Ahmeti: Vendim i padrejtë dhe thellësisht zhgënjyes! Mexhiti e Kasami: Zhgënjyes, keqardhje e thellë për aktgjykimin

By
Desk
-
0


Për kreun e BDI-së, ish-komandantit të UÇK-së, Ali Ahmeti, vendimi i Gjykatës së Hagës ndaj Thaçit, Krasniqit, Veselit dhe Selimit është i padrejtë dhe thellësisht zhgënjyes. Ai bën thirrje për maturi dhe unitet, duke kërkuar që të mos bihet në asnjë grackë që synon të krijojë tensione, përçarje apo të njollosë luftën çlirimtare të popullit në Kosovë. Ahmeti rikujton se UÇK-ja lindi si përgjigje ndaj shtypjes dhe luftoi për lirinë e Kosovës, ndërsa akuzat e dikurshme për trafikim organesh dhe krime kundër njerëzimit nuk u vërtetuan në këtë proces.

“Aktakuza i ngarkonte Thaçin, Krasniqin, Veselin dhe Selimin me përgjegjësi për një sërë krimesh të pretenduara gjatë viteve 1998-1999. Besojmë se edhe këto akuza do të rrëzohen në procesin e mëtejshëm gjyqësor, ashtu siç nuk u materializuan pretendimet e dikurshme për trafikim organesh. Procesi nuk përfundon këtu. Besojmë se mbrojtja do ta vazhdojë betejën juridike në Gjykatën e Apelit, duke kundërshtuar gjetjet e shkallës së parë dhe duke kërkuar drejtësi deri në fund. Lufta e UÇK-së ishte luftë për liri. Historia e Kosovës nuk mund të rishkruhet dhe sakrifica e një populli të tërë nuk mund të vihet në bankën e të akuzuarve. Me besim në drejtësi, beteja vazhdon në apel”, tha Ali Ahmeti.

Reaguan edhe dy bashkëkryetarët e partisë në pushtet VLEN, Izet Mexhiti – i cili vendimin e Hagës e quajti zhgënjyes dhe thellësisht të padrejtë; si dhe Bilall Kasami, i cili shprehu keqardhje të thellë për aktgjykimin.

“Ushtria Çlirimtare e Kosovës ka bërë një luftë të pastër, mbrojtëse dhe të drejtë për liri, pavarësi dhe dinjitet. Historia e lavdishme e popullit tonë nuk mund të tjetërsohet, as të njolloset me vendime që i shërbejnë padrejtësisë e jo të vërtetës. Beteja për historinë e vërtetë dhe për drejtësi meriton dhe duhet të vazhdojë deri në fitoren e saj. Jo dënimit të UÇK-së në emrin tonë”, tha Izet Mexhiti.

“Ky është një vendim i rëndë për katër njerëz që kanë dhënë kontributin e tyre në luftën për çlirimin e Kosovës dhe që sot vazhdojnë të jenë larg familjeve të tyre. Ky aktgjykim nuk e ndryshon të vërtetën historike për luftën e Ushtrisë Çlirimtare të Kosovës. Lufta çlirimtare në Kosovë është pjesa më e lavdishme e historisë sonë kombëtare. Presim që Apeli ta rishqyrtojë dhe ta rrëzojë këtë vendim”, tha Bilall Kasami.

Kryetari i Lidhjes Shqiptare Ziadin Sela vlerëson sakrificën e tyre për lirinë dhe shtetin e Kosovës, duke thënë se drejtësia ka dështuar, por se mllefi duhet të shndërrohet në gjykim dhe se fjala e fundit ende nuk është thënë. Sela thekson se sakrifica e tyre ishte për një Kosovë sovrane e të pavarur dhe u bën thirrje qytetarëve ta respektojnë atë me qetësi e durim, duke përmbyllur reagimin me mesazhin: “Liria ka emër!”.

Marrëveshje dypalëshe për çështjen e transportuesve! Vitin e ardhshëm BE-ja me strategji të re të vizave, shoferët me viza afatgjata

By
Svetlana Unkovska
-
0

Në bazë dypalëshe do të gjenden zgjidhje për çështjen që transportuesit të mund ta kryejnë papenguar veprimtarinë e tyre në vendet e zonës Shengen. Ministri i Transportit, Aleksandar Nikolloski, thotë se duhet të bëhen marrëveshje me sa më shumë shtete, edhe pse në zonën Shengen nuk ka kufizim se nga cili shtet anëtar do të merret viza, pasi ajo është e vlefshme edhe në shtetet e tjera.

