Kikiriku është një produkt i cili mbron fëmijët nga alergjia. Sipas disa studimeve të realizuara nga ekspertët rezulton se fëmijët që hanë ushqim me përmbajtje kikirikësh, së paku tre herë në javë, kanë reaksione të rralla, gjatë jetës së mëvonshme.

Vetëm një për qind e atyre që kanë fituar alergji si të rritur, kanë ngrënë kikirik kur kanë qenë fëmijë.

Ky studim është bërë sepse numri i personave me alergji në kikirikë, është dyfishuar në njëzet vitet e fundit.

Policia e Kosovës ka arrestuar mbrëmë në Vushtrri katër aktivistë të Lëvizjes Vetëvendosje, tek po shkruanin parulla kundër “Zajednicës”.

Kështu thuhet në një njoftim të kësaj lëvizje, sipas së cilës, pamundësinë e argumentimit në favor të “Zajednicës”, Qeveria e Isa Mustafës po e shprehë me dhunë e represion, tashmë sistematik, ndaj kundërshtarëve.

“Prej momentit të nënshkrimit të kësaj marrëveshje e deri sot, pothuajse nuk ka ditë që nuk arrestohen e përndjeken aktivistët e VETËVENDOJSE!-s, thjesht sepse shkruajnë parulla apo shpërndajnë fletushka. Kjo gjendje e dhunës është e papranueshme dhe po e tensionon situatën. Qeveria e Kosovës nuk mund ta shuaj pakënaqësinë qytetare, përmes përndjekjeve dhe arrestimeve. Isa Mustafa duhet ta kuptojë që as sistemi i kaluar, pjesë e të cilit ka qenë, nuk ka arritur ta ndalë rezistencën qytetare, përmes represionit”, thuhet në reagimin e Vetëvendosjes.

Një bandë e specializuar në grabitje dyqanesh, baresh e qendra shërbimi ishin bërë terrori i sipërmarrësve në disa komuna e qyteza të Italisë.

Policia italiane ka arrestuar tre shqiptarë si anëtarët e kësaj bande që kishte kryer disa grabitje brenda e përreth qyteteve të Arezzos e Riminit.

Dy prej tyre u arrestuan natën e 1 shtatorit, ndërsa anëtari i tretë i moshës 25, i konsideruar dhe si kreu i kësaj bande, kishte mundur t’i shmangej forcave të rendit duke u arrestuar 2 ditë më vonë në provincën e Riminit.

Policia italiane ka regjistruar vetëm gjatë javës së fundit 10 grabitje të kryera nga tre shqiptarët, ndërsa vazhdon hetimet e ekzaminimit të të gjitha grabitjeve të denoncuar deri më tani në territoret ku vepronte kjo bandë.

Identifikimi i tyre u bë falë videokamerave të instaluara në ambientet e brendshme të lokaleve të grabitura si dhe nga bashkëpunimi mes forcave të rendit e të qytetarëve.

Të tre shqiptarët do t’i nënshtrohen ritit të shkurtuar të gjykimit duke u riatdhesuar më pas në Shqipëri.

Janë të shumtë viktimat e pafajshme të luftës. Fëmijë të shoqëruar nga prindërit e tyre, por shpesh here edhe vetëm, largohen nga vendet e tyre për një jetë më të mirë.

Duke iu larguar vdekjes që vjen nga lufta, fëmijët marrin rrugën për një të ardhme më të mirë, sidomos për një të tashme më të mirë. Janë fëmijë e adoleshentë emigrantë që u duhet të rriten para kohë, vetëm e vetëm që të gjejnë një vend më të sigurt për jetën e tyre.

Ata janë nga Siria, Palestina dhe Afrika, nuk kanë asnjë faj dhe kanë kurajën e të rriturve për të udhëtuar vetëm. Janë të detyruar që të përballen me mijëra vështirësi, të sfidojnë murin që vende të ndryshme kanë vendosur nëpër kufij.

