpaceX janë rritur me më shumë se 50% që nga debutimi në bursën Nasdaq të Nju Jorkut, në atë që konsiderohet oferta publike më e madhe në histori. Çmimi i aksioneve është rritur nga 135 dollarë në 209 dollarë për aksion brenda pak ditësh.

Rritja e vlerës së kompanisë erdhi menjëherë pas njoftimit se SpaceX do të blejë Cursor, një startup të inteligjencës artificiale që zhvillon mjete për programim, në një marrëveshje prej 60 miliardë dollarësh.

Investitorët duket se po mbështesin vizionin ambicioz të Musk për të dërguar qendra të të dhënave të inteligjencës artificiale në hapësirë dhe për të avancuar planet afatgjata për kolonizimin e Marsit.

Megjithatë, analistët paralajmërojnë se vlera aktuale e SpaceX mbështetet më shumë te pritshmëritë për të ardhmen sesa te rezultatet financiare aktuale. Ndërsa Amazon raportoi fitime prej 30.3 miliardë dollarësh vetëm në tremujorin e parë të vitit 2026, SpaceX regjistroi humbje prej 4.3 miliardë dollarësh.

Po ashtu, të ardhurat e dy kompanive mbeten larg njëra-tjetrës. Amazon realizoi mbi 716 miliardë dollarë shitje gjatë vitit 2025, ndërsa SpaceX raportoi rreth 18.7 miliardë dollarë të ardhura.

Marrëveshja për blerjen e Cursor pritet të përfundojë deri në fund të shtatorit. Teknologjia e kompanisë përdor inteligjencën artificiale për automatizimin e shkrimit të kodit dhe konsiderohet një nga platformat më premtuese në sektorin e AI-së.

“VLEN nuk ka qenë as iniciator, as propozues” – ASH: “One Stop Shop” me Shqipërinë u inaugurua në vitin 2023

By
Desk
-
0

Aleanca për Shqiptarët tha se “One Stop Shop” me Shqipërinë nuk ishte as premtim i VLEN e as arritje e tyre, pasi siç thanë, përgatitjet për këtë sistem kanë filluar në vitin 2019, marrëveshja qeveritare është nënshkruar më 14 nëntor 2022 ndërsa inaugurimi zyrtar është bërë në korrik të vitit 2023. ASH tha se ” VLEN nuk ka qenë as iniciator, as propozues, as bartës i këtij procesi” dhe shtoi se “kjo nuk është arritje. Është përvetësim politik i punës së dikujt tjetër”

“Atëherë, për cilin premtim të realizuar flet deputeti Qoku?

Në politikë nuk është e ndershme të marrësh meritën për punën e të tjerëve. Nëse VLEN ka kapacitet, le të tregojë çfarë ka realizuar vetë gjatë këtyre dy viteve në qeveri. Le të tregojë një projekt konkret për shqiptarët. Le të arsyetojë mandatin me punë, jo me statuse në Facebook.

Në vend që të përvetësoni projekte të nisura dhe të realizuara para jush, zbatoni ligjin. Mundësojuni studentëve shqiptarë që edhe pjesën praktike të provimit të jurisprudencës ta japin në gjuhën shqipe. Aty matet guximi politik. Aty shihet përfaqësimi i vërtetë.

Është e papranueshme që një deputet, në mungesë të projekteve dhe rezultateve, të dalë para qytetarëve dhe të shesë si arritje të subjektit të tij një punë që as nuk e ka propozuar, as nuk e ka udhëhequr, as nuk e ka realizuar.

Qytetarët, sidomos shqiptarët në Maqedoninë e Veriut, nuk kanë nevojë për përfaqësues që vrapojnë pas meritave të huaja. Ata kanë nevojë për njerëz që punojnë, që mbajnë fjalën dhe që guxojnë të zgjidhin çështjet që i prekin drejtpërdrejt.

Kjo nuk është arritje. Është përvetësim politik i punës së dikujt tjetër.

Propaganda e thatë nuk e mbulon mungesën e rezultateve. Tregoni çfarë keni bërë ju. Cilat premtime i keni realizuar. Cilin projekt e keni nisur, udhëhequr dhe përfunduar vetë për shqiptarët”, tha ASH.

Cisternat e para me naftë iraniane largohen nga Ngushtica e Hormuzit

By
Desk
-
0

Cisterna që transportojnë naftë të papërpunuar iraniane janë larguar nga Ngushtica e Hormuzit, për herë të parë që kur Shtetet e Bashkuara nisën bllokadën detare dy muaj më parë, tha më 17 qershor një ueb-faqe që gjurmon lëvizjet e anijeve.

Ky zhvillim vjen teksa përfaqësuesit e lartë të Iranit dhe SHBA-së pritet të nënshkruajnë një marrëveshje fillestare në Zvicër më 19 qershor, që synon përfundimin e luftës që nisi në fund të shkurtit.

Ueb-faqja Tanker Trackers, që gjurmon ruajtjen dhe transportimin e naftës, konfirmoi lëvizjen e “eksportit të parë të naftës së papërpunuar të Iranit në dy muaj”, bazuar në të dhënat digjitale që tha se përkonin me imazhet satelitore.

Të paktën dy anije cisternë të Kompanisë Kombëtare Iraniane të Cisternave, përfshirë edhe dy super-cisterna me naftë të papërpunuar të quajtura “Diona” dhe “Hero2” që kanë kaluar përmes zonës të bllokadës të marinës detare amerikane, janë ngarkuar me 3.8 milionë fuçi naftë të papërpunuar iraniane nga terminalet e shtetit dhe më pas kanë lëvizur drejt destinacioneve të tyre”, shkroi në X ueb-faqja Tanker Trackers.

