Ndaj deklaratave të kryeministrit Isa Mustafa, i cili e quajti gomar deputetin e lëvizjes Vetëvendosje Albin Kurti, ka reaguar edhe publicisti dhe shkrimtari Kim Mehmeti, i cili thotë se Mustafa po gomarizon të ardhmen e Kosovës.

Përmes një publikimi në profilin e tij në rrjetin social Facebook, Mehmeti thotë se kryeministri do duhej të kërkonte falje.

Lexojeni të plotë publikimin e Mehmetit në Facebook:

“Dëgjuat, Kryeministri i Kosovës është bërë lajm i ditës nëpër mediat serbe! Edhe atë jo pse ka bërë ndonjë vepër madhore për vendin e vet apo pse me diçka ka ofenduar ndonjë serb, por pse e ka quajtur gomar ish-kryetarin e Vetëvendosjes dhe, në vend që t’i kërkojë falje të ofenduarit, ai i ka kërkuar ndjesë gomarit, duke harruar se njeriun që ai ofendon, e kanë votuar me dhjetëra mijë kosovarë!

Tani ecë e mos thuaj: duhet të jesh i përjargur pas pushtetit si qeni pas mishit të përgjakur, që të harrosh se si Kryeministër i shtetit, nuk guxon të ofendosh asnjë qytetarë të shtetit që drejton! Por sido që të jetë, duhet pranuar një të vërtetë: ai kurrë nuk do guxonte – dhe nuk do d uhej të kishte guxim – kështu të ofendonte cilindo deputet serb, por e përbuzë një të zgjedhur shqiptar, ngaqë e din se të gjithë do heshtin!

Më në fund, ky Kryeministër është prodhim i një shoqërie, e cila edhe mëkatarit të djeshëm, i lejon ta ‘gomarizojë’ të sotmen dhe të ardhmen e vendit të vet!”

Këshilli organizativ i ceremonisë së varrimit në bashkëpunim me Akademinë e Shkencave dhe Arteve të Kosovës kanë përcaktuar agjendën e ceremonisë së varrimit të akademik Mark Krasniqit, sipas së cilës kjo ceremoni do të fillojë në orën 13:00 me një mbledhje komemorative në ASHAK.

Menjëherë pas kësaj, në hollin e ASHAK do të bëhen homazhe, deri në 15:00, kur kortezhi do të niset nëpër rrugën “Agim Ramadani”, për t’iu bërë homazhe dhe nderim para shtatores së Presidentit Ibrahim Rugova, para shtatores së Skënderbeut dhe para shtatores se Nënë Terezës.

Një ceremoni e nderimit do të zhvillohet, prej orës 16:00, në sallën e sportit të Pallatit të Rinisë.

Ceremonia e varrimit të akademikut të ndjerë do të bëhet në varrezat katolike në lagjen Arbëria në orën 17:00.

Në këtë ceremoni për dhënien e lamtumirës së fundit të akademik Mark Krasniqit pritet te marrin pjesë personalitete të larta të vendit, nga Shqipëria dhe nga diaspora, si dhe qytetarë të vendit.

Këshilli organizativ i ceremonisë së varrimit në bashkëpunim me Akademinë e Shkencave dhe Arteve të Kosovës kanë përcaktuar agjendën e ceremonisë së varrimit të akademik Mark Krasniqit, spas së cilës kjo ceremoni do të fillojë në orën 13:00 me një mbledhje komemorative në ASHAK.

Menjëherë pas kësaj, në hollin e ASHAK do të bëhen homazhe, prej orës13:30 deri në 15:00, kur kortezhi do të niset nëpër “Agim Ramadani”, për t’iu bërë homazhe dhe nderim para shtatores së Presidentit Ibrahim Rugova, para shtatores së Skënderbeut dhe para shtatores se Nënë Terezës.

Një ceremoni e nderimit do të zhvillohet, prej orës 16:00 në sallën e sportit të Pallatit të Rinisë.

Ceremonia e varrimit të akademikut të ndjerë do të bëhet në varrezat katolike në lagjen Arbëria në orën 17:00.

Në këtë ceremoni për dhënien e lamtumirës së fundit të akademik Mark Krasniqit pritet te marrin pjesë personalitete të larta të vendit, nga Shqipëria dhe nga diaspora, si dhe qytetarë të vendit.

Këshilltari i zëvendëskryeministrit Thaçi, Ardian Arifaj, thotë se vlerësimet për marrëveshjen për Asociacionin nuk duhet të bëhen duke u nisur nga motivet politike. Marrëveshjet ndërkombëtare që arrin Kosova, sipas tij, nuk janë në interes të një partie politike apo të një tjetre, të një qeverie apo të një tjetre, por janë në interes të vetë shtetit të Kosovës.

