“Jo në emrin tim”, protestë në Shkup! Ahmeti: Populli nuk i dënon çlirimtarët e vet

By
Fazile Halili
-
0

Nën slloganin “Jo në emrin tim”, marsh protestues në sheshin Skënderbeu në Shkup në mbështetje të ish-krerëve të UÇK-së, pas aktgjykimit dënues të Gjykatës Speciale. Përfaqësues të familjarëve të dëshmorëve e cilësuan të padrejtë vendimin e Gjykatës së Hagës ndaj krerëve të UÇK-së.

Ata thane se UÇK-ja luftoi për mbrojtjen e popullit shqiptar në Kosovë dhe se viktima nuk duhet të dënohet, ndërsa agresori të mbetet në hije. Teuta Ajeti Bekteshi ish e burgosur politike deklaroi se është hipokrizi dënimi i çlirimtarëve të Kosovës në emër të popullit.

“Gjykatat eksperimentale të njëanshme që fshehin mohojnë dhe sulmojnë me të gjitha mjetet dhe mënyrat që të zhbëjnë të vërtetën, janë të padrejta”, tha Teuta Ajeti Bekteshi, ish e burgosur politike.

Në përkrahje të marshit protesutues Kryetari i BDI-së, Ali Ahmeti, nga Shkupi tha se shqiptarët nuk mund t’i dënojnë çlirimtarët e tyre. Ahmeti kërkoi angazhim më të madh diplomatik nga Kosova dhe Shqipëria duke paralajmëruar se aktivitetet do të vazhdojnë në Kosovë dhe në hapësirat ku jetojnë shqiptarët në Maqedoninë e Veriut.

“Të gjithë këto marshe që bëhen, bëhen në drejtim të mesazhit për këtë gjykatë, në veçanti për prokurorinë, për një vendim skandaloz dhe terësisht politik”, theksoi Ali Ahmeti.

Rafiz Aliti nga këshilli organizativ i protestës e konsideron gjykimin  e ish krerëve të UÇK-së pa argumente dhe fakte andaj kërkon që kërkesë t’u bëhet edhe eurodeputetëve me qëllim zhbërjen e saj.

“Nuk mjafton vetëm iniciativa e deputetëve dhe institucioneve të shtetit të Kosovës për zhbërjen e gjykatës speciale përmes dhomave të specializuara e njejtja kërkesë duhet të drejtohet edhe eurodeputetëve dhe institucioneve të Bashkimit Evropian në mënyrë që kjo çështje të ngrihet edhe në parlamentin evropian dhe nëpërmjet një inciative të përbashkët për zhbërjen e saj”, tha Rafiz Aliti nga Këshilli Organizativ.

Nga këshilli organizativ i protestës paralajmëruan se pas protestës në Shkup, aktivitetet do të shtrihen në të gjithë vendin, ndërsa u bënë thirrje edhe partive politike t’u bashkohen protestave, duke theksuar se, bëhet fjalë për çështje kombëtare dhe jo politike.

Spitali i ri në Kërçovë ende pa plan konkret, Klekovski: Prioritet është spitali i Strumicës

By
Salije Sadiku
-
0

Prioritet kemi spitalin Klinik të Strumicës, kështu tha Ministri I Shëndetësisë Sasho Klekovski kur u pyet për ndërtimin e spitalit të Kërçovë. Spitali në këtë qytet po ndërtohet që nga vitet e 80 dhe mbeti askund, çdo ministër, çdo qeveri vjen me premtim të ri por pa realizim. Ministri aktual tha se objekti aktual nuk mund të bëhet spital dhe se po punojnë në gjetjen e një lokacioni tjetër, por nuk ka plan as projket ende.

“Një pjesë e ekspsertëve mendojnë se ai objek nuk është i duhur për spital dhe jemi duke parë mundësinë për planin B në hyrje të Kërçovës në vendin e ARM si lokacion I mundur dhe do të jetë si projket I Bankës Botërore dhe Bankës Investuese, megjithatë duhet të them se prioritet kemi spitalin e Strumicës sepse ajo është e ndërtuar si këtu më shumë se gjysma e përfunduar”, tha Klekovski.

