Në Spitalin “8 Shtatori” në Shkup sot u promovua një dhomë kuruese me presion të lartë të ajrit, e cila pritet të vihet në funksion së shpejti për pacientët me plagë nga djegiet, me plagë kronike dhe plagë që shërohen me vështirësi nga diabeti, por edhe të sëmundjeve të tjera, që i mungonte mjekësisë publike.

Ministri i Shëndetësisë Azir Aliu tha se ky projekt është fryt i bashkëpunimit të sektorit privat dhe publik.

Kjo dhomë hiperbarike e vendosur në repartin e terapisë fizikale dhe të rehabilitimit në Spitalin e përgjithshëm “8 Shtatori” në Shkup, autoritetet thanë se janë donacion nga kompania “ZEGIN”.
Projekti i dhomës hiperbarike ka qenë në projekt në të cilin është punuar për pesë muaj tha drejtori i spitalit të përgjithshëm të qytetit “8 Shtatori” Sinisha Stojkoski.

Kujtojmë që në institucionet shëndetësore publike akoma nuk ka repart të specializuar për trajtimin e pacientëve me plagë të djegieve nga zjarri. Reparti që ishte në spitalin e qytetit “Shën Klimenti i Ohrit” prej kohësh mbetet jashtë funksionit.

Kryeministri Hristijan Mickoski njoftoi se është takuar me Bilall Kasamin e VLEN-it, duke bërë të qartë se marrëdhëniet mes partnerëve të koalicionit janë stabile.

“Po u takova me Bilall Kasamin, biseduam dhe mendoj se ai tani më ka filluar të dërgoj ato deklaratat e vërteta që duhet t’i takojnë një kryetari të komunës multietnike si Tetova”, tha Hristijan Mickoski, Kryeministër.

Mickoski i quajti spekulime shkrimet e portaleve për një bashkëpunim me ish kryetarin e Strugës, Ramiz Merkon.

 “Po shikoj se këtu qenka portali! Janë portale që supozoj se janë të financuar nga një qendër e njëjtë, e cila tani është dëshpëruar se Ramiz Merko nuk i përkrahë BDI-në në rrethin e dytë dhe supozoj që tani për të gjetur kundër peshë për të bërë sensacion që ta fundosin atë lajm, nxjerrin në opinion plotësisht të pavërteta. Mendoj, tamam puna! Njerëz shikoni, shumë herë në të kaluarën e kemi thënë qëndrimin tonë për Ramiz Merkon, kështu që po e lë në këtë mënyrë që të krijojnë sensacion, absolutisht nuk është e vërtetë”, u shpreh Hristijan Mickoski, Kryeministër.

Në lidhje me qëndrimin e kreut të LSDM-së, se qeveria punon në mënyrë katastrofike, Mickoski tha se Filipce vetëm ashtu mund të fitoj vota ndonjë votë nga elektorati i tij.

Ministrja e Arsimit Vesna Janevska theksoi se e ardhmja e shtetit varet nga cilësia e arsimit të lartë dhe kërkoi angazhim të përbashkët për përmirësimin e tij. Në Forumin e Parë Vjetor për Cilësinë në Arsimin e Lartë, ajo theksoi se qeveria ka rritur buxhetin për shkencë, ka mundësuar qasje falas në bazat “Web of Science” dhe “Scopus”. Ajo paralajmëroi reformë të Agjencisë për Cilësi në Arsimin e Lartë dhe përgatitje të ligjeve të reja për arsimin e lartë dhe kërkimin shkencor, duke kërkuar nga profesorët të kontribuojnë aktivisht në digjitalizim, publikime shkencore dhe bashkëpunim me projektet evropiane.

“Për herë të parë në Maqedoni ka angazhim serioz edhe nga Qeveria edhe nga Universiteti për krijimin e parkut të parë shkencor dhe teknologjik në Maqedoni. Ajo që dua t’u rekomandoj miqve të mi, profesorëve, është se së bashku duhet të bëjmë reformat e vështira në arsimin e lartë, u kërkoj atyre të përfshihen aktivisht në gjithçka”, tha Vesna Janevska, ministre e Arsimit dhe Shkencës.

Rektorja e USHQM, Biljana Angelova, prezantoi rezultatet e universitetit në fushat e cilësisë, digjitalizimit dhe ndërkombëtarizimit. Ajo tha se janë miratuar rregullorja dhe strategjia për menaxhim me cilësinë 2024–2029, dhe shtoi se është përfunduar faza e parë e digjitalizimit me indeks elektronik për studentët.

“Menaxhimi i cilësisë në universitet është një nga 3 qëllimet tona themelore strategjike, përveç digjitalizimit dhe ndërkombëtarizimit, menaxhimi i cilësisë është një qëllim shumë i rëndësishëm strategjik për USHQM. Periudhën e kaluar kemi bërë bashkëmenaxhim të duhur me kualitetin e Universitetit, rregullorja kombëtare mbi standardet për arsimin e lartë, të cilat në fakt janë standarde para të mësuarit në Komisionin Evropian për Cilësi, i cili ofron direktiva të cilësisë. Ne kemi bërë një strategji cilësie për universitetin për periudhën 2024-2029 dhe udhëzuesin e cilësisë”, pohoi Bilana Angellova, rektore në “Shën Qirili dhe Metodi”.

Ndryshe siç u njoftua, në USHQM po rritet numri i studentëve të huaj dhe i projekteve ndërkombëtare, ndërsa synimi kryesor mbetet përmirësimi i cilësisë dhe rritja e pozitës së universitetit në ranglistat ndërkombëtare.