“Është një marrëveshje që e konfirmon rolin konstruktiv të Kosovës në marrëdhëniet ndërkombëtare dhe që dëshmon se Kosova ka pjekurinë politike që të kthehet kah e ardhmja me bashkëpunim rajonal dhe në interes të Kosovës dhe qytetarëve të saj. Pra, e mbyll temën e asociacionit pa zotime tjera përveç zotimit që të themelohet Asociacioni, një zotim që është bërë qysh para dy viteve me Marrëveshjen e Brukselit të prillit 2013”, thotë Arifaj.

Vlerësimet dhe opinionet që ftojnë për kujdes dhe vëmendje të shtuar, ai thotë se janë të mirëpritura, mirëpo konkludimet se kjo marrëveshje është në kundërshtim me interesat e Kosovës dhe e dëmshme për Kosovën, thotë se janë negative dhe të paqëndrueshme. “Me një shikim objektiv të marrëveshjes shihet se ajo as nuk bën bosnjëzimin e Kosovës, as nuk krijon një Republika Srpska dhe as nuk e ndanë Kosovën. Krejt çfarë bà «n ajo, zoton Qeverinë e Kosovës që të dekretojë themelimin e Asociacionit. Se si do të duket ky Asociacion dhe çfarë statuti do të ketë, mbetet të diskutohet ende në të ardhmen”, thotë këshilltari i Thaçit, Ardian Arifaj.

Ai thotë se gjasat që asociacioni të degjenerojë në diçka jo të mirë për Kosovën janë praktikisht të barabarta me zero. Sipas tij, kjo mund të ndodhë vetëm nëse autoritetet në Kosovë, por edhe partnerët në Bruksel e Washington, mbyllin sytë dhe nuk kujdesen më për tërë projektin e shtetit të Kosovës. “Asgjë në politikë nuk është definitive, por gjithmonë mbetet elusive dhe kërkon vëmendje dhe përkushtim të përhershëm. E njëjta ndodh me çdo marrëveshje politike dhe kompromis politik. Këto krijojnë mundësi për zhvillime të reja, qoftë pozitive, qoftë negative. Kjo vlen edhe për Asociacionin. Qeveria e Kosovës ka dëshmuar se di të manovrojë në ujërat e rrëmbyeshme të marrëdhà «nieve ndërkombëtare dhe të ruajë interesin e Kosovës”, thotë Ardian Arifaj, këshilltar i zëvendëskryeministrit dhe ministrit të Punëve të Jashtme, Hashim Thaçit.

Kryetari i Lëvizjes Vetëvendosje, Visar Ymeri me bashkëpunëtorë, ka marrë pjesë në tribunën me temën “Populli s’pranon zajednicë” që u organizua sot me qytetarët e Mitrovicës, ku u diskutuan dëmet që “Zajednica”, siç e quan VV Asociacionin e Komunave Serbe, ia shkakton Kosovës dhe rëndësinë e angazhimit qytetar për ndalimin e kësaj të keqeje.

Visar Ymeri tha se përfundimisht Zajednica e çimenton ndarjen e Kosovës, duke i dhënë Kosovës ndarje horizontale dhe vertikale të saj.

Politikanët e Kosovës, tha kryetari i VV-së, e çmontojnë shtetin copë-copë, për ta mundësuar pastaj faljen e pjesëve të territorit.

Deputeti nga radhët e Vetëvendosjes, Glauk Konjufca, tha se Mitrovica është në njëfarë mënyre epiqendra e ndarjes etnike të Kosovës.

Sipas tij, kërkesa për zajednicë nga Serbia nuk është e rastësishme, por e menduar mirë dhe e qëllimshme.

Ai shtoi se Serbia ngjashëm ka tentuar të veprojë edhe në Kroaci, por pa sukses.

Sipas Konjufcës, “Zajednica do të pengojë krijimin e gjithmbarshëm të Kosovës – ekonomik, kulturor, shkencor…

Ndërkaq, nënkryetarja e Kuvendit të Kosovës, Aida Dërguti, foli mes tjerash edhe për gjendjen e rëndë ekonomike të qytetarëve të Kosovës.

Sipas saj, duke qenë qytetarët në varfëri të thellë, ata nuk shikojnë më as prejardhjen e produkteve, por vetëm çmimet e tyre, qofshin ato me prejardhje edhe nga Serbia.

