Prerja e pyjeve bllokon rrugën e fshatrave të Studeniçanit, autoritetet zotohen që pastrimi do të bëhet për 20 ditë

By
Adnan Qaili
-
0

E mërkura në mesditë mblodhi disa protestues që bllokuan rrugën në vendbanimin e Draçevës, pikërisht para NP Pyjet e Maqedonisë – njësia “Karaxhica”. Ata shprehën revoltën që tani një muaj e gjysmë rruga mbetet pothuajse e pakalueshme për disa fshatra kodrinorë në periferi të Shkupit, pasi që drunjtë e prerë për skaj rrugës nuk janë pastruar nga ky autoritet kompetent. Banorët thanë se kjo ju vështirëson lëvizjen dhe se ju kanë dëmtuar edhe rrugën e fshatrave nga makineritë e rënda, që tani veturat mezi kalojnë.

“Kemi dal në protesta për shkak të prerjes së pyjeve dhe rrugën që po na dëmtojnë, e kanë prishur të gjithën, kemi shumë probleme por t’i bie shkurt se pyjet ne i kemi me dokumente tona po vijnë e na presin në malet tona. Malet i kemi dem baba dem, jo të sotshme por i kemi trashëguar me dokument disa akoma nuk i kanë rregulluar çështjet pronësore-jurdike e disa po, por thonë se janë pronë RM”, theksoi Fazli Hetemi – protestues.

“Ka këtu kompani, nuk e di ‘Karaxhica’ apo tjetër që kanë lënë degët nëpër rrugë, nuk e kanë pastruar rrugën, makineritë e rënda e kanë dëmtuar rrugën. Bëhet fjalë për njerëz që 40 km larg Shkupit të mos kenë komunikim me civilizimin. Së pari, lart s’kemi as rrjet telefonik! Së dyti, ndërtohet hidrocentrali prej disa vitesh dhe këtu ka dëmtime intensive shikoni kamionët që ngjiten lartë kanë nga 15 ton”, u shpreh një tjetër protestues.

Protestuesit i vizitoi edhe kryetari i Komunës së Studeniçanit Ejup Abazi, i cili tha se do të alarmojë që rruga të pastrohet në afat sa më të shpjet dhe se prerjet e radhës të jenë të kontrolluara pa dëme.

“Ne si komunë nuk kemi kompetencë ti kontrollojmë Pyjet e Maqedonisë sepse ka Inspektorat shtetëror për pylltari dhe gjueti dhe ne si komunë do ta adresojmë duke kërkuar prej institucioneve përkatëse që kur ka prerje të drurëve të bëhen në mënyrë të kontrolluar dhe që mos të ketë dëme rruga, përmes së cilës kalojnë qytetarët”, deklaroi Ejup Abazi – kryetar i Komunës së Studeniçanit.

Nga Ndërmarrja Publike “Pyjet e Maqedonisë – Karaxhica” thanë se me kërkesë të ARM-së dhe Qendrës për Menaxhim me Kriza është kërkuar pastrimi i degëve në dy anët e rrugës për kalim më të lehtë të mjeteve të rënda në raste emergjente. Ndonëse ajo zonë është e ndaluar për kamion mbi 7 ton, përgjegjësi Vllatko Gruevski tha se brenda 20 ditësh do të dalin t’i pastrojnë mbetjet e degëve në rrugë.

“Presim makinerinë ndërtuese sipas procedurave të tenderimit dhe këtyre ditëve duhet të shkojmë lart përmes fshatit Sobica, Mala Reka dhe Alldince. Në dy-tri vende kemi raste kur përputhen trasetë e largpërçuesve dhe traseje që e pastrojmë rrugën, kalojnë njëra ngjit me tjetrën dhe me urdhër të EVN u kërkua që të pastrohej ajo trase nga pyjet. EVN ka prerë drunjtë ne i kemi tërhequr dhe pastruar”, tha Vllatko Gruevski – përgjegjës në NP Pyjet e Maqedonisë – “Karaxhica”.

Pas bllokimit të rrugës për një orë, protestuesit u shpërndanë, por banorët thonë se nuk do të heqin dorë nga kërkesa e tyre derisa të gëzojnë të drejtën për lëvizje të lirë dhe të sigurt.