Më pas, kompania njoftoi se edhe një cisternë e tretë iraniane kishte kaluar përmes bllokadës detare të SHBA-së.

Irani dhe Shtetet e Bashkuara e nënshkruan në mënyrë elektronike më 15 qershor memorandumin e mirëkuptimit për t’i dhënë fund luftës, i hartuar në formën e një dokumenti të përgjithshëm.

Përveç përfundimit të luftës, ky memorandum kishte në fokus edhe rihapjen e Ngushticës së Hormuzit, rrugë kyç ujore nga e cila rëndom kalon një e pesta e dërgesave globale të naftës dhe gazit.

Pas nënshkrimit të memorandumit më 19 qershor, është paraparë që palët të kenë një afat 60-ditor për fazën e ardhshme të negociatave.

Trumpi ngjall optimizëm mes liderëve të G7-s për fundin e luftës në Ukrainë

By
Desk
-
0

Presidenti i SHBA-së, Donald Trump, ka thënë se Rusia duhet të bëjë paqe me Ukrainën pas një takimi të cilin e ka vlerësuar si “shumë të mirë” me presidentin Volodymyr Zelensky, të martën në kuadër të samitit të shtatë vendeve të pasura G7.

Komentet e tij kanë ngjallur optimizëm midis udhëheqësve të G7-s se një marrëveshje paqeje mund të arrihet.


Atmosfera optimiste për luftën në Ukrainë, tani në vitin e saj të pestë, është në kontrast të fortë me takimin e Zelenskyt me Trumpin në Zyrën Ovale vitin e kaluar, kur atij iu tha se nuk kishte asnjë ndikim në bisedimet e mundshme të paqes me Rusinë.

Zelensky dhe aleatët e tij evropianë janë mbledhur në samitin e G7-s të kësaj jave në një vendpushim francez, duke shpresuar t’i bënin përshtypje Trumpit se fati i fushëbetejave të Ukrainës ishte përmirësuar falë inkursioneve të saj me dronë thellë në Rusi.

Ndërkohë Trumpi, i cili ka mbërritur në samit duke arritur paraprakisht një marrëveshje për t’i dhënë fund luftës së tij me Iranin, ka thënë se do të bënte çfarë të mundte për t’i dhënë fund konfliktit në Ukrainë, por kishte pak detaje për ndonjë hap konkret për të rritur presionin mbi Moskën.

Kancelari gjerman, Friedrich Merz, ka thënë se deklarata e Trumpit se Rusia duhet t’i japë fund luftës ishte shkak për gëzim.

“E gjeta shumë bashkëpunues dhe gjithashtu e pashë duke dëgjuar me shumë vëmendje”, u tha Merz gazetarëve. “Dhe në këtë drejtim, edhe një herë, më jep një shkallë të caktuar optimizmi se ne këtu, si evropianë dhe si amerikanë, tani po bëjmë gjithçka që mundemi, së bashku, për t’i dhënë fund luftës.”

Pas takimit të grupit me Trumpin, Zelensky ka thënë për Reuters se udhëheqësit e G7-s kanë rënë dakord se Rusia nuk po e fitonte luftën.

Ai ka thënë po ashtu se ata diskutuan gjithashtu sanksione shtesë që synonin eksportet e naftës së Rusisë, sektorin e saj bankar dhe prodhimin e saj ushtarak, duke i bërë kështu presion Moskës që të ulet në tryezën e negociatave.

VLEN: “One Stop Shop” me Shqipërinë forcon lidhjet ekonomike, turistike dhe familjare

By
Desk
-
0

“Vendimi për funksionalizimin e sistemit “One Stop Shop” në kufirin me Republikën e Shqipërisë përfaqëson një hap të rëndësishëm drejt modernizimit të menaxhimit kufitar dhe afrimit praktik të qytetarëve të dy vendeve”, tha VLEN duke shtuar se ky model sjell ndryshim real në përditshmërinë e qytetarëve, duke ndikuar drejtpërdrejt në uljen e ngarkesave sezonale.

VLEN tha se ky është edhe sinjal se po thellohen marrëdhëniet mes dy vendeve.

“VLEN e vlerëson këtë zhvillim si pjesë të një qasjeje të re që e sheh kufirin jo si pengesë, por si pikë lidhjeje, ku procedurat administrative zëvendësohen me koordinim institucional dhe ritëm më të shpejtë lëvizjeje.

Ky model sjell ndryshim real në përditshmërinë e qytetarëve, duke ndikuar drejtpërdrejt në uljen e ngarkesave sezonale, sidomos gjatë muajve të verës kur qarkullimi mes Maqedonisë së Veriut dhe Shqipërisë rritet ndjeshëm.

Përveç aspektit teknik, ky është një sinjal i qartë politik për thellimin e bashkëpunimit rajonal dhe për forcimin e lidhjeve ekonomike, turistike dhe familjare mes dy vendeve.

Lëvizja më e shpejtë e njerëzve nënkupton edhe më shumë shkëmbime, më shumë tregti dhe më shumë mundësi zhvillimi për bizneset lokale në të dy anët e kufirit. Në këtë kontekst, “One Stop Shop” shihet si pjesë e një qasjeje më të gjerë rajonale, e cila tashmë është duke u zbatuar edhe në kufijtë me Kosovën dhe Serbinë, duke krijuar një standard të unifikuar për lehtësimin e qarkullimit dhe rritjen e efikasitetit kufitar.

Një hap i tillë pritet të shërbejë si shembull për avancimin e mëtejshëm të integrimit praktik rajonal, në frymën e standardeve evropiane të qarkullimit të lirë”, tha VLEN.

1...456...13,013Page 5 of 13,013