Këto komente ministri I bëri gjatë inspektimit të punimeve në spitalin e Kockave në Ohër “Shën Erazmo”. Drejtori I këtij spitali tha se pas 50 vitesh po investohet në pasije dhe infrastrukturë.

“Mburremi që pas 50 vitesh do të jemi në situatë të vendosim standarte të reja, pasije të reja. Bëhet fjalë për një investim jo vetëm në infrastrukturë vetëm objektin por edhe montimi I pasijeve të reja që një pjesë është filluar dhe një pjesë vazhdon”, pohoi Hari Shokaroski,  drejtor i spitalit “Shën Erazmo” në Ohër.

Drejtori tha se për disa muaj ky spital do ti përmbush nevojat e pacientëve të RMV por edhe rajonit me aparatura dhe kushte moderne për funksionim.

Rampa e re nuk punon prej 2 vitesh në Llopat! Treni ndalet për t’u dhënë përparësi automjeteve!

By
Adnan Qaili
-
0

Sa herë që dëgjojnë sirenën e trenit banorët e fshatit Llopat të Kumanovës përjetojnë ankth. Kjo pasi që me vite rruga e vetme që i lidh me qytetin pritet nga hekurudha drejt Bullgarisë dhe nuk funksionon as rampa, as sinjali zanor e as dritat për të treguar që treni është afruar në aks.

 “Banorët e Fshatit Llopat, por edhe kalimtarët e Komunës së Kumanovës dhe të Likovës thonë se ndihen të rrezikuar çdo ditë gjatë kalimit të hekurudhës, pasi që rampat dhe sinjalistika nuk funksionon tani e më shumë se dy vite”, raporton Adi Qaili, gazetar i TV21.

Në këtë rrugë regjionale Kumanovë-Gjilan, e cila kryqëzohet me hekurudhën e Korridorit 8, në ditë qarkullojnë mbi 20 mijë banorë, ndërkomunal dhe ndërshtetërorë, tha arsimtari i fshatit.

 “Mos funksionimi i rampës gjatë kalimit paraqet pengesë, gjegjësisht paraqet rrezik jete të të gjithë qytetarëve, e sidomos të nxënësve të këtij vendbanimi që përcjellin kurse në qytet dhe janë në udhëtim, por edhe nxënësit e shkollave të mesme që poashtu mësojnë në Kumanovë që çdo orë qarkullon autobusi dhe me të vërtetë është një shqetësim i madh për banorët që me vite të tëra nuk funksionon rampa gjatë qarkullimit të automjeteve”, theksoi Ramadan Aliu, banor dhe arsimtar i fshatit .

Kryetari i fshatit tha se jo vetëm Llopat me 750 shtëpi me rreth 3,000 banorë, por po rrezikohen të gjithë. Ai iu bëri thirrje autoriteteve që të ndërmarrin masa sa nuk ka ndodh ndonjë tragjedi.

 “Shumë më herët ka pasur probleme, ata kinse ndërmorrën diçka e punuan për ta kryer dhe siç kemi qenë në bisedime me ata, na njoftuan se prej Kroacisë do të sjellin pajisjent që të mos përsëriten problemet që rampat të dalin prej sistemit. E vërtetë është se kanë punuar gjatë kohë dhe i rregulluan, i provuan dhe funksionuan, mirëpo këto tre muajt e fundit sërisht i njejti problem po paraqitet”, deklaroi Bejtullah Tefiku, Kryetar i fshatit Llopat.

Nga Ndërmarrja Publike “Hekurudhat e Maqedonisë – Infrastruktura” thonë se duhet të bëhet një sinkronizim dixhital i sinjalistikës rrugore me trenat që kalojnë, problem i cili nuk është vetëm në Llopat. Ata thonë se sipas protokollit hekurudhorë, gjatë kalimit në rrugëve treni lëshon sirenën dhe e ulë shpejtësinë pothuajse në zero për të evituar çdo aksident në trafik.

 “Në aksin hekurudhorë nga Shkupi për Beljakovce ku ndër të tjerash graviton edhe fshati Llopat, pas restaurimit të disa pikë ndalesave dhe kryqëzimeve me rrugët janë vendosur rampat e reja dhe sinjalistika përkatëse, por që akoma nuk janë vënë në funksion në pritje të një konfigurimi softuerik, problem i cili është në të gjitha pikat e këtij aksi hekurudhorë”, thonë nga N.P “Hekurudhat e Maqedonisë – Infrastruktura” .

