Procesi i reformimit të administratës publike që ka filluar vite më parë në vend duhet të përfundojë deri në fund të muajit maj. Kështu ka deklaruar sot Kryeministri Isa Mustafa, gjatë takimit të Këshillit Ndërministror për Reformën e Administratës Publike.

“Dua të them se ne domosdoshmërish duhet ta bëjmë këtë proces, duhet ta përfundojmë procesin në të gjitha dimensione e tij, unë kam parë punët që janë bërë në zyrën e kryeministrit ato të cilat kanë mbetur për t’u bërë. Dëshiroj të kem informata edhe prej ministrive të tjera për të parë se ku janë me detyrimet e tyre dhe me përmbushjen e obligimeve të tyre dhe të bëjmë një agjendë të cilën ne dëshirojmë ta përmbyllim deri në fund të muajit maj dhe jo më tutje, sepse periudha tjetër mbetet periudhë e bashkërendimit dhe korrigjimeve të nevojshëm të cilat duhet t’i bëjmë me Bashkimin Evropian“, theksoi Mustafa.

Mustafa përmendi edhe sistemin e pagave për të cilat tha se duhet të jenë të barasvlershme me punën që bëhet, dhe që në këtë kuadër të ketë edhe vlerësim të punës që bën çdo njeri i përfshirë në administratën publike.

I pranishëm në takim ishte edhe ministri i Administratës Publike dhe Pushtetit Lokal, Mahir Jagxhillar , i cili tha se reforma është një prej çështjeve kryesore dhe kërkesë nga Bashkimi Evropian në procesin e marrëveshjes së stabilizim asociimit, për çka edhe sot dhe që nga janari janë organizuar grupe punese për të kryer sa më shpejt këtë proces të nisur kohë më parë.

Ndryshe reforma në administratën publike ka filluar qysh pas pavarësimit të vendit, dhe vazhdon të ketë ngecje në realizimin e këtij procesi./21MEDIA/

Nga studime të ndryshme që janë bërë thuhet se nikotina e shton konsumimin e alkoolit në shifra shqetësuese

Studimi amerikan hulumton bazat nervore të perdoruesve te duhanit në zhvillimin e varësisë ndaj alkoolit.

Puro dhe uiski. Kombinimi i alkoolit dhe duhanit në traditën e kinematografisë, edhe pse e ndaluar tani, mbetet me mendimet e të gjithëve.

Sipas studimit te fundit amerikan përdoruesit e duhanit kanë 10 herë me shumë mundësi të jenë më tepër përdorues të alkoolit sesa ata të cilët nuk tymosin.

Kjo vjen pasi substancat e nikotinës cojnë në sistemin nervor nevojshmerinë për ta shoqëruar atë me alkool.

Një pikë e ndan Juventusin nga titulli i kampionit në Seria A.

Juve mbrëmë mundi Fiorentinën, me rezultat 3-2, dhe tashmë “Zonja e Vjetër” është farë pran titullit të kamponit.

Trajneri i Juvës, Massimiliano Allegri pas ndeshjes tha se është i kënaqur me paraqitjen e skuadrës së tij.

“Është edhe një pikë, por mund të jetë e mjaftueshme nëse Lazio nuk do ta fitojë çdo ndeshje”, tha Allegri.

“Djemtë ishin të mirë. Ne jemi në gjysmëfinale të Championsit dhe është normale për të ruajtur pak energji”, theksoi tekniku italian.

Komuna e Mitrovicës, nënshkroi sot Marrëveshje Bashkëpunimi me OJQ-në “Community Building Mitrovica – CBM” lidhur me “Projektin për mjedisin përkrahës afarist për bizneset e femrave në Mitrovicën e Veriut dhe Jugut”, që përfshin përkrahjen e 100 grave në biznes, 30 nga të cilat do të përfitojnë grande, ndërkaq të tjerat do të jenë pjesë e trajnimeve dhe konsulencës për zhvillimin e bizneseve të tyre.

Drejtoresha e CBM-së, Afërdita Sylaj, tha se përveç bashkëpunimit në implementim e projektit në fjalë, shpreson se bashkëpunimi i tyre do të vazhdojë edhe më tutje në ato fusha ku mund të japin kontribut. / 21MEDIA

Projekti për të përkthyer më shumë letërsi dhe autorë të rëndësishëm nga Republika Popullore e Kinës në gjuhën shqipe dhe po ashtu autorë dhe tituj nga letërsia shqipe në gjuhën kineze, tashmë po bëhet realitet

U nënshkrua një marrëveshje bashkëpunimi për përkthimin dhe botimin e letërsisë, midis zëvendësministrit Song Mingchang dhe Petrit Ymerit, kryetar i Shoqatës së Botuesve Shqiptarë. Në këtë marrëveshje parashikohet që brenda 5 vjetëve të përkthehen dhe të botohen jo më pak se 50 tituj (25 për secilën gjuhë) nga autorë të njohur dhe vepra të shquara të letërsisë së dy vendeve.