Janë të gatshëm të “luftojnë” kundër të gjithëve, vetëm që të realizojnë ëndrrën e tyre, të shpëtojnë nga lufta e të jetojnë të lirë

Uji i Ujësjellësit të Mitrovicës është plotësisht i pishëm,kështu thuhet në komunikaten e dërguar nga Ujësjellësi i Mitrovicës.
Ndër të tjera thuhet se ka ndodhur një keqinformim i qytetarëve dhe se uji i helmuar nuk qëndron, dhe e tërë ky keqinformim ka ardhur pasi që një person në dalje të Zubin Potokut ka hedhur në kanalizim rreth 100 l substancës që dyshohet të jetë Pentan.

Ja komunikata e plotë e Ujësjellësit të Mitrovicës

Njoftojmë qytetarët e Mitrovicës, Vushtrrisë, Skenderajt, Zveçanit dhe të gjitha fshatrat që furnizohen me ujë të pijes nga Kompania Rajonal e Ujësjellësit të Mitrovicës, se Uji është i pishëm.
Prodhimi i ujët që del nga Fabrika e Ujit në Shipol e që furnizon me ujë për pije rajonin e Mitrovicës, është i pishëm dhe i plotëson të gjitha kriteret sipas standardeve të Institutit Kombëtar të Shëndetit Publik të Kosovës.

Pra ujë është i pastër si në aspektin fiziko-kimik dhe atë bakteriologjik.

Keqinformim i qytetarëve se ujin është i helmuar nuk qëndron, e tërë ka ardhur pasi që një person në dalje të Zubin Potokut ka hedhur në kanalizim rreth 100 l substancës që dyshohet të jetë Pentan.

Vendi ku është hedhur kjo Substancë nuk ka asnjë lidhje me Liqenin e Gazivodës e as me kanalin e Ibër Lepencit nga ky furnizohet edhe rajoni i Mitrovicës me ujë për pije.

Andaj Kompania Rajonale e Ujësjellësit të Mitrovicës i njofton të gjithë konsumatorët e saj se Uji që delë nga fabrika e Shipolit është plotësisht i pishëm.

Shtëpia e Bardhë thotë se po monitoron nga afër raportet se Rusia është duke kryer operacione ushtarake në Siri dhe ka paralajmëruar se operacionet e tilla mund të jenë “destabilizuese dhe kundërproduktive”. Komentet vijnë pasi luftëtarët sirianë kanë postuar fotografi në mediat sociale, duke pretenduar se paraqesin aeroplanë dhe dronë rusë, pranë provincës Idlib. Në lidhje me këto raporte ka reaguar edhe Pentagoni./21Media

Bashkimi Evropian duhet të lëvizë përpara me nënshkrimin e MSA-së dhe heqjen e vizave për qytetarët e Kosovës, në të kundërtën kredibiliteti i saj do të humbë tek qytetarët dhe institucionet e Kosovës. Kështu ka deklaruar ministri i Integrimeve Evropiane, Bekim Çollaku. Ai thotë se është i habitur me ngutjen e Komisionit Evropian për ta shpërblyer Serbinë menjëherë për “konstruktivitetin” e saj në dialog me Kosovën. Përderisa, shprehet tepër i zhgënjyer që BE-ja dështon ta dëshmojë me veprime konkrete se në këtë dialog është edhe një palë tjetër, e cila ka nevojë që të përfitojë shumë më tepër sesa Serbia në agjendën evropiane. Sa i përket liberalizimit të vizave, ministri Çollaku thotë se presin që një gjë e tillë të ndodhë patjetër vitin e ardhshëm.

Qindra emigrantë në Hungari kaluan natën në bordin e një treni të rrethuar nga forca të shumta policie. Gjatë ditës së enjte autoritetet hungareze lejuan emigrantët që të hipnin në tren, por më pas u përpoqën t’i zhvendosin ata në një kamp azilkërkuesish në perëndim të Budapestit.