Banorët kërkojnë që të bëhet një mbikalim për automjetet që kalojnë hekurudhën, sikurse në fshatin ngjitur të Rezahnovces, ashtu siç u kanë premtuar autortet. Por thonë se atë plan e kanë mënjanuar dhe përkohësisht janë vënë këto rampa. Ata thonë se takimin e fundit e kishin para 3 viteve kur patën filluar punimet në këtë aks, ku kanë kërkuar edhe një devijim të rrugës jashtë fshatit për mbikalim, pasi që kjo rrugë lidhet me pikën kufitare Bellanocë-Stançiq të Kosovës.

GDI – ja ka dhënë një forcë shtytëse per zhvillimin global

By
Desk
-
0

Zv.presidenti kinez Han Zheng tha se, si një promovuese e vendosur dhe protagoniste pragmatike për zhvillimin global, Kina është e gatshme të punojë me të gjitha palët për të mbështetur multilateralizmin e vërtetë, për të çuar përpara së bashku Nismën e Zhvillimit Global (GDI) dhe për t’u ofruar përfitime zhvillimi popujve të vendeve të ndryshme.

Han i bëri këto komente gjatë fjalimit në Dialogun e Nivelit të Lartë për Pesëvjetorin e Nismës së Zhvillimit Global, të organizuar nga Kina në selinë e Kombeve të Bashkuara.

Duke vënë në dukje se Xi e propozoi GDI-në në sesionin e 76-të të Asamblesë së Përgjithshme të Kombeve të Bashkuara në shtator 2021, Han tha se gjatë pesë viteve të fundit, me angazhimin personal të presidentit kinez dhe përpjekjet e përbashkëta të të gjitha palëve, GDI-ja ka evoluar nga një propozim dhe koncept kinez në një përpjekje të përbashkët ndërkombëtare.

Ai tha se GDI-ja ka forcuar konsensusin ndërkombëtar mbi dhënien përparësi zhvillimit, ka çuar përpara bashkëpunimin në fushën e zhvillimit me leverdi të ndërsjellë, u është përgjigjur nevojave të zhvillimit të vendeve në Jugun Global dhe i ka shndërruar planet e zhvillimit në bashkëpunim konkret, i cili ka kontribuar me zgjidhjet dhe forcën e Kinës në realizimin e Agjendës 2030 të Kombeve të Bashkuara për Zhvillim të Qëndrueshëm.

Zv.presidenti kinez theksoi që zhvillimi global aktualisht po përballet me sfida serioze, me zbatimin e Agjendës për Zhvillim të Qëndrueshëm 2030 të OKB-së që është dukshëm prapa afatit.

Për këtë, Han paraqiti katër propozime:

Së pari, forcimi i solidaritetit dhe bashkëpunimit dhe bërja e çdo përpjekjeje për të zbatuar Objektivat e Zhvillimit të Qëndrueshëm.

Së dyti, ruajtja e një qasjeje të orientuar drejt veprimit dhe ndjekja aktive e zhvillimit që u sjell dobi njerëzve.

Së treti, zgjerimi i prioriteteve të bashkëpunimit dhe përshpejtimi i zhvillimit që mbështet fuqizimin.

Së katërti, forcimi i partneriteteve dhe promovimi efektiv i zhvillimit të integruar.

Kina do të vazhdojë të luajë plotësisht rolin e saj si një vend i madh i përgjegjshëm. të punojë së bashku me të gjitha vendet dhe ta marrë përvjetorin e pestë të GDI-së si një pikënisje të re për të forcuar bashkëpunimin ndërkombëtar të zhvillimit dhe për të promovuar një zhvillim global më të fortë, më të gjelbër dhe më të shëndetshëm, duke dhënë kontribute të reja dhe më të mëdha në ndërtimin e një komuniteti me të ardhme të përbashkët për njerëzimin, vuri në dukje Han.

Zyrtarë të nivelit ministror nga më shumë se 30 vende morën pjesë në takim. Më shumë se 300 përfaqësues nga mbi 60 vende dhe mbi 20 organizata ndërkombëtare ishin të pranishëm.

