Është mbyllur pjesa e parë e ndeshjes se dytë finale të Ligës Ballkanike në mes Rilskit dhe Sigal Prishtinës.
Pjesa e parë e cila ka dhënë lojë të fortë, është mbyllur me epërsinë e Sigal Prishtinës me dy pikë epërsi 36-38.

Periudha e parë është mbyll me epërsinë e nikoqirëve katër pikë epërsi (26-22).
Kujtojmë se ndeshja e parë është mbyllur me fitoren e skuadrës sonë me rezultat 74-72. Sigal Prishtina është në rrugë të mirë që ta fitoj titullin e kampionit.

Në Ministrinë e Shëndetësisë u mbajt sot takimi i parë i Këshillit profesional për funksionalizimin e shërbimit të Kardiokirurgjisë në Qendrën Klinike Universitare të Kosovës./21 Media/

Anësori i Manchester United, Adnan Januzaj pritet që të huazohet tek Evertoni në huazim gjatë afatit kalimtar veror. Mesfushori me origjinë nga Kosova ka pasur minutazh tejet të vogël këtë sezon nën urdhrat e Louis van Gaal, ndërsa edhe vetë Januzaj ka lënë të kuptohet se mund të largohet nga Old Trafford. Përndryshe, Evertoni ka shprehur interesim për Januzaj, me të cilin trajneri Roberto Martinez dëshiron që ta përforcojë skuadrën për sezonin e ardhshëm.

Komuna e Prishtinës ka vazhduar me rregullimin e sipërfaqeve gjelbëruese në pjesë të ndryshme të kryeqytetit, thuhet në një komunikatë të Komunës së Prishtinës

Sipas tyre në të gjitha lagjet e Komunës së Prishtinës synohet që të shfrytëzohen sa më shumë hapësira publike për banorët pranë vendit ku jetojnë, e veçanërisht të krijohen sa më hapësira të gjelbra në kryeqytet duke liruar kështu edhe një pjesë të madhe të hapësirave publike të uzurpuara.

Përpara ndërtesës së qeverisë, pas rregullimit të kësaj hapësire nga Ndërmarrja Publike Komunale “Hortikultura”, do të mbillen lule dhe fidane, sikundërse është duke u vepruar edhe në shumë hapësira të tjera në pjesë të ndryshme të kryeqytetit.

Integrimi i pjestarëve të ashtuquajturës “Mbrojtje Civile” nuk do të përmbyllet në fillim të shtatorit, siç e parasheh marrëveshja e bërë për këtë çështje në Bruksel ndërmjet Kosovës dhe Serbisë, njoftoi ministrja për dialog Edita Tahiri. Ajo vuri në pah edhe hulumtimin e Qendës Kosovare për Studime të Sigurisë dhe asaj të Beogradit për politika të Sigurisë./21 Media/

Sindikata e Bashkuar e Arsimit të Kosovës njofton se edhe nesër do të vazhdojë greva nëpër shkolla.

“Këshilli Qendror Grevist i SBASHK-ut pas raporteve të marra nga Këshillat Komunale greviste të SBASHK-ut dhe analizave të bëra nga ta dhe nga vet Këshilli Qendror Grevist ka konstatuar se edhe në llogaritjet që janë bërë sot dhe pagat që janë procesuar për të punësuarit në arsim ka shumë gabime në llogaritjen e përvojës së punës të mbi 90 përqind e të punësuarve ku iu mungojnë 7 vite të përvojës së punës si dhe nuk është bërë ndryshimi i pagesës për muajt janar,shkurt dhe mars të vitit 2015 ashtu siç shkruan ne Kontratën Kolektive dhe siç ishin deklaruar çdo herë edhe Kryeministri Mustafa edhe Ministrat Bajrami e Hoti se kurdo që të merret përvoja e punës do të merret në mënyrë retroaktive nga 1 janari i vitit 2015:, thuhet në njoftimin e SBASHK-ut.

“Për këto gabime të lëshuara edhe në këto lista te pagave të cilat u punuan dhe u procesuan sot deri në këtë moment që ne po lëshojmë këtë komunikatë nuk kemi informata as nga MASHT e as nga MF por as ndonjë prononcim publik pse kanë ndodhur këto gabime prandaj:Këshilli Qendror Grevist i përkrahur nga të gjitha Këshillat greviste Komunale dhe nga Këshilli grevist i Universitetit i njofton të gjithë punonjësit arsimor se greva e përgjithshme edhe nesër mbahet me të njëjtin orar sikurse edhe sot”, thuhet më tutje në komunikatë.

SBASHK-u fton Qeverinë që në afat optimal t’i përmbushin edhe këto lëshime që i kanë bërë në mënyrë që mos të humbet mësimi./21 media/

155 azilkërkues shqiptarë janë kthyer sot në Kosovë nga Gjermania.