Ndërsa, gjatë ditës së premte pritet mbledhja e Parlamentit vendas për të diskutuar masa më të ashpra kontrolli në kufi. Hungaria është në fazën e fundit tashmë të ngritjes së murit me tela me gjemba në kufirin me Serbinë, prej nga hyn numri më i madh i azilkërkuesve sirianë.

Në mbledhjen e Parlamentit, pjesë e diskutimit do të jetë edhe një vendim i mundshëm për të rritur numrin e kampeve dhe debati nëse gjendja e krijuar përbën një “gjendje emergjence”.

Ditën e enjte, kryeministri Viktor Orban, deklaroi se situata është një “problem gjerman”, pasi “Gjermania është vendi ku azilantët dëshirojnë të shkojnë. Po këtë të premte, udhëheqësit e Bashkimit Europian do të zhvillojnë tre takime për të diskutuar mbi krizën.

Në tryezën e bisedimeve të Bashkimit Europian, pritet të jetë edhe një propozim i Presidentit të KE-së, Jean Claud Juncker për rritjen e kuotave të pranimit të azilantëve nga 40 mijë që ishte plani në 160 mijë. Sipas BBC-së, propozimi i ri ka të bëjë edhe me nevojën e shpërndarjes së emigrantëve, që kanë zbarkuar kryesisht në Itali, Greqi, Ballkanin Perëndimor dhe në Hungari.

Kombëtarja shqiptare në futboll, sonte përballet me Danimarkën në Kopenhagen, në kuadër të eliminatorëve për Evropianin “France 206”.

Kuqezinjtë e Gianni De Biasit dje kanë zbarkuar në tokën danezë të përgatitur, e të motivuar maksimalisht për të marr rezultat pozitive në duel me danezët e ftohet, në njërën ndër ndeshjet vendimtare për kualifikim në Euro 2016.
Danimarka dhe Shqipëria aktualisht ndajnë vendin e dytë në Grupin I, andaj kjo përballje është tejet e rëndësishme për ecurinë e mëtejme të garave për shkak së përballen dy rivalët direkt për pozitën e dytë e cila çon në Kampionatin Evropian që këtë herë mbahet në Francë.

Abdullah Kurdi thotë se nuk dëshiron më të shkojë në Europë dhe se do të kthehet në qytetin e lindjes në Kobani për të varrosur gruan dhe djemtë.

Babai i djalit të mbytur sirian që u fotografua i pajetë në një plazh turk ka thënë se ai po i përgatitë trupat e dy djemëve dhe gruas së mbytur, për t’i varrosur në qytetin e lindjes në Kobani të Sirisë.

Abdullah Kurdi, një kurd sirian që ka jetuar në Turqi tre vitet e fundit, ndërsa më herët kishte jetuar në Damask, tha se nuk ka më dëshirë të shkojë në Europë.

Duke folur jashtë morgut të spitalit ku po ruheshin trupat e djemve, Kurdi tha:” Vetëm dua që t’i shoh edhe njëherë fëmijtë e mij, dhe të rri me ta gjithmonë”.

Kurdi e përshkruajti se si kishte ndodhur tragjedia në bordin e një barke që ishte nisur drejt Greqisë. Sipas tij, kapiteni kishte panikuar për shkak të valëve të mëdha dhe kishte kërcyer në det, duke e lënë Kurdin në timonin e barkës.

“Unë e mora drejtimin e barkës. Valët ishin shumë të larta dhe barka u përmbys. E mora gruan dhe fëmijtë e mij në duar dhe e kuptova se ata kishin vdekur”, tha ai.

Aylani tre vjecar, Galipi pesëvjecar dhe nëna e tyre Rehan ishin në mesin e 12 viktimave që u mbytën atë ditë në Egje. Barka ishte pjesë e një flote emigrantësh që ishin nisur nga Akyarlar, që është pika më e afërt turke me ishullin grek të Kosit në Detin Egje.