Kjo falë një bashkëpunimi midis Shoqatës së Botuesve Shqiptarë dhe Administratës Shtetërore të Shtypit, Botimit, Radios, Filmit dhe Televizionit të Republikës Popullore të Kinës (State Administration of Press, Publication, Radio, Film and Television of the People’s Republic of China).

Për këtë, të dyja palët kanë ngritur grupe specialistësh për përzgjedhjen e titujve dhe autorëve dhe shumë shpejt do të fillojë puna konkrete për realizimin e këtij projekti shumë të rëndësishëm. Të hënën paradite u zhvillua takimi i parë zyrtar midis Shoqatës së Botuesve Shqiptarë dhe Administratës Shtetërore të Shtypit, Botimit, Radios, Filmit dhe Televizionit të Republikës Popullore të Kinës, ku ishte e pranishme edhe ambasadorja e Republikës së Kinës në Shqipëri, znj. Jiang Yu dhe një grup specialistësh kinezë dhe shqiptarë.

Më kërkesë për pagesën e 0.5% për përvojën të punës, përfaqësuesit e Sindikatave të Administratës Publike, thirren në një takim ministrin e Administratës Publike, Yagcilar.

Ministri Yagcilar, i vlerësoi të ligjshme dhe të drejta  e Sindikatës, dhe më këtë rast premtoi angazhim maksimal të tij në cilësinë e ministrit të Ministrisë së Administratës Publike në zbatim të ligjit.

Ministri Yagcilar njoftoi përfaqësuesit e SPAK- ut për vullnetin e Kryeministrit në realizimin e kësaj të drejte , njëkohësisht shprehu gatishmërinë të mbështes këtë kërkesë, thuhet në komunikatë.

Sipas thuhet lajmërimin për media, Ministri  njoftoi të pranishmit se në takim të përbashkët me Kryeministrin dhe përfaqësuesit e SPAK- ut do të shihen modalitetet e realizimit të kësaj të drejtë./ 21MEDIA

Forumi Rinor i Shoqatës së të Verbërve të Kosovës, përmes një njoftimi për media, ka paralajmëruar se nesër më 1 maj do të mbahet një protestë.

Qëllimi i kësaj proteste  është se të rinjët e komunitetit të të verbërve në Kosovë shprehin pakënaqësinë e tyre në lidhje me mosrespektimin e të drejtave të tyre për punësim.

Kjo protestë do të fillojë në ora 10:00 pranë Bibliotekës Kombëtare, më pas do të vazhdojë drejtë Komunës, Ministrisë së Punës dhe Mirëqenies Sociale dhe do të përfundojë para ndërteses së Qeverisë së Kosoves./21MEDIA

Njësitë e Gardës Kombëtare të shtetit amerikan në Karolina Veriore do të përbëjnë forcën prej rreth 300 ushtarë. Kjo e paraqet forcën kryesore të rotacionit të ardhshëm amerikan në kuadër të forcës së NATO-s në Kosovë.

Ky numër ushtarësh do të kontribuojnë për një ambient të sigurtë dhe për rendin publik, për zhvillimin e një Kosove demokratike, stabile, shumetnike dhe paqësore, si dhe zhvillimin e Forcës së Sigurisë së Kosovës.

Pastaj ushtarët do të vazhdojnë trajnimin në bazën ushtarake ‘Fort Bliss’, në Teksas, dhe më pas në Gjermani, para se të vijnë në Kosovë pas dy muajsh.

Gjatë qëndrimit nëntëmujor në Kosovë, ushtarët nga kjo njësi do të përbëjnë njërën nga dy të ashuquajturat grupe të betejës në kuadër të forcës paqeruajtëse të NATO-s.

Kur është fjala tek ndihma për Forcën e Sigurisë së Kosovës, është Garda Kombëtare e Iowa-s që ka zhvilluar një marrëdhënie të fortë në kuadër të një partneriteti që është jetëgjatë me Kosovën. Partneriteti Iowa-Kosovë është një nga 22 partneritet evropiane që përbëjnë Programin e Partneritetit të shteteve në kuadër të Komandës Ushtarake Evropiane të SHBA.

