Doktorët Specialistë kërkojnë rritje të pagave. Ata kërkojnë të marrin nga 100 mijë denarë siç edhe u ishte premtuar nga Ministria e shëndetësisë. Sindikata e Qendrës klinike thotë se ministri i shëndetësisë, Venko Filipçe, ua ka mbyllur derën që nga janari, kur kishin takimin e fundit me të. Kryetari i sindikatës, Doktori Goran Begoviq thotë se kanë pasur durim dhe kanë pritur të kalojnë situatat aktuale politike në vend, por më nuk do të presin.

“Nga 15 janari i vitit 2019 deri më tani nuk kemi kurrnifar komunikimi me ministrinë e shëndetësisë dhe ministrin, Venko Filipçe. Ishim korrekt pritëm fushatën zgjedhore, ishim korrekt dhe nuk dham asnjë deklaratë derisa nuk u bë rikonstruimi i Qeverisë që most ë kishim ndonjë ndikim në çfarëdo forme. Tani ishte më momenti që gjithçka që pakënaqësitë t’i hedhim në publik”, tha Goran Begoviq nga Sindikata e Qendrës Klinike.

Paga bazë neto e një doktori në shëndetësi terciare është 44.517, që domethënë duhet për dyfish të rriten të ardhurat.

Ministri i shëndetësisë, Venko Filipçe, nga ana tjetër thotë se ka bashkëpunim të mirë dhe komunikim të vazhdueshëm me mjekët e Sindikatës së Qendrës Klinike. Filipçe tha se deri në fillim të vitit të ardhshëm, do të arrihet që paga e specialistëve të bëhet 100 mijë denarë.

“Po planifikohet rritje e të ardhurave në periudhën që vijon, domethënë në vjeshtë dhe gjithashtu edhe në fillim të vitit të ardhshëm që të përmbushim premtimin pagë prej 100 mijë denarësh për mjekë-specialistë dhe sigurisht nuk do t’i lëmë anash sikurse nuk i kemi lënë edhe punonjësit e tjerë të shëndetësisë, si infermieret, teknikët, ndihmës-mjekët e kështu me radhë”, u shpreh Venko Filipçe, ministër i Shëndetësisë.

Në takimin e fundit me ministrin dhe kryeministrin Zaev, Sindikata e qendrës klnike kishte kërkuar që të rregullohet kaosi në kompleksin klinik dhe problemet me parkingun. Edhe për këtë problem, Filipçe tha se procedura është në fazën finale dhe për dy-tre javë do të shpallet tenderi për partneritet publiko-privat për garazhde në katë në Qendrën klinike.

Përgatiti: Almedina Ismajli

Kryetari i Qytetit të Shkupit gjatë kohës së fushatës dhe gjatë periudhës së dimrit, kur ndotja e ajrit ishte në nivel të lartë, vozitej me autobus. Por tani ai ka trotinet elektrik dhe me të erdhi edhe në ngjarjen e ditës së sotme.

Shilegov gjatë kohës së periudhës së dimrit udhëtuat me autobus, tani ju pamë se voziteni me trotinet elektrik. A keni hipur në autobusë këtë periudhë, duke pasur parasysh se disa autobusë nuk kanë fare klimë? Ju si babai i qytetit a do të ndërmerrni diçka në lidhje me këtë?

“Për shkak të marrëveshjes për koncesion me transportuesit privat që i kam trashëguar si kryetar i Qytetit në kohëzgjatje prej 5 vjetëve, kanë mbetur edhe 2.5 vjet. kështu që lloji, tipi dhe cilësia e autobusëve janë përcaktuar nga administrata paraprake e qytetit dhe ne jemi të pafuqishëm, në aspekt të asaj se ende ka marrëveshje aktive me koncesionerët privat”, deklaroi kryetari i Qytetit të Shkupit, Petre Shilegov.

Pas deklaratës së tillë, kryetari i Qytetit të Shkupit vazhdoi të flasë për këtë temë, duke i thënë ekipit të gazetarëve që të provojnë të shfuqizojnë marrëveshjet me transportuesit privat.