Ata vlerësuan lart rolin e rëndësishëm të luajtur nga GDI-ja gjatë pesë viteve të fundit në mbështetjen e zhvillimit të qëndrueshëm në mbarë botën dhe në avancimin e zbatimit të Agjendës 2030.

GDI-ja ka dhënë një shtysë të fortë për zhvillimin global dhe ka sjellë rezultate të prekshme në fusha duke përfshirë uljen e varfërisë, sigurimin ushqimor, zhvillimin e gjelbër dhe industrializimin, thanë ata, duke shtuar se nisma u ka sjellë dobi vendeve në zhvillim dhe ka dhënë kontribute të rëndësishme për ndërtimin e konsensusit mbi zhvillimin dhe thellimin e bashkëpunimit ndërkombëtar.

Ata shprehën gatishmërinë e tyre për të vazhduar mbështetjen e fortë për GDI-në, për të forcuar solidaritetin dhe bashkëpunimin, dhe për të bashkuar forcat për të krijuar një të ardhme më përfshirëse, të qëndrueshme dhe elastike.

Tërmet me magnitudë 3.3 ballë në zonën e Prespës, u ndje në Manastir dhe rrethinë

By
Desk
-
0

Një tërmet me magnitudë lokale 3.3 ballë sipas shkallës Rihter është ndjerë sot në orën 14:04 në pjesën jugperëndimore të vendit, njoftoi Observatori Sizmologjik pranë Fakultetit të Shkencave Matematiko-Natyrore në Shkup, përcjell TV21. Sipas të dhënave të Observatorit, epiqendra e tërmetit ishte në zonën epiqendrore të Prespës, rreth 127 kilometra në jugperëndim të Shkupit.

“ Tërmeti është ndjerë në pjesët jugperëndimore të Republikës, nga banorët e qytetit të Manastirit dhe rrethinës, me intensitet prej III-IV shkallësh sipas Shkallës Makrosizmike Evropiane”, thuhet në njoftim.

Novosella e Bogovinës drejt zbrazjes! Mungesa e investimeve dhe rrugët e shkatërruara po i largojnë banorët

By
Senat Zylbehari
-
0

Mungesa e investimeve dhe rrugët e shkatërruara po i largojnë banorët nga Novosella e Komunës së Bogovinës. Nga rreth 290 shtëpi sa kishin dikur, sot në fshat jetojnë vetëm rreth 100 familje. Rruga e ngushtë, e dëmtuar dhe pa mbrojtëse anësore nga magjistralja e deri në fshat, sipas kryetarit të Bashkësisë Lokale, Rizvan Islami, po thellon migrimin.

 “Vite me radhë, jo tash, na është premtuar se do rregullohet rruga prej Bogovinës deri në Novosellë, mirëpo ja edhe ju, siç e keni parë, se as asgjë nuk ka lëvizur, edhe megjithëse 4 vite më përpara na është premtuar, bile edhe janë, po ku nuk e dimë, shtyllat për mbrojtëse, sepse vetë qytetarët e Novosellës kanë qenë në aeroportin e Shkupit dhe i kanë marrë mbrojtëset që i shihni këtu dhe i kemi vendosur, kemi sjellë edhe 2400 metra të tjera, mirëpo për shkak se mungonin shtyllat të mbrohen vendet ku ishte më rrezik, sepse shpesh në këtë rrugë kanë ndodhur incidente të tilla për shkak të ngushtësisë dhe rrugës së shkatërruar”, tha Rizvan Islami – kryetar i Bashkësisë Lokale.

Situata bëhet alarmante gjatë dimrit nga të reshurat e borës dhe ngricat. Për shkak të terrenit të ashpër, banorët shpesh detyrohen të paguajnë shuma të larta për transport me automjete xhip për raste urgjente drejt qytetit, ndërsa problem shtesë përbëjnë edhe rrëshqitjet e dheut nga hapja e rrugëve për shtëpitë e pushimit.

 “Rruga shumë rrezik. Rrëshqet dimrit. Thonë që e pastrojnë, por ndonjëherë nuk e pastrojnë. Shumë rrezik është. Apelojmë që të vendosen mbrojtëset.”

Nga Komuna e Bogovinës thonë se kanë ndërmarrë masa për pastrimin e deponive dhe zgjerimin e trasesë në disa pjesë, ndërsa ndërhyrja në rrugë do të nisë vitin e ardhshëm.