MJK: Kina do të punojë për një qeverisje globale më të drejtë dhe më të arsyeshme

By
Desk
-
0

Zëdhënësi i Ministrisë së Jashtme të Kinës Lin Jian tha të mërkuën në konferencën e rregullt për shtypin se Zyra e Informacionit e Këshillit të Shtetit publikoi po atë ditë librin e bardhë me titull “Ndërtimi i një sistemi më të drejtë dhe më të arsyeshëm të qeverisjes globale: Konceptet, nismat dhe veprimet e Kinës”, ndërsa në aktivitet mori pjesë edhe anëtari i Byrosë Politike të Komitetit Qendror të PKK-së dhe ministër i Jashtëm Wang Yi.

Lin vuri në dukje se kryediplomati Wang Yi theksoi që presidenti i Kinës Xi Jinping ka propozuar Nismën e Qeverisjes Globale, duke u bërë thirrje vendeve të ndryshme të botës të bashkëpunojnë për ndërtimin e një sistemi më të drejtë dhe më të arsyeshëm të qeverisjes globale. Kjo nismë ofron zgjidhjen kineze dhe urtësinë kineze për trajtimin e mangësive të qeverisjes globale dhe për orientimin e zhvillimit të njerëzimit. Nisma e Qeverisjes Globale është mirëpritur nga rreth 160 vende e organizata ndërkombëtare, ndërsa mbi 60 vende i janë bashkuar “Grupit të Miqve të Qeverisjes Globale”.

Zëdhënësi u shpreh më tej që, nën udhëheqjen e Mendimit të Xi Jinping-ut për Diplomacinë, Kina po promovon ndërtimin e një bashkësie me të ardhme të përbashkët të njerëzimit, duke zbatuar multilateralizmin e vërtetë dhe duke nxitur reformimin e sistemit të qeverisjes globale. Kina është e gatshme të punojë me të gjitha palët për të zbatuar nismën, të mbrojë me vendosmëri rolin qendror të OKB-së, të shfrytëzojë plotësisht rolin kyç të Jugut Global, të trajtojë mangësitë e deficitin e qeverisjes globale dhe të vazhdojë përpjekjet për ndërtimin e një sistemi më të drejtë e më të arsyeshëm të qeverisjes globale.

Sali: BDI dështoi t’i bllokojnë proceset me argumente politike, shpresën e ka te Gjykata Kushtetuese!

By
Desk
-
0

Zëvendëskryeministri i parë Bekim Sali në një status në rrjetin social Facebook, thekson se BDI po pengon reformat që i kërkon koha. Sali në reagimin e tij shkruan se BDI ka dështuar në bllokimin e proceseve me argumente politike, por siç shton, shpresën e vetme e ka të Gjykata Kushtetuese.

Statusi i plotë i zëvendëskryeministrit Bekim Sali.

“Pasi dështuan t’i bllokojnë proceset me argumente politike, BDI sot shpresën e vetme e ka te Gjykata Kushtetuese.

Nuk është rastësi. Për vite me radhë, BDI ishte partia dominuese në pushtet dhe ndikimi i saj është ende i dukshëm në shumë segmente të institucioneve. Prandaj, sa herë që humbin betejën politike para qytetarëve, kërkojnë shpëtim te strukturat që i konsiderojnë si trashëgimi të periudhës së tyre të qeverisjes.

Në vend që të japin llogari për premtimet e parealizuara dhe për obligimet që i lanë peng për më shumë se dy dekada, ata vazhdojnë të pengojnë proceset dhe reformat që i kërkon koha.

Republika e Maqedonisë së Veriut ka nevojë për institucione të pavarura, profesionale dhe të çliruara nga logjika partiake. Çdo tentativë për ta përdorur sistemin institucional si mjet për beteja politike paraqet rrezik për shtetin multietnik, për besimin e qytetarëve dhe për perspektivën demokratike të vendit”.

