Komisionerja për Zgjerim të BE-së, Marta Kos, ka pritur në takim Ministren për Evropën dhe Punët e Jashtme të Shqipërisë, Elisa Spiropali, përcjell TV21. Ato analizuan ritmi i procesit të negocimit, reformat, rezultatet dhe pritjet për rrugëtimin evropian të Shqipërisë. Komisionerja Kos përgëzoi Shqipërinë për rezultatet e arritura në kuadër të Planit të Rritjes, duke dhënë një shembull pozitiv në rajon dhe theksoi se “ne mirëpresin dhe mbështesin ambicien e Shqipërisë për mbylljen e negociatave të anëtarësimit brenda 2027-ës”.
Në deklaratën përpara “Murit të Zgjerimit”, Spiropali tha se progresi i Shqipërisë pasqyron vokacionin e popullit shqiptar si populli më pro BE-së në rajon dhe ndoshta në Evropë. Ministrja Spiropali siguroi se Shqipëria e konsideron zgjerimin si një proces të bazuar në meritë dhe të nxitur nga reformat.