KOMUNA E BOGOVINËS:

“Pritet që vitin e ardhshëm të fillojë rikonstruktimi i kilometrit të parë të kësaj rruge! Ndërkohë disa aktivitete për zgjerimin e trasesë dhe pastrimin nga deponitë e egra janë ndërmarrë gjatë këtij viti.”

Me afrimin e stinës së dimrit, banorët e Novosellës kërkojnë nga komuna që të paktën të sigurojë urgjentisht shtyllat për mbrojtëset anësore që i kanë siguruar vetë, në mënyrë që të shmangen aksidentet me pasojë për jetën.

Kina dominon tregun e veturave elektrike në Kosovë! 780 vetura elektrike u importuan në Kosovë, 665 nga Kina

By
Desk
-
0

Importi i veturave elektrike në Kosovë është rritur ndjeshëm gjatë viteve të fundit, ndërsa Kina është bërë burimi kryesor i tyre, shkruan Radio Evropa e Lirë. Sipas të dhënave të Doganës së Kosovës, nga janari deri në gusht të vitit 2026 janë importuar 780 vetura elektrike, prej të cilave 665 kanë ardhur nga Kina. Në vitin 2022, nga Kina ishin importuar vetëm 13 vetura elektrike.

Në të njëjtën periudhë, Gjermania ka humbur primatin. Në vitin 2022, nga Gjermania ishin importuar 49 vetura elektrike, duke qenë burimi kryesor i këtij lloji automjetesh.

Edhe vlera e importeve është rritur. Në tetë muajt e parë të vitit 2026, veturat elektrike të importuara kanë pasur vlerë prej më shumë se 11.5 milionë euro, rreth 500 mijë euro më shumë se gjatë gjithë vitit 2025. Krahasuar me vitin 2022, vlera e importeve është më shumë se dyfishuar.

Ndryshim ka pasur edhe në raportin mes veturave të reja dhe të përdorura. Në vitin 2022 u importuan 145 vetura elektrike të reja dhe vetëm 20 të përdorura, ndërsa në vitet e fundit kërkesa për vetura të përdorura është rritur dhe ato kanë tejkaluar të rejat.

Sipas bizneseve që merren me shitjen dhe përdorimin e veturave elektrike, interesimi i qytetarëve lidhet kryesisht me koston më të ulët të përdorimit dhe mirëmbajtjes. Modelet kineze, veçanërisht ato të prodhuesit BYD, po kërkohen gjithnjë e më shumë.

Megjithatë, veturat elektrike ende përbëjnë një pjesë të vogël të tregut. Nga janari deri në gusht të vitit 2026, në Kosovë janë importuar mbi 25 mijë vetura gjithsej, me vlerë mbi 309 milionë euro. Veturat elektrike përbëjnë vetëm 780 prej tyre, me vlerë rreth 11.5 milionë euro.

Aktualisht, veturat elektrike nuk kanë trajtim të veçantë në import. Për to paguhet 10 për qind taksë doganore dhe 18 për qind TVSH, ndërsa për veturat e përdorura aplikohet edhe akciza, nga 400 deri në 700 euro, varësisht nga vjetërsia.

Për 780 veturat elektrike të importuara në tetë muajt e parë të vitit janë paguar rreth 1.2 milionë euro taksa doganore.

Oda Ekonomike e Kosovës ka kërkuar heqjen e taksës doganore për veturat elektrike dhe uljen e TVSH-së nga 18 në 8 për qind, me arsyetimin se këto masa do të nxisnin përdorimin e automjeteve elektrike.

Strategjia e Energjisë 2022–2031 parasheh që deri në vitin 2031 në Kosovë të ketë rreth 15 mijë vetura elektrike.

Ndërkohë, kryeministri Albin Kurti ka paralajmëruar heqjen e taksës doganore prej 10 për qind për veturat e importuara nga Bashkimi Evropian, nëse plotësohen kushtet përkatëse të origjinës.

Pavarësisht rritjes së shpejtë, veturat elektrike ende mbeten një pjesë e vogël e tregut kosovar të automjeteve.