14 pikat e marrëveshjes SHBA-Iran

By
Desk
-
0

Marrëveshja midis Shteteve të Bashkuara të Amerikës (SHBA) dhe Iranit për armëpushim parasheh rihapjen e Ngushticës së Hormuzit, lehtësim financiar për Iranin dhe zotimin se Teherani nuk do të prodhojë kurrë armë bërthamore, sipas një drafti të tekstit të siguruar nga CNN.

Memorandumi i mirëkuptimit prej 14-pikash nuk është publikuar ende zyrtarisht. Duke marrë parasysh se SHBA-ja dhe Irani po japin fakte të ndryshme, nuk dihet nëse ky tekst do të pasqyrojë formulimin e saktë të dokumentit përfundimtar, që do të nënshkruhet të premten në Zvicër.

Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.

Letër lexuesit — pse po kërkojmë mbështetjen tuaj
Detajet teknike po finalizohen, kështu që formulimi mund të ndryshojë.

Sipas draft-marrëveshjes, SHBA-të do t’i lejojnë Iranit të shesë produktet e naftës dhe petrokimike, dhe Teherani mund të jetë në gjendje të përfitojë nga një fond zhvillimi prej 300 miliardë dollarësh nëse përmbush angazhimet që lidhen me programin e tij bërthamor në negociatat e mëtejshme. Dokumenti nuk përfshin detaje specifike se çfarë do të bëhet me uraniumin e Iranit.

14 pikat e marrëveshjes:

1 — Republika Islamike e Iranit dhe Shtetet e Bashkuara, së bashku me aleatët në luftën aktuale, deklarojnë me nënshkrimin e këtij memorandumi mirëkuptimi përfundim të menjëhershëm dhe të përhershëm të luftës në të gjitha frontet, përfshirë Libanin, dhe zotohen se që tani e tutje nuk do të ndërmarrin asnjë veprim armiqësor kundër njëri-tjetrit dhe do të përmbahen nga kërcënimi ose përdorimi i forcës kundër njëri-tjetrit. Marrëveshja përfundimtare do të konfirmojë dispozitat e këtij neni dhe të neneve të mbetura.

2 — Republika Islamike e Iranit dhe Shtetet e Bashkuara zotohen të respektojnë sovranitetin dhe integritetin territorial të njëri-tjetrit dhe të përmbahen nga ndërhyrja në punët e brendshme të njëri-tjetrit.

3 — Republika Islamike e Iranit dhe Shtetet e Bashkuara zotohen të negociojnë dhe të arrijnë një marrëveshje përfundimtare brenda një periudhe maksimale prej 60-ditësh, e cila mund të zgjatet me pëlqim të ndërsjellë.

4 — Menjëherë pas nënshkrimit të këtij memorandumi mirëkuptimi, Shtetet e Bashkuara heqin bllokadën detare dhe parandalojnë çdo ndërhyrje ose pengesë kundër Iranit dhe rivendosin lëvizjen brenda një maksimumi prej 30-ditësh në kapacitetin e tij të plotë; Lëvizja e anijeve do të jetë proporcional me vëllimin e trafikut para luftës nga ana e Iranit. SHBA-ja gjithashtu merr përsipër të tërheqin forcat nga zonat përreth brenda 30 ditëve pas marrëveshjes përfundimtare.

5 — Pas nënshkrimit të këtij memorandumi mirëkuptimi, Irani do të ndërmarrë menjëherë hapa për të siguruar që lëvizja e anijeve tregtare nga Gjiri Persik në Detin e Omanit dhe anasjelltas të rifillojë brenda 30 ditëve në vëllimin e paraluftës, duke marrë parasysh nevojën për heqjen e pengesave teknike dhe neutralizimin e minave nga Irani.

6 — SHBA-ja zotohet, së bashku me partnerët e tyre rajonalë, të krijojnë një plan gjithëpërfshirës të dakordësuar nga të dyja palët për rehabilitimin dhe zhvillimin ekonomik të Iranit, duke siguruar njëkohësisht financim prej të paktën 300 miliardë dollarësh. Mekanizmi i zbatimit të këtij plani, si pjesë e marrëveshjes përfundimtare, do të formulohet brenda 60 ditëve.