“Duke pasur parasysh se tani u njohën si profesionistë, mund të marrin viza afatgjata dhe për këtë arsye ne duhet të punojmë me sa më shumë shtete për të arritur një marrëveshje të tillë. Kjo është zgjidhja e vetme, ka disa shtete anëtare të zonës Shengen që nuk duan të ketë një zgjidhje të përbashkët për të gjitha shtetet anëtare. Fatkeqësisht, edhe rregullat e vizave janë rregulla që miratohen me konsensus në nivel të Bashkimit Evropian, përkatësisht në këtë rast të zonës Shengen, dhe për këtë arsye zgjidhja është dypalëshe dhe ne po punojmë në mënyrë dypalëshe”, tha Nikolloski.

Megjithatë, një pjesë e shteteve të zonës Shengen nuk kanë qëndrim të përbashkët se si të zgjidhet kjo çështje. Gjermania kërkon që zgjidhja të jetë e përbashkët, ndërsa Çekia, Greqia, Rumania dhe Kroacia konsiderojnë se nevojitet marrëveshje në bazë dypalëshe. Për mundësinë e tejkalimit të problemeve të transportuesve të shkaktuara nga sistemi i paralajmëruar EES i Bashkimit Evropian, kërkuam qëndrim edhe nga Biljana Muratovska nga MAKAM TRANS.

“Tashmë janë gati, thanë se do të shikojnë që sa më shpejt t’i lëshojnë vizat. Rumania tha se ajo do të llogarisë sipas orëve dhe jo sipas ditëve, Greqia dhe Çekia po bëjnë ndryshime në ligj, kështu që jemi në proces të zgjidhjes së problemit”, tha Bilijana Muratovska, MAKAM TRANS.

Muratovska thotë se, krahas marrëveshjeve dypalëshe, Bashkimi Evropian planifikon që gjatë vitit të ardhshëm të njohë qëndrimin profesional në vendet e BE-së, ku përfshihen edhe transportuesit.

“Bashkimi Evropian tha se, sipas planit të tyre, ashtu siç po shkon, në gjysmën e dytë të vitit 2027 do të miratohet strategjia e re e vizave, përkatësisht me të cilën do të njihen shoferët, artistët dhe shkencëtarët se mund të kenë qëndrim më të gjatë në zonën Shengen. Ndërsa tani, jozyrtarisht lexova, nuk e di në cilën faqe ishte, se 9 shtete në mënyrë aktive kërkojnë që përkohësisht të pezullohet sistemi i ri, sepse shkakton kolona të mëdha në aeroporte dhe në kufij”, deklaroi ajo.

Problemi me transportuesit lindi pas paralajmërimeve të Bashkimit Evropian për vendosjen e sistemit EES, me të cilin transportuesit kanë të drejtë qëndrimi prej 90 ditësh brenda një periudhe prej 180 ditësh. Pas presionit të madh nga transportuesit, ku pati edhe bllokime të kufijve, Bashkimi Evropian vendosi t’i njohë ata si profesionistë dhe me këtë të kenë të drejtë të kërkojnë viza afatgjata.

Kurti: Aktgjykimi i Speciales duhet ndryshuar dhe korrigjuar në shkallën e apelit! Udhëheqësit e UÇK-së nuk u dënuan me vullnetin e popullit

By
Desk
-
0

Kryeministri i Kosovës, Albin Kurti tha se shpallja fajtorë dhe dënimi ndaj ish-krerëve të UÇK-së është padrejtësi dhe ndëshkim i madh, që siç tha, ky aktgjykim duhet ndryshuar dhe korrigjuar sa më parë në shkallën e apelit. Kurti tha se dënimi nuk është dhënë me vullnetin e popullit të Kosovës ndërkohë që akuzoi Gjykatën Speciale edhe për gjykim njëetnik dhe mungesë të transparencës.

“Kosova do të vazhdojë të mbështesë Hashim Thaçin, Kadri Veselin, Rexhep Selimin e Jakup Krasniqin në procedurën e apelit, në mbrojtje të plotë, dinjitoze dhe institucionale. Kjo është përgjegjësi ndaj qytetarëve tanë dhe besim në të drejtën për ta kundërshtuar një aktgjykim që ende nuk është përfundimtar. Sot u gjykuan akuza dhe veprime të caktuara; nuk u gjykua dhe nuk mund të dënohet arsyeja pse lindi UÇK-ja e as të njolloset ajo. Sepse kur atdheu nuk duroi më gjakatarë, ai thirri çlirimtarë, dhe emri i tyre ishte Ushtria Çlirimtare e Kosovës”, tha Kurti.