Në anën tjetër, qytetarët kanë bërë pyetje të ndryshme që nga fusha e ekonomisë, pastaj mundësinë e anulimit të të gjitha marrëveshjeve të arritura në Bruksel, nëse Vetëvendosje vjen në pushtet, çfarë është koordinimi mes partive opozitare sa i përket protestave në të ardhmen etj.

Në fund të këtij debati me qytetarët, aktivistët e Vetëvendosjes kanë zhvilluar një aksion simbolik, duke vendosur një pankartë afër urës kryesore të Ibrit me mbishkrimin “Mitrovica nuk e pranon zajednicën”

Ministri i Bujqësisë, Pylltarisë dhe Zhvillimit Rural, Memli Krasniqi ka takuar sot drejtuesit e qytetit të Izmirit, kryetarin si dhe prefektin. Po ashtu gjatë ditës ai është takuar edhe me shoqata të qytetarëve nga Kosova dhe Ballkani.
Edhe në takime me drejtuesit e Izmirit takime, ministri Krasniqi foli për nevojen që të ketë bashkëpunim edhe më të madh ekonomik mes dy vendeve, e në vecanti të punohet në lidhjen e bashkëpunimit ekonomik mes afaristëve nga Izmiri dh atyre nga Kosova. Në takim me kryetarin e qytetit të Izmirit, Aziz Kocaoglu, ministri Krasniqi njoftoi me zhvillimin ekonomik në vend dhe mbehstetjen që qeveria po jep ndaj prodhuesve dhe afaristëve tjerë. Ai deklaroi se ka një rritje të prodhimit në vend, por theksoi nevojën që ky prodhim të gjejë mundesi më të mëdha eksporti në Turqi, por edhe vende tjera.

Ministri Krasniqi shtoi se Izmiri është një qytet shembull për nga zhvillimi dhe popullësia, pasi këtu jetojnë shumë qytetarë me prejardhje nga Kosova dhe vende tjera të Ballkanit. Në këtë drejtim ai falenderoi kryetarin Kocaoglu për kujdesin ndaj tyre në ruajtjen e vlerave tradicionale që ata i
kanë.

Duke vlerësuar Panairin Ndërkombetar të Izmirit, ministri Krasniqi tha se Kosova do të punojë që vitin e ardhshëm të hap pavijonin e vet dhe të prezantojë bizneset dhe turizmin e vendit.

Nga ana e tij, kryetari i Izmirit e njoftoi ministrin për zhvillimin e qytetit dhe interesimin që të ketë bashkëpunim me Kosovën. Ai tha se janë të gatshëm të ndihmojnë në krijimin e një lidhje me të fortë mes afaristëve të te dy vendeve. Aziz Kocaoglu dekalroi se ka shumë shqiptarë nga Kosova që
jetojnë në Izmir dhe që janë mjaftë të suksesshëm. Ministri Krasniqi dhe kryetari u pajtuan që të kenë komunikim të vazhdueshëm që në të ardhmen e afert të organizojnë takime të afaristëve dhe bisedojnë për projekte të tjera konkrete.

Edhe në takim me prefektin e Izmirit, Mustafa Toprak u bisedua për mundesitë e rritjes së bashkëpunimit ekonomik. Ministri Krasniqi tha se Marrëveshja e Tregtisë së Lirë mes dy vendeve do të hapë një etapë të re të raporteve miqësore mes dy vendeve, dhe do të jetë mbi të gjitha një hap i rëndësishëm për Kosovën në aspektin e zhvillimit ekonomik. Ai e falenderoi prefektin për kujdesin që tregojnë si shtet ndaj qytetarëve me prejardhje nga Kosova dhe shtoi se shqiptarët në Turqi dhe turqit në Kosovë janë një mundësi e mirë që të shtohen rrugët e komunikimit dhe bashkëpunimit.

Prefekti Toprak nga ana e tij tha se do të punojë që të ketë më shumë bashkëpunim mes afarsitëve nga Izmiri dhe Kosova. Ai vlerësoi se ka ende shumë sektorë ku mund të shtohet bashkëpunimi dhe që të ketë përfitime për ekonominë e të dy vendve.

Gjatë ditës ministri Krasniqi ka takuar në një drekë pune edhe drejtuesit e Shoqataës Kosovë – Ballkan në Izmir që mbledh rreth vetës qytetarë e afaristë me prejardhje nga Kosova, si dhe drejtuesit e Federates së Shoqatave të Ballkanit. Ministri i përgezoi ata për punën në ruajtjen e identitit, traditës dhe lidhjes me Kosvën. Ai kërkoi nga ta që të shtojnë përkushtimin në krijimin e mundesive më të mëdha për bashkëpunim mes afaristëve nga Kosva dhe Izmiri.