7 — SHBA-ja zotohet të përfundojnë, sipas një orari që do të dakordësohet si pjesë e marrëveshjes përfundimtare, të gjitha llojet e sanksioneve me të cilat përballet aktualisht Irani, duke përfshirë rezolutat e Këshillit të Sigurimit të Kombeve të Bashkuara dhe Bordit të Guvernatorëve të Agjencisë Ndërkombëtare të Energjisë Atomike (IAEA), dhe të gjitha sanksionet e njëanshme të SHBA-së, si parësore ashtu edhe dytësore.

8 — Irani përsërit se nuk do të prodhojë kurrë armë bërthamore. Irani dhe SHBA-ja kanë rënë dakord që fati i uraniumit dhe fati i të gjitha çështjeve të tjera të lidhura me armët bërthamore, të cilat janë dakordësuar reciprokisht, duke përfshirë nevojat bërthamore të Iranit, do të trajtohen në mënyrë adekuate në një marrëveshje përfundimtare; marrëveshja përfundimtare do të konfirmojë dispozitat e këtij neni.

9 — Irani dhe SHBA-ja bien dakord që, në pritje të një marrëveshjeje përfundimtare, do të ruajnë status quo-në: Irani do të ruajë status quo-në në programin bërthamor dhe SHBA-ja nuk do të vendosë sanksione të reja ndaj Iranit dhe as nuk do t’i rrisë forcat në rajon.

10 — SHBA-ja zotohet që menjëherë pas nënshkrimit të këtij memorandumi mirëkuptimi dhe deri në datën e heqjes së sanksioneve, Departamenti i Thesarit do të lëshojë përjashtime për eksportet e naftës bruto iraniane, produkteve petrokimike dhe derivateve të tyre, dhe të gjitha shërbimeve të lidhura, duke përfshirë bankat, sigurimet, transportin dhe të ngjashme.

11 — SHBA-ja zotohet që, në dritën e përparimit të negociatave drejt një marrëveshjeje përfundimtare, fondet dhe asetet e ngrira ose të kufizuara të Iranit do të lirohen dhe do të bëhen plotësisht të disponueshme. Këto fonde, pavarësisht nëse mbahen në llogarinë kryesore apo transferohen, do të përdoren për çdo pagesë të përfituesit përfundimtar të përcaktuar nga Banka Qendrore e Iranit dhe do të jenë plotësisht të disponueshme për përdorim. SHBA-ja zotohet të lëshojë të gjitha lejet dhe licencat e nevojshme mbi këtë bazë.

12 — Irani dhe SHBA-ja bien dakord që do të krijohet një mekanizëm zbatimi për të mbikëqyrur zbatimin me sukses të marrëveshjes përfundimtare dhe angazhimin e ardhshëm ndaj saj.

13 — Pas nënshkrimit të këtij memorandumi mirëkuptimi dhe pas marrjes së garancive në lidhje me fillimin e zbatimit të neneve 4, 5, 10 dhe 11 të këtij memorandumi dhe zbatimin e vazhdueshëm të këtyre hapave, Irani dhe SHBA-ja do të hyjnë në negociata për një marrëveshje përfundimtare vetëm në lidhje me nenet e mbetura.

14 — Marrëveshja përfundimtare do të miratohet nëpërmjet një rezolute detyruese të Këshillit të Sigurimit të OKB-së.

Kushtetuesja e pranoi nismën për emrat e rrugëve në Tetovë! Ademi: Pa asnjë bazë të qëndrueshme juridike, thjesht sepse munden

By
Desk
-
0

Gjykata Kushtetuese ka pranuar nismën për emrat e rrugëve në Tetovë e për këtë reagoi Arbër Ademi nga BDI që siç tha “është bërë pa bazë juridike dhe pa asnjë arsye logjike, thjesht sepse munden”. Ademi tha se çdo ditë po merret një vendim kundër të arriturave të pasvitit 2001 ndërkohë që kritikoi pushtetin aktual.

“Partia НИШТО po na kthen çdo ditë mbrapa.

Çdo ditë një vendim më shumë kundër të arriturave të pasvitit 2001. Sot, Gjykata destabilizuese e Maqedonisë së Veriut anuloi emrat e rrugëve dhe shesheve në Tetovë, të miratuara që në vitin 2007, duke rikthyer emërtimet e vjetra. Ju pengojnë emrat si sheshi ILIRIA, DËSHMORËT E KOMBIT, DERVISH CARA, KONGRESI I MANASTIRIT etj.