Vazhdon gjykimi për “Onkologjinë”! Eksperti u pyet për kriteret e trajtimit

By
Desk
-
0

Në Gjykatën Penale në Shkup vazhdoi gjykimi për rastin “Onkologjia”, ku të akuzuar janë ish-drejtori i Klinikës së Onkologjisë, Nikolla Vasev, dhe onkologët Simonida Crvenkova e Dragan Jakimovski.
Prokuroria e mori në pyetje ekspertin Vladimir Danillovski për kriteret me të cilat është vlerësuar cilësia dhe efikasiteti i trajtimit të pacientëve.


Ai përmendi mbijetesën totale, mbijetesën pa progres të sëmundjes, përgjigjen e tumorit, sigurinë e terapisë dhe cilësinë e jetës.
Mbrojtja ngriti çështjen e dokumentacionit të dërguar për ekspertizë në Slloveni, ndërsa Prokuroria tha se është dërguar i gjithë dokumentacioni.
Gjykata refuzoi edhe kërkesën për përjashtimin e këshilltarit teknik të Prokurorisë, Milan Risteski.

Gjykata e Hagës dënon të katër ish-krerët e UÇK-së me 81 vite burg

By
Desk
-
0

Katër ish-krerët e UÇK-së janë dënuar me gjithsej 81 vite burg nga Dhomat e Specializuara të Kosovës në Hagë, në përfundim të aktgjykimit të shkallës së parë në çështjen gjyqësore ndaj Hashim Thaçit, Kadri Veselit, Rexhep Selimit dhe Jakup Krasniqit.

Ish-presidenti i Kosovës, Hashim Thaçi, është dënuar me 25 vite burgim, ish-kryetari i Kuvendit, Kadri Veseli, me 18 vite, Rexhep Selimi me 13 vite, ndërsa Jakup Krasniqi me 25 vite burgim.

Trupi gjykues i ka shpallur përgjegjës penalisht për krime lufte, përfshirë vrasje të paligjshme, torturë, trajtim mizor dhe ndalim të paligjshëm ose arbitrar. Në rastin e Thaçit, Dhomat e Specializuara konfirmuan dënimin për katër akuza për krime lufte: vrasje, torturë, trajtim mizor dhe ndalim arbitrar. 

Mexhiti: Jo dënimit të UÇK-së në emrin tonë! Beteja për të vërtetën dhe drejtësinë vazhdon deri në fitore

By
Desk
-
0

Bashkëkryetari i VLEN-it, Izet Mexhiti tha se dënimi ndaj ish-krerëve të UÇK-së është zhgënjyes dhe i padrejtë për popullin e Kosovës dhe të gjithë kombin, që siç tha, UÇK-ja ka bërë luftë të pastër dhe nuk mund të tjetërsohet dhe njolloset me vendime që i shërbejnë padrejtësisë e jo të vërtetës, shkruan TV21.

Mexhiti tha se beteja për historinë e vërtetë dhe për drejtësi meriton dhe duhet të vazhdojë deri në fitoren e saj.

“Vendimi i sotëm i Hagës për krerët e UÇK-së është zhgënjyes dhe thellësisht i padrejtë për popullin e Kosovës dhe gjithë kombin tonë.

Ushtria Çlirimtare e Kosovës ka bërë një luftë të pastër, mbrojtëse dhe të drejtë për liri, pavarësi dhe dinjitet. Historia e lavdishme e popullit tonë nuk mund të tjetërsohet, as të njolloset me vendime që i shërbejnë padrejtësisë e jo të vërtetës.

Beteja për historinë e vërtetë dhe për drejtësi meriton dhe duhet të vazhdojë deri në fitoren e saj.

Jo dënimit të UÇK-së në emrin tonë”, tha Izet Mexhiti.

Kasami: Aktgjykimi i Speciales nuk e ndryshon të vërtetën historike! Historia nuk do të rishkruhet

By
Desk
-
0

Bashkëkryetari i VLEN-it, Bilall Kasami ka shprehur keqardhje për vendimin e Dhomave të Specializuar për dënim ndaj ish-krerëve të UÇK-së duke qe quajtur vendim të rëndë ndaj njerëzve që kanë dhënë kontribut për çlirimin e Kosovës, shkruan TV21. Kasami tha se vendimi i sotëm nuk e ndryshon të vërtetën për luftën e UÇK-së të cilën e quajti pjesën më të lavdishme të historisë kombëtare, ndërkohë që shtoi se pret që vendimi të rrëzohet në shkallën e Apelit.

Kasami tha se historia e Kosovës është histori e një populli që luftoi për liri e cila nuk do të rishkruhet.