Rama: Vlora Hyseni ka hyrë në një borxh të madh moral me këtë vend

By
Desk
-
0

Kryeministri i Shqipërisë, Edi Rama reagoi ndaj kërkesave të opozitës për të dhënë shpjegime mbi emërimin e Vlora Hysenit në krye të Shërbimit të Inteligjencës Shqiptare. Rama tha në një mesazh nga aeroporti “Nënë Tereza” se emërimi i Hysenit në drejtimin e Shërbimit Informativ të Shtetit ishte bërë edhe në bazë të vlerësimeve dhe referencave që, sipas tij, ajo kishte marrë nga partnerët ndërkombëtarë.

“Hetimi dhe gjykimi i Vlora Hysenit janë detyrë ekskluzive e drejtësisë, ndërsa mbrojtja e SHISH është detyrë e shtetit”, u shpreh Rama, duke shtuar se Këshilli i Sigurisë Kombëtare është institucioni ku duhet të diskutohen raste kur drejtuesit apo anëtarët e institucioneve të sigurisë bëhen subjekt hetimi.

Rama tha se e kishte vlerësuar punën e Hysenit dhe se ajo fillimisht kishte punuar pranë tij si këshilltare për sigurinë. Sipas kryeministrit, më pas ajo u emërua në krye të SHISH, bazuar në referencat që ai i cilësoi si “të shkëlqyera” nga partnerët ndërkombëtarë.

“Vlora Hyseni ka hyrë në një borxh të madh moral me këtë vend”, deklaroi Rama.

Kryeministri Edi Rama deklaroi se hetimi dhe gjykimi i Vlora Hysenit i takojnë ekskluzivisht drejtësisë, ndërsa mbrojtja e SHISH nga çdo pasojë e mundshme është përgjegjësi e shtetit. Në një mesazh nga Rinasi, Rama kërkoi që çështja të trajtohet në Këshillin e Sigurisë Kombëtare, të thirrur nga Presidenti.

“Hetimi dhe gjykimi i Vlora Hysenit është detyrë ekskluzive e drejtësisë, kjo nuk ka diskutim. Mbrojtja e SHISH nga çdo dëm kolateral të mundshëm është detyrë e gjithë shtetit”, u shpreh Rama.

Rama theksoi se ndarja e pushteteve nuk duhet të nënkuptojë ndarje nga përgjegjësia shtetërore, duke e cilësuar Këshillin e Sigurisë si forum për diskutimin e garancive që duhet të mbrojnë institucionet.

“Ka ardhur koha ta trajtojmë bashkërisht dhe seriozisht. Këshilli i Sigurisë, thirrur njëherësh nga Presidenti, është vendi i duhur për të reflektuar dhe diskutuar mbi garancitë që duhet t’i mbrojnë institucionet tona, kur drejtuesit apo punonjësit rrëshqasin nga binarët dhe bëhen subjekt i një hetimi penal”, deklaroi Rama.

Rama e cilësoi ekstreme masën e marrë nga SPAK ndaj kreu të SHISH.

“Sapo jam kthyer nga New York ku siç e dini përfaqësova Shqipërinë në OKB. Vendosa të drejtohem menjëherë nga aeroporti ‘Nënë Tereza’. Zhvillimet e fundit, pas vendosjes së masës të arrestit shtëpie për ish-drejtuesen e SHISH, kërkojnë adresim të menjëhershëm dhe të drejtpërdrejtë. Ishte pa diskutim një masë ekstreme po të mbajmë parasysh se bëhet fjalë për ekspozimin e një institucioni të veçantë. Unë s’kam të drejtën të ndërhyj në përmbajtjen e dosjes dhe çfarë e ka çuar gjykatën ta bëjë. S’e kam bërë më parë dhe as nuk do ta bëj. Çdo dyshim duhet të hetohet deri në fund. Çdo akuzë duhet të rrëzohet ose të provohet përmes një procesi të paanshëm. ur puna sjell që hetimi të zgjidhet deri te kreu, nuk është problemi i një shteti të pavarur, por i krejt shtetit.  I ka lënë pa fjalë partnerët tanë”, tha Rama.

Mesazhi i kryeministrit vjen pas hetimeve të SPAK për drejtoreshën e shkarkuar të Shërbimit Informativ Shtetëror, Vlora Hyseni, e cila dyshohet se i ka dorëzuar informacione sekrete biznesmenit Ergys Agasi.