Pa asnjë bazë të qëndrueshme juridike. Pa asnjë arsye të logjikshme. Thjesht sepse munden.

E munden sepse kanë gjetur disa që për një kolltuk shesin gjithçka: historinë, dinjitetin dhe interesin kombëtar.

Kjo është fytyra e vërtetë e pushtetit të sotëm. Le t’i gëzojnë tash përsëri emrat si Marshali Tito, se edhe ashtu poezi i kan kushtuar”, tha Ademi.

Të premten dhe të shtunën bisedimet për rikonstruktimin! VLEN ka një koncept, por presin të dëgjojnë vizionin e kryeministrit

By
Desk
-
0

Të premten dhe të shtunën partnerët e koalicionit qeverisës, VMRO-DPMNE, VLEN dhe ZNAM kanë caktuar takimet për të folur për rikonstrumin e qeverisë. Këtë e konfirmoi kryeministri Hristijan Mickoski, i cili, i pyetur për vazhdimin e bashkëpunimit me VLEN-in, shprehu fjalë miradije.

“Kemi bashkëpunim korrekt dhe miqësor me partnerin tonë koalicionues VLEN dhe pres që kështu edhe të vazhdojmë. E dini se pas realizimit të bashkëpunimit tonë, pas zgjedhjeve të vitit 2024, vijuan zgjedhjet lokale, ku ata ishin bindshëm fitimtarë në 10 komuna, në kushtimisht thënë, pjesën shqiptare të Maqedonisë, andaj nuk shoh pengesë në këtë moment që bashkëpunimi ynë të mos vazhdojë”, tha Micksoki.

E këtë takim po e presin edhe krerët e VLEN-it, pasi dje, kur Bilall Kasami u pyet për rikonstruimin, nuk dha ndonjë detaj, sepse paraprakisht dëshirojnë të shohin vizionin e Mickoskit, ndonëse VLEN ka një koncept për rikonstruimin e kabinetit.

“Jo nuk mund të flasim para se të takohemi me kryeministrin. Sigurisht që ne kemi konceptin tonë se si do të ulemi për të biseduar për riformatimin e qeverisë, do të duhet të shohim edhe vizionin e kryeministrit dhe sigurisht pas asaj mund të dalim me qëndrim se a do të ketë vetëm ndërrim vetëm të pozicioneve brenda VLEN-it apo do të ketë edhe ndonjë rokadë të ministrive”, tha Kasami

I pyetur për zgjedhjet e parakohshme parlamentare, Kasami tha se për momentin janë të fokusuar në realizimin e programit qeverisës, duke shtuar se Maqedonia nuk ka nevojë për zgjedhje të parakohshme, megjithatë, shtoi ai, VLEN ka potencë politike që të dalë fituese e zgjedhjeve nëse ato mbahen që nesër.

Përndryshe, kreu i opozitares BDI Ali Ahmeti ditë më parë vlerësoi se zgjedhjet e parakohshme duhet të mbahen në pranverë dhe bëri thirrje për mobilizim dhe organizim të plotë të strukturave partiake. I pyetur për të parakohshmet, kryeministri Mickoski ka shprehur qëndrimin se zgjedhjet duhet të mbahen të rregullta, në vitin 2028.

Parlamenti Europian miraton raportin për Maqedoninë! Eurodeputetët e refuzuan amendamentin e Vajcit për protokollin e dytë me Bullgarinë

By
Desk
-
0

Me 411 vota pro dhe 120 kundër, eurodeputetët miratuan versionin përfundimtar të Raportit për progresin e vendit në procesin e anëtarësimit në Bashkimin Evropian, të përgatitur nga raportuesi për Maqedoninë, Tomas Vajc. Megjithatë, amendamenti 3 i propozuar nga Vajc u refuzua. Me të duhej të fshihej paragrafi 73 që përmend Protokollin e Dytë të Marrëveshjes për fqinjësi të mirë midis Maqedonisë dhe Bullgarisë.