Policia e Kosovës ka konfirmuar për portalin Koha.net se 155 persona sot në mëngjes kanë aterruar në Aeroportin Ndërkombëtar “Adem Jashari”.

“Sipas informacioneve që kemi, 55 persona janë kthyer sot nga Dyseldorfi i Gjermanisë në mënyrë kolektive me përcjellje”, ka thënë Daut Hoxha nga zyra për informim e Policisë së Kosovës.

“Ndërsa 100 persona tjerë janë kthyer vullnetarisht me avionë të ndryshëm nga vende të ndryshme të Gjermanisë”, ka shtuar ai, raporton Koha.net.

Ndërkaq, edhe të martën nga aeroporti “Baden Airpark” afër Karsluhes për në Kosovë janë nisur 121 kosovarë, kanë raportuar dje mediet gjermane. Të gjithë refugjatët së fundmi kanë qëndruar në Baden-Württemberg, deklaruan autoritetet atje.

Është mbajtur greva e paralajmëruar e mësimdhënësve që ishte thirrur nga Sindikata e Bashkuar e Arsimit. Grevistët kërkojnë implementimin e marrëveshjen me Qeverinë për pagesën e 0.5 përqindëshit që njehë përvojën e punë së mësimdhënësve. Kësaj greve sipas anëtarëve të SBASHK-ut i janë bashkangjitur të gjitha shkollat parauniversitare dhe universitare.
Por, televizioni 21 merr vesh se jo të gjitha shkollat ishin sot në grevë./21 Media/

Kryeministri i Kosovës Isa Mustafa kërkoi nga të gjithë mësimdhënësit që të mos mbajnë grevë, ngase Qeveria po e zbaton vendimin për pagesën e 0,5 për qind të përvojës së punës. Duke iu referuar grevës së mësimdhënësve, Mustafa tha se shkollat janë për të mësuar fëmijët, e jo të mbeten në rrugë.

Ministria e Mjedisit dhe Planifikimit Hapësinor, paralajmëron ndëshkime për të gjithë ata që ndezin goma, një dukuri kjo mjaft e shprehur në Ditën Ndërkombëtare të Punëtorëve – 1 Maj.

Ligji për mbrojtjen e ajrit ndalon rreptësisht djegien e gomave. Me ligj dënohet çdo person që kryen një veprim të tillë., thuhet në njoftimin e Ministrisë.

Sipas këtij njoftimi ndezja e gomave në mjedis të hapur liron dyoksinën dhe materie tjera të rrezikshme.

“Dyoksina dhe oksidet e tjera që lirohen nga djegia e gomave dhe materieve tjera shkaktojnë probleme serioze shëndetësore, si dëmtimin e organeve të frymëmarrjes, kancerin e mushkërive, dëmton lëkurën duke shkaktuar edhe shumë probleme të tjera shëndetësore”, thuhet në njoftim.

Ndezja e zjarreve të tilla, veçanërisht gjatë ditës së nesërme, bart me vete pasoja të mëdha për mjedisin. Vazhdimi i një praktike të tillë, është e pakuptimtë dhe e dëmshme për Republikën e Kosovës dhe imazhin e saj thuhet tutje në njoftim

“Janë shpeshtuar rastet kur nga pakujdesia, nga këto zjarre kanë pësuar fëmijë, ose janë djegur sipërfaqe të tëra me pyje.Ndezja e zjarreve pa kontroll ka vënë në rrezik jetën dhe shëndetin e njeriut, pasurinë private dhe shoqërore, si dhe ka degraduar mjedisin tonë edhe ashtu në gjendje jo të mirë”, thuhet në komunikatë.

Ministria e Mjedisit bënë me dije se gjatë ditës së nesërme janë angazhuar inspektorët e saj, si dhe Policia e Kosovës dhe tërheq vërejtjen se kushdo që zihet, ose dëshmohet se ka ndezur zjarre do të dënohet.

Komisioni Evropian (KE) nesër do ta miratojë Marrëveshjen e Stabilizim Asociimit (MSA) me Kosovën. Lajmin e ka bërë të ditur kryetari i Komisionit për Punë të Jashtme, Enver Hoxhaj.
“Kjo është bërë e ditur sot në Parlamentin Evropian dhe është lajm i mirë për Kosovën”, ka shkruar Hoxhaj në llogarinë e tij në Twitter.

Ky është hapi i parë që Kosova si shtet e bën drejt anëtarësimit në Bashkimin Evropian. Pas MSA-së vije faza e aplikimit për vend kandidat, pastaj kandidatura dhe hapja e negociatave përfundimtare për anëtarësim, e që është proces i gjatë.

Ndryshe, procesi i MSA-së me BE-në është një proces përgjatë të cilit vendi që ka dëshirë të krijojë marrëdhënie më të afërta me BE-në – sidomos në fushën e tregtisë së lirë – dhe kalon nëpër reforma legjislative dhe administrative për tu përgatitur për një gjë të tillë.