Partneriteti midis Kosovës dhe Iowa-s u krijua më 11 mars të vitit 2011 me qëllim afatgjatë të zhvillimit të Forcës së Sigurisë së Kosovës si dhe nxitjen e interesave reciprokisht të dobishme në të gjitha nivelet e shoqërisë.

Presidenti i Çekisë, Milos Zeman ka thënë se, për dallim nga shteti në krye të të cilit gjendet, personalisht nuk e njeh pavarësinë e Kosovës dhe prandaj nuk po dërgon ambasador në Prishtinë.

Në një intervistë të dhënë për gazetën “Novosti” të Beogradit, pas përjkutimit që i është bërë se ai, “është i njohur qëndrimi i tij se Kosovën e drejton një regjim mafioz që financohet nga tregtia me narkotikë”, Zeman është përgjigjur: “shumë herë publikisht kam thënë se Hashim Thaçi është kriminel lufte”.

I pyetur se a zhvillon Bashkimi Evropian politikë parimore ndaj Serbisë, Zeman thotë se “Gjithçka varet nga ajo se ç’do të merren vesh Serbia dhe Kosova, pasi do përzierje nga cilado anë mund të jetë kundërproduktive dhe e gabueshme”.

Ndërkohë ai thekson se njohja e pavarësisë së Kosovës nuk është kusht për pranimin e Serbisë në BE, pasi dhe anëtaret e tjera të BE-së, Sllovakia, Spanja, Greqia, Rumania dhe Qiproja nuk e njohin Kosovën.

Presidenti çek, deklaron se precedenti kosovar “ka hapur kutinë e Pandorës dhe ka nisur një proces të rrezikshëm të ridefinimit të kufijve dhe ndryshimit të integritetit territorial anembanë botës”.

Në mesin e sportistëve që do të përfaqësojnë vendin tonë në Lojërat Olimpike “Baku 2015”, pritet të jenë të paktën edhe dy atletë.

Kryetari i Federatës së Atletikës së Kosovës (FAK), Halil Sylejmani është i bindur se Kosova do të përfaqësohet të paktën më dy atletë, edhe pse FAK akoma është duke pritur vendimin e Federatës Ndërkombëtare të Atletikës, për pjesëmarrjen e atletëve tonë.

FAK pak ditë më parë është pranuar në Federatën Ndërkombëtare, por pranimi më drejta të plota pritet të zyrtarizohet në mbledhjen e radhës.

Sylejmani thotë se Kosova ka pesë atletë që mund ta përfaqësojnë denjësisht vendin tonë në Lojërat Olimpike, por dëshira e tij është që në “Baku 2015”, Kosova të prezantohet të paktën më katër garues. “Lojërat në Baku te Azerbajxhanit, unë mendoj se kemi pasur një pengese, por pritet nga IAT që ta abstorbojë atë dhe besoj se do të marrim pjesë, por meqë ende nuk e kemi të konfirmuar nuk mund të them asgjë, sepse gjithçka po ndodh edhe në Kosovë edhe në botë. I kemi pesë atletë, por fortë të mirë i kemi dy, Musa Hajdarin Diana Kryeziun, kemi edhe Astrit Kryezin, kemi edhe të tjetër, por unë mendoj se më këta dy atletë, edhe pse kemi kërkuar që se pak të shkojmë më katër atletë, do të na zbardhin fytyrën, sepse janë të përgatitur dhe do të përgatiten edhe pak kohë që ka mbetur, por na mungon vetëm konfirmimi”, ka thënë Sylejmani.

Ai mendon se pranimi i FAK më drejta të plota ka hapur një derë për atletët tonë. I pari i FAK është i bindur se garuesit tonë do të arrijnë rezultate të mira, dhe sipas tij, do të ketë garues që do të kualifikohen për Lojërat Olimpike “Rio2016”. “99 përqind do të marrim pjesë në Rio. Në Baku kur ka qenë afati i paraparë për tu përgatitur, ne nuk kemi qenë të pranuar në IAT dhe kjo ka ndikuar, sepse pa problem kishim marrë pjesë në Baku, por në Rio besoj se do të marrim pjesë më 2 ose tre atletë. Federata e Atletikë e Kosovës do të prezantohet denjësisht që në fillim si forcë atletikë në regjion dhe më gjerë”, ka theksuar Sylejmani.

Ai është i bindur se Kosova ka atletë që mund të shkëlqejë në garat ndërkombëtare.