Votimi i sotëm u mbajt pas debatit të djeshëm, për të cilin zëvendëskryeministri i parë dhe ministri për çështje evropiane, Bekim Sali, vlerësoi se mesazhet e eurodeputetëve përfaqësojnë një konfirmim të fortë të perspektivës evropiane të vendit dhe një nxitje shtesë për vazhdimin e procesit të reformave.

LSDM: Rreziqe për energjinë dhe ujin nga data center-at! Ministria: Data center-at, motor i zhvillimit dhe investimeve

By
Desk
-
0

LSDM reagoi ndaj qëndrimeve të Qeverisë për ndërtimin e qendrave të mëdha të të dhënave, duke i akuzuar se po rrezikojnë interesin publik dhe resurset energjetike të vendit. Opozita vlerëson se këto projekte mund të rrisin varësinë energjetike, të ndikojnë në rritjen e faturave të qytetarëve dhe të krijojnë përfitime për interesa private dhe tenderë.

“Këto objekte konsumojnë sasi ekstreme të energjisë elektrike dhe ujë të pastër, ndërsa kthimi ekonomik, punësimi dhe të ardhurat tatimore janë minimale. Një qendër e madhe e të dhënave konsumon midis 1 dhe 3 milion litra ujë të pijshëm në ditë, aq sa konsumon një qytet me 15.000 deri në 30.000 banorë. Në kushte të ndryshimeve klimatike, thatësirave dhe stresit ujor, kjo drejtpërdrejt do të çojë në kufizime për familjet dhe bujqësinë”, tha Kristijan Dojçinovski, LSDM.

LSDM kërkon moratorium për ndërtimin e qendrave të reja komerciale të të dhënave që përdorin ujë dhe kërkon standarde më të rrepta për projektet e lejuara.

Ndaj tyre reagoi Ministria e Transportit, duke i akuzuar se përpiqen të pengojë zhvillimin e shtetit. Nga atje shtojnë se për ndërtimin e një qendre të të dhënave është e nevojshme të plotësohen të gjitha kushtet teknike që janë të përcaktuara rreptësisht në ligje, të bëhen të gjitha llojet e studimeve dhe të sigurohet punë cilësore.

“Investimet në qendrat e të dhënave arrijnë miliarda euro në të gjitha shtetet e zhvilluara në Evropë dhe Amerikë, zhvillimi i teknologjisë dhe inteligjencës artificiale është një nga motorët kryesorë të shteteve moderne. Në ndërtimin e një qendre të të dhënave mesatarisht angazhohen të paktën 300 punëtorë, ndërsa për funksionimin operativ të një qendre të të dhënave punësohen rreth 100 inxhinierë shumë të kualifikuar”, tha Ministria e Transportit.

Nga ministria theksojnë se me zhvillimin e vetë inteligjencës artificiale, qendrat e të dhënave janë të domosdoshme dhe për këto arsye shteti duhet të ndjekë një politikë të mençur që i përcjell në hap të gjitha trendet e reja në teknologji.

Shkupi nikoqir i konferencës së parë ndërkombëtare të sigurisë “Skopje Security Conference 2026”

By
Desk
-
0

Shkupi do të jetë nikoqir i konferencës së parë ndërkombëtare “Skopje Security Conference 2026”, një ngjarje që do të mbledhë ekspertë vendorë dhe ndërkombëtarë nga fushat e sigurisë, politikave, teknologjisë dhe marrëdhënieve ndërkombëtare.

Konferenca, e organizuar nga Qendra për Studime të Sigurisë – Shkup, do të mbahet më 19 qershor 2026 në hotelin “DoubleTree by Hilton” në Shkup, nën temën: “Siguria në tranzicion: orientimi përmes teknologjisë, gjeopolitikës dhe qëndrueshmërisë në një botë në ndryshim”.

Qëllimi i ngjarjes është hapja e debatit mbi sfidat e reja të sigurisë në një periudhë të zhvillimit të shpejtë teknologjik, ndryshimeve globale gjeopolitike, kërcënimeve hibride, rreziqeve ekonomike dhe pasojave të ndryshimeve klimatike.