Këngëtari Sinan Hoxha dy ditë më parë i ka dhënë fund beqarisë. Ai tashmë është burri legjitim i bukuroshes nga Kumanova, Andrra Destani.

Në ceremoninë luksoze të dasmës së tyre, pati shumë mysafirë në mesin e të cilëve shumica ishin kolegë këngëtarë të Sinanit.

Për disponimin e tyre është kujdesur këngëtarja Artiola Toska e cila në një moment ka bërë që Sinani të hipë mbi karrige dhe të “dridhet” para bashkëshortes.

Artiola madje në mesin e vargjeve të këngës i drejtohet Sinanit : “po ç;tu deshtë gruja more qyqar, harrove sa mirë ishe beqar”.

Një ditë para shpalosjes zyrtare të iPhone 6S, është publikuar një detaj i rëndësishëm për pajisjen e re të Apple-it.

Sipas “9to5Mac”, telefoni i ri do të ketë kamerë shumë më të mirë se paraardhësi i tij. Në raportim theksohet se kamera e re e përparme mundëson shkrepje në formë panoramike, incizime në xhirim të ngadalësuar dhe video incizim me 720p.

Apple po ashtu thuhet se do të sjellë edhe dritën për shkrepjen e “selfieve”, të cilën e ka arritur duke përdorur një shkëlqyes të bardhë dhe jo një sensor LED.

Po ashtu raportohet se kamera e pasme e iPhone 6S do të jetë 12-megapixel me mundësi incizimi në kualitetin deri 4K.

Policia e Kosovës përmes një kumtese ka njoftuar se “sot në Mitrovicë është mbajtur një debat me qytetarë dhe të pranishëm kanë qenë rreth 250 qytetarë. Policia me zyrtarët e saj ka mbikëqyrë dhe monitoruar këtë aktivitet duke ofruar siguri për të gjithë, ndërsa sipas informacioneve rreth orës 14:00, çdo gjë ka përfunduar në rregull dhe të gjithë pjesëmarrësit janë shpërndarë të qetë.
Ne jemi të përkushtuar për mbajtjen e rendit dhe qetësisë publike si dhe garantimin e zbatimit të ligjshmërisë në vend.
Inkurajojmë të gjithë që të kontribuojnë në krijimin e një ambienti të qetë dhe të sigurt, në të kundërtën të gjitha pasojat bien mbi individët e caktuar të cilët duke vepruar në kundërshtim me parimet dhe të drejtat themelore tentojnë që të prishin rendin dhe qetësinë, apo njëkohësisht edhe tentojnë të prishin imazhin e Policisë së Kosovës, e vlerësuar për besueshmëri të ndërsjellë me qytetarët dhe profesionalizëm në fushën e rendit dhe ligjit.
Kjo është arritur falë kontributit të punonjësve të përkushtuar të Policisë së Kosovës dhe qytetarëve tanë pa dallim”, thuhet në kumtesën e PK.

Zyrtarë të lartë të Aleancës për Ardhmërinë e Kosovës, të prirë nga kryetari Ramush Haradinaj, në kuadër të një turi nëpër Kosovë, të cilin e kanë filluar tash e sa ditë, sot kanë qëndruar në Klinë. Para anëtarëve dhe simpatizantëve të AAK-së, ata kanë shpalosur planin e veprimit për këtë komunë, si dhe përcaktimin e kësaj strukture për përmirësimin e jetës së qytetarëve të Klinës dhe Kosovës në përgjithësi.

Kryetari i Degës se AAK-së në Klinë, Zenun Elezaj tha se AAK-së në Klinë po i bashkohen anëtarë të rinj dhe në këtë kuadër u veçua aderimi i Asambleistit Petrit Palushi, i cili u shpreh i kënaqur që tash e tutje aktivitetin e tij do të mund ta vazhdojë në AAK.

Ndërkaq kryetari Haradinaj u shpreh i kënaqur më frymën pozitive që po ndodhë në Klinë dhe me masovizimin e përgjithshëm të AAK-së që po ndodhë në tërë Kosovën.

Haradinaj tha se komuna e Klinës do të ketë një fokus të veçantë të tij gjatë gjithë kohës por sidomos tash pas zhvillimeve që do të mund të çojnë në ri konfigurimin e tërësishëm të skenës politike në vend./