Shillegov: Çfarë të bëj unë?

Gazetarja: Marrëveshje të reja.

Shillegov: Marrëveshje të reja, shfuqizoi ti të të shoh.

Gazetarja: Të bëhem unë kryetare?

Shillegov: Jo, por . . .

Përderisa Qyteti i Shkupit është i pafuqishëm që të shfuqizoj marrëveshjet me transportuesit privat, qytetarët po “piqen” në autobusë. Disa nga autobusët vozisin me dyer të hapura.

“Vozitem me autobusin numër 19. Mund të shihet në këtë autobus nuk ka klimë dhe qytetarët flladitën me gjësende që kanë në dorë. Temperatura jashtë është 40 grad”, Arbana Qerimi Klimenta.

Udhëtarët thonë se është nxehtë posaçërisht kur ka shumë udhëtarë.

“Po, nuk ka edhe dritaret janë shumë lartë, nuk mund t’i hapësh. Nuk ka ajër brenda. Atyre që konsumojnë barëra u pengon kaosi, nuk ka ajër”, u shpreh Desa Vellevska, qytetare.

“Është shumë e vështirë veçanërisht kur ka më shumë udhëtarë, është nxehtë. Tani është verë dhe nuk ka nxënës, kur ka nxënës është më vështirë. Tani është pak më relaksuese, nuk ka shumë udhëtarë. Tani kur rinovohej Partizanska ishte pak problematike për shkak se prisnim shumë gjatë. Përndryshe ia bëjmë disi, është nxehtë”, shtoi Sunçica Ristova, qytetare.

“Është nxehtë, por ia bëj disi, nuk kam shumë nxehtë”, theksoi Verka Kërstovska, qytetare.

Lenin Jovanovski nga Transport i lirë (Slloboden prevoz), thotë se klimat nuk ndihmojnë për ftohje të autobusëve për shkak se në çdo stacion hapen dyert. Autobusët me numër 19, 22, 11, 12 dhe të tjerë janë pa klima. Nga NQP Shkup thonë se në disa nga autobusët klimat janë të shkyçura për shkak se ndonjëherë ka reagime nga qytetarët se kanë shumë ftohtë, andaj vozitësi është i detyruar që t’i shkyçë me qëllim që të mos gjendet në situatë të palakmueshme duke pasur parasysh kërcënimet. Dje kanë pasur tre ankesa nga udhëtarë më të moshuar se kanë pasur shumë ftohtë. Nga NPQ Shkup thonë se të gjithë autobusët e tyre kanë klima, ndërsa 90% funksionojnë. Pjesa tjetër janë në servisim, problemi është aktual dhe siç thonë nuk mund të parashihet.  

Përgatiti: Arbana Q.Klimenta

Adelina Tahiri publikon këngën e parë prej që është bërë nënë
Këngëtarja e njohur, Adelina Tahiri është një prej emrave më të përfolur në shoëbizin shqiptar. Edhe pse nuk ka publikuar projekte të reja, jeta e saj private ishte në fokus, shkruan rtv21.tv.
Po,  sot bukuroshja nga Shkupi pas një pauze dy vjeçare është rikthyet me një këngë të re. Edhe kësaj radhe ajo ka bashkëpunuar me Max Produciton.
Kënga titullohet “Përgjithmonë”, me tekst nga Petro Xhori dhe muzikë nga Darko Dimitrov.
Si çdo herë Adelina vëmendje merr edhe me dukjen e saj në videoklip, i cili është gjiruar në Cappadocia të Turqisë.
“S’je normal”, është projekti paraprak i Adelinës të cilin e ka publikuar në korrik të vitit 2017./21Media

.

22-vjeçari nuk është më pjesë e ekipit të Zinedine Zidanes

22-vjeçari nuk është më pjesë e ekipit të Zinedine Zidanes
Liverpooli është afër transferimit të mesfushorit të Realit, Dani Ceballos.