Vëmendje e veçantë do t’i kushtohet rolit të inteligjencës artificiale në mbrojtjen kibernetike dhe konfliktet bashkëkohore, mbrojtjes së infrastrukturës kritike, bashkëpunimit rajonal dhe forcimit të qëndrueshmërisë institucionale.

Hapja e konferencës është paraparë për në orën 09:00, me fjalime përshëndetëse nga dr. Ardijan Ismaili, themelues dhe drejtor ekzekutiv i “Skopje Security Conference” dhe kryetar i Qendrës për Studime të Sigurisë – Shkup, si dhe nga Ben Nupnau, zëvendësshef i Delegacionit të Bashkimit Evropian në Maqedoninë e Veriut.

Gjithashtu, është paraparë edhe fjalimi i prof. dr. Astrit Iseni, zëvendësministër i Punëve të Brendshme.

Në kuadër të konferencës do të zhvillohen pesë panele të nivelit të lartë, të cilat do të trajtojnë aspekte të ndryshme të sigurisë bashkëkohore.

Paneli i parë do të fokusohet në sigurinë multilaterale, diplomacinë dhe parandalimin e konflikteve në kushte të fragmentimit gjithnjë e më të madh ndërkombëtar.

Paneli i dytë do t’i kushtohet luftës kognitive, dezinformatave dhe kërcënimeve hibride, përkatësisht ndikimit mbi shoqëritë përmes teknologjive moderne dhe informacionit.

Një temë e veçantë do të jetë inteligjenca artificiale në sigurinë kibernetike dhe mbrojtje, ku ekspertët do të diskutojnë për teknologjitë e reja dhe rolin e tyre në luftërat moderne.

Në konferencë do të shqyrtohen edhe çështjet që lidhen me ndryshimet klimatike, sigurinë energjetike dhe ndikimin e burimeve në stabilitetin rajonal.

Paneli i fundit do t’i kushtohet sigurisë ekonomike, investimeve strategjike dhe rreziqeve që ndikojnë në stabilitetin e Ballkanit Perëndimor.

Në “Skopje Security Conference 2026” do të marrin pjesë përfaqësues nga Maqedonia e Veriut, Zvicra, Shqipëria, Finlanda, Katari, Çekia, Bullgaria, Turqia dhe vende të tjera.

Organizatorët presin që konferenca të kontribuojë në pozicionimin e Shkupit si një qendër rajonale për dialog strategjik, bashkëpunim dhe shkëmbim përvojash në fushën e sigurisë.

Izraeli sulmon Libanin pavarësisht kritikave të Trumpit

By
Desk
-
0

Izraeli ka ndërmarrë sulme të reja ajrore në jug të Libanit, në një kohë kur presidenti amerikan Donald Trump ka shprehur kritika ndaj veprimeve ushtarake izraelite në territorin libanez.

Sipas Agjencisë Kombëtare të Lajmeve të Libanit (NNA), avionët luftarakë izraelitë kanë goditur të mërkurën zonën Nabatieh al-Faouqa dhe rrethinat e qytetit Kfar Tebnit.

Deri më tani nuk ka pasur reagim zyrtar nga ushtria izraelite për sulmet e fundit, megjithëse më herët ajo ka deklaruar se objektiv i operacioneve të saj mbetet grupi Hezbollah, i cili mbështetet nga Irani.

Ndërkohë, përmbajtja e marrëveshjes së ndërmjetësuar nga Pakistani mes Shteteve të Bashkuara dhe Iranit për përfundimin e konfliktit nuk është bërë ende publike. Autoritetet pakistaneze kanë njoftuar se marrëveshja përfshin edhe çështjen e Libanit.

Presidenti amerikan Donald Trump, duke folur të martën, i bëri thirrje kryeministrit izraelit Benjamin Netanyahu që të tregojë më shumë kujdes dhe përgjegjësi ndaj Libanit.

Në deklarimet e tij gjatë samitit të G7-ës në Francë, Trump theksoi se luftimet kundër Hezbollahut kanë zgjatur tepër dhe se numri i viktimave po vazhdon të rritet, duke shprehur shqetësim për situatën humanitare dhe sigurinë në rajon.

1...345...13,013Page 4 of 13,013