Evakuim dhe alarm në Britani, arrestime pranë bazës ajrore britanike të përdorur nga SHBA-ja në luftën me Iranin

By
Desk
-
0

Policia britanike ka arrestuar disa persona nën dyshimin për vepra penale që lidhen me eksplozivë afër një baze ajrore që përdoret nga forcat e Shteteve të Bashkuara, duke nxitur evakuimin e banorëve që jetojnë në afërsi.

Policia e shpalli si “incident të madh” më 27 shtator këtë ngjarje afër bazës RAF Fairford në Gloucestershire, në perëndim të Anglisë, dhe tha se ekspertët ushtarakë të bombave po hetojnë disa makina.

Baza ajrore RAF Fairford përore nga Forcat Ajrore të SHBA-së dhe është përdorur për operacione ushtarake amerikane kundër Iranit.

Disa banorë në një fshat aty pranë u evakuuan dhe ata u dërguan në një qendër lokale rekreative, tha policia.

Policë të armatosur u panë duke bllokuar hyrjen në portën kryesore të bazës, sipas Reuters.

Në mars, Britania i dha Shteteve të Bashkuara leje për të përdorur RAF Fairford dhe një bazë tjetër britanike lidhur me ato që Qeveria e përshkroi si veprime specifike dhe të kufizuara mbrojtëse kundër objekteve iraniane të raketave. Leja më vonë u zgjerua edhe për objektet dhe kapacitetet raketore që kërcënojnë transportin detar në Ngushticën e Hormuzit.

Trupat e Gardës Revolucionare Islamike të Iranit paralajmëruan në korrik se çdo bazë e përdorur për sulme kundër Iranit do të konsiderohej objektiv legjitim, sipas agjencisë Reuters.

Nuk pati menjëherë ndonjë tregues se arrestimet ishin të lidhura me Iranin ose me ndonjë qeveri të huaj.

Nuk ka pasur ndonjë tregues të menjëhershëm se arrestimet janë të lidhura me Iranin ose me ndonjë qeveri të huaj.

Forcat Ajrore të SHBA-së thanë se janë vigjilente dhe do të marrin masat e duhura për të mbrojtur personelin amerikan, civilët, kontraktorët dhe familjet e tyre, raportoi Reuters.

Autoritetet britanike kanë paralajmëruar po ashtu muajt e fundit për kërcënimin e aktiviteteve armiqësore dhe të sabotimit të mundshëm nga aktorë shtetërorë, përfshirë Rusinë. Qeveria britanike ka thënë se nuk komenton për kërcënime specifike të inteligjencës apo të sigurisë.

Policia britanike tha se beson se incidenti është nën kontroll.

Muzika xhaz kineze vibroi energjike në Tiranë

By
Desk
-
0

Muzika xhaz kineze mbushi me energji sallën e koncerteve “Tonin Harapi”, në Tiranë, në një mbrëmje të veçantë muzikore.

Grupi “Xu Quintet” solli një eksperiencë unike, ku tradita e pasur e muzikës kineze u ndërthur me energjinë, ritmet dhe improvizimin e xhazit bashkëkohor.

Grupi, i formuar nga vëllezërit binjakë Zhihan Xu dhe Zhitong Xu, bashkoi muzikantë dhe kompozitorë të njohur të skenës së xhazit kinez dhe ndërkombëtar, me një përvojë të gjerë artistike dhe akademike në skena europiane dhe aziatike.

Ambasadorja e Kinës në Shqipëri Pang Chunxue me grupin kinez Xu Quintet, në koncertin e xhazit në Tiranë/Foto nga CMG)

Kjo mbrëmje zbuloi një tjetër dimension të kulturës bashkëkohore kineze përmes muzikës dhe përcolli takimin mes dy traditave të ndryshme, të bashkuara nga gjuha universale e xhazit.

Të pranishëm në këtë event ishin edhe ambasadorja e Kinës në Shqipëri, Pang Chunxue, si dhe muzikantë shqiptarë dhe artdashës të xhazit.

Ky koncert ishte pjesë e Festivalit Ndërkombëtar të Xhazit, që solli në Tiranë performues edhe nga Spanja, Austria, Italia, Greqia dhe Maqedonia e Veriut.

1...262728...13,350Page 27 of 13,350