Mediat angleze thonë se “The Reds”, e duan lojtarin këtë verë.
22-vjeçari nuk është pjesë e ekipit të Zinedine Zidanes për sezonin e ardhshëm.
Trajneri i Liverpoolit, Jurgen Kloop po mundohet ta transferojë në ekip spanjollin.
Tottenhami dhe Arsenali janë po ashtu të interesuar për spanjollin.

Komisioni Antikorruosion do të hetojë rastin e sekretarit të përgjithshëm të Qeverisë Dragi Rashkovski, në lidhje me dyshimet për rregullim tenderi. Sekretari i përgjithshëm i Qeverisë Dragi Rashkovski akuzohet për rregullim tenderi për pajisje me sistem radari të M-Nav të cilin e ka fituar firma shtetërore italiane “Leonardo”. Dyshimet dhe akuzat erdhën pas publikimit të bisedës në zyrën e tij, të cilën mendohet se e ka incizuar ish drejtori teknik i M-Nav Klime Çepunovski.

Publikohet projekti i ri nga Eni dhe Lindoni
Dy artistët e njohur të estradës, Eni Koçi dhe Lindon Berisha kanë bashkuar forcat e tyre në muzikë.
Dyshja kanë publikuar këngen e tyre të ri të titulluar “Bella”, të cilën e kanë shoqëruar edhe me videoklip.
Për tekstin e këngës janë përkujdesur vetë artistët, shkruan rtv21.tv

 
Ndryshe, “Larg” është projekti i fundit muzikor që Eni ka sjellë në bashkëpunim me reperin e njohur Elinel. Ndërsa “Stranger” është projekti i fundit që Lindoni në bashkëpunim me Kanitën./21Media
 
.

Ai do të mbajë numrin 21 në fanellë

Ai do të mbajë numrin 21 në fanellë
Klubi francez, PSG sot do ta kompletojë transferimin e mesfushorit të United, Andre Herrera.

Mesfushori i cili ka qenë një lojtar i lirë për një kohë i ka përfunduar kontrata me Manchester United dhe ka refuzuar ta vazhdojë atë.
Mediat franceze thonë se transferimi i tij do të kryhet sot dhe ai do të mbajë numrin 21 në fanellë.
PSG ka transferuar edhe Pablo Sarabian nga Sevilla javën e kaluar.

Eliza së shpejti nënë
Aktorja e njohur shqiptare që jeton në Amerikë, Eliza Dushku është shtatzënë.
Ajo dhe bashkëshorti i saj Peter Palandjian së shpejti do të bëhen prindër për herë të parë.
Me anë të publikimit të një fotografie në Instagram, Eliza ka bërë të ditur se kanë mbetur diku edhe 3 javë deri në kohën kur ka për ta sjell në jetë foshnjën.
Në këtë imazh duket se shtatzënia ka reflektuar shumë në pamjen e aktores.

View this post on Instagram

 
3 wks +/-
A post shared by Official Eliza Dushku (@elizadushku) on Jul 3, 2019 at 8:55am PDT

Eliza është martuar vitin e kaluar me biznesmenin e njohur amerikan, Peter Palandjian. Eliza Dushku është njëra nga yjet e famshëm shqiptaro-amerikanë. Ajo ka luajtur një sërë filmash të njohur dhe seri televizive të vlerësuara nga kritikët. Dushku ka luajtur rol të madh edhe përmes avokimit në emër të historisë dhe kulturës shqiptare dhe në vitin 2011 ishte emëruar Ambasadore Nderi e Tiranës për Botë. Në vitin 2016 ajo kishte luajtur rolin e producentes në një film dokumentar për Shqipërinë bashkë me vëllanë e saj, Nate Dushku./21Media
.

Me biçikletë është nisur nga shtëpia për të parë nëse në llogarinë bankare i kanë arritur në paratë e ndihmës sociale.

Kontrollon llogarinë.

Nuk ka para.

Naser Abazi, është kryefamiljar dhe familja e tij numëron gjithsej pesë anëtarë. Ai thotë se ndihma sociale është rritur por se nga moment i rritjes kanë filluar edhe vonesat.