“Shpreh keqardhje të thellë për aktgjykimin ndaj Hashim Thaçit, Kadri Veselit, Jakup Krasniqit dhe Rexhep Selimit.

Ky është një vendim i rëndë për katër njerëz që kanë dhënë kontributin e tyre në luftën për çlirimin e Kosovës dhe që sot vazhdojnë të jenë larg familjeve të tyre.

Ky aktgjykim nuk e ndryshon të vërtetën historike për luftën e Ushtrisë Çlirimtare të Kosovës.

Lufta çlirimtare në Kosovë është pjesa më e lavdishme e historisë sonë kombëtare.

Presim që Apeli ta rishqyrtojë dhe ta rrëzojë këtë vendim.

Në këto momente, mendimet e mia janë me familjet e Hashim Thaçit, Kadri Veselit, Jakup Krasniqit dhe Rexhep Selimit, me bashkëluftëtarët e tyre dhe me të gjithë ata që e përjetojnë këtë ditë me dhimbje.

Historia e Kosovës është histori e një populli që luftoi për liri.

Dhe kjo histori nuk rishkruhet”, tha Kasami.

Ahmeti për vendimin e Gjykatës Speciale: I padrejtë dhe zhgënjyes! Beteja vazhdon

By
Desk
-
0

Vendimin e Dhomave të Specializuara për dënim të ish-krerëve të UÇK-së, kreu i BDI-së, Ali Ahmeti e quajti të padrejtë dhe zhgënjyes ndërkohë që bëri thirrje për unitet dhe maturi që siç tha “nuk duhet të biem në asnjë grackë që synon të krijojë tensione, përçarje apo të njollosë luftën çlirimtare të popullit në Kosovë”, shkruan TV21.

Ahmeti tha se beteja vazhdon duke besuar se akuzat me të cilat ngarkohen ish-krerët e UÇK-së do të rrëzohen në Gjykatën e Apelit.

“Aktakuza i ngarkonte Thaçin, Krasniqin, Veselin dhe Selimin me përgjegjësi për një sërë krimesh të pretenduara gjatë viteve 1998-1999. Besojmë se edhe këto akuza do të rrëzohen në procesin e mëtejshëm gjyqësor, ashtu siç nuk u materializuan pretendimet e dikurshme për trafikim organesh.

Procesi nuk përfundon këtu. Besojmë se mbrojtja do ta vazhdojë betejën juridike në Gjykatën e Apelit, duke kundërshtuar gjetjet e shkallës së parë dhe duke kërkuar drejtësi deri në fund.

Lufta e UÇK-së ishte luftë për liri. Historia e Kosovës nuk mund të rishkruhet dhe sakrifica e një populli të tërë nuk mund të vihet në bankën e të akuzuarve.

Me besim në drejtësi, beteja vazhdon në apel”, tha Ali Ahmeti.

Mashtrim me binarë! 283 mijë euro dhe pagesa fiktive

By
Desk
-
0

Policia Financiare ka ngritur kallëzim penal ndaj pesë personave dhe dy kompanive për pastrim parash, mashtrim, falsifikim të librave afaristë dhe shmangie të tatimit. Sipas hetimit, pronari i një kompanie nga Shkupi, D.K., në vitin 2022 ka lidhur kontratë me një kompani sllovene për shitjen e binarëve hekurudhorë, në vlerë prej mbi 21 milionë denarësh.

Ai ka marrë parapagim prej 283 mijë eurosh, por nuk i ka dorëzuar binarët dhe as nuk i ka kthyer paratë. Më pas, rreth 16.7 milionë denarë janë transferuar përmes një fature fiktive për gjoja blerjen e këmbëve të pulës, ndërsa paratë kanë përfunduar në llogarinë e një personi tjetër. Policia dyshon se paratë më pas janë konvertuar në valutë, tërhequr në “cash” dhe përdorur për blerjen e një automjeti. Gjithashtu dyshohet për fshehje të transaksioneve dhe shmangie të tatimit prej rreth 1.9 milionë denarësh

Konjufca: Vendim i padrejtë dhe i pamerituar

By
Desk
-
0

Ministri i Jashtëm i Kosovës, Glauk Konjufca, e ka cilësuar aktgjykimin ndaj katër ish-krerëve të UÇK-së si “të trishtueshëm”.

“Është një vendim vërtet i trishtueshëm, i padrejtë, i pamerituar për katërshen udhëheqëse të UÇK-së”, tha Konjufca pas shpalljes së aktgjykimit në Hagë.

1...789...13,295Page 8 of 13,295