“Për të rritur e kanë rritur, por e mjaftueshme nuk është. Jemi pesë antarë, të gjithë të rritur jemi, nuk është e mjaftueshme. Por nuk po i lëshojnë edhe në rregull. I kanë lëshuar në të dytin dhe tretin tani po i vonojnë nga një muaj e gjysmë një javë nuk e di si të them, por i vonojnë nuk kemi kohë të caktuar se kur do i marrim dhe nëse do i marrim. Vetëm vijmë dhe kontrollojmë dhe kthehemi. Për pesë anëtarë në të kaluarën kemi marrë 3.500 tani i kanë rritur trefish më tepër. Kjo është mirë por nuk po i lëshojnë me rregull”, tha Naser Abazi, shfrytëzues I ndihmës sociale.

Edhe një tjetër shfrytëzues i ndihmës sociale thotë se vonesa ka dhe se mjetet financiare nuk i pranon në kohë.

“I marrim 10.000 denarë në total, por unë jam me ilaçe po edhe bashkëshortja poashtu me barëra. Nuk na mbrrin hesapi. Sepse ka fatura për rrymë, ujë kur të llogarisësh nuk del asgjë, nuk arrin askund. Këtë muaj nuk e kemi marrë na kanë thënë muajin e ardhshëm do t’i merrni dy përnjëher, çashtu”, tha një tjetër shfrytëzues I ndihmës sociale.

Nga Qendra për Punë dhe Politikë Sociale thonë se shtesat e garantuara sociale lëshohen sipas kalendarit të cilin e ka përgatitur ministira.

“Pagesa e shtesës së garantuar sociale do të bëhet nesër. Të tregoj që pagesa bëhet për të gjithë qytetarët përnjëherë, nuk ndodh që dikush të marrë më herët e dikush më vonë. Pagesa për të gjithë qytetarët që jetojnë në territorin e RMV-së dhe shfrytëzojnë të drejtë të caktuar bëhet për një ditë për të gjithë. Të tregoj se nga ana e Ministrisë për Punë dhe Politikë Sociale kemi kalendar të verifikuar vjetor se kur bëhet pagesa”, deklaroi Drejtoresha e Qendrës për Punë dhe Politikë Sociale.

Ndryshe me reformën e re sociale është paraparë që një familje katërantarëshe të marrë “pako familjare” me vlerë prej 10. 600 denarëve. Ata do të marrin 6800 denarë të ardhura të garantuara, 1600 denarë shtesa për fëmijë, 1. 700 shtesa për arsim dhe 500 denarë shtesa energjetike. Të drejtë për këtë pako sociale kanë jo vetëm familjet që marrin ndihmë sociale por edhe familjet me të ardhura minimale.

Përgatiti: Mevludin Imeri

Në sesionin për tërheqjen e investimeve të huaja në Samitin e Poznjanit, Maqedoninë e Veriut e përfaqëson ministri i Ekonomisë Kreshnik Bekteshi.

Bekteshi theksoi se Maqedonia e Veriut ka marrë obligime të cilat duhet t’i bëjnë në periudhën e ardhshme. Gjithashtu në këtë samit u diskutua edhe për rritjen e tregtisë midis shteteve të Ballkanit Perëndimor. Ministri shprehet se ka informuar të gjitha vendet pjesëmarrëse për mundësin që ofron vendi për investitorët e huaj potencial.

“Republika e Maqedonisë së Veriut kemi marr obligime të cilat duhet t’i bëjmë në periudhën që vijon. Morëm pjesë në sesionin ku u diskutua rreth mundësisë për tërheqjen e investimeve të huaja direkte në vend, por njëkohësisht dhe për rritjen e tregtisë midis shteteve të Ballkanit Perëndimor. I informova të gjithë të pranishmit rreth të gjithë mundësive të cilat vendi jonë i jep për investitorët potencial”, deklaroi Ministri i Ekonomisë, Kreshnik Bekteshi.