Se banorët e Drenasit po rrezikohen nga kanceri i cili po vjen nga tymi i Fabrikës së Ferronikelit, e mohon Ministria e Mjedisit dhe Planifikimit Hapësinorë, duke arsyetuar se matjet në cilësinë e pluhurit në territorin e Kosovës kanë rezultuar të jenë më të ulëtat në Drenas. Ministria e Mjedisit thotë se Fabrika e Ferronikelit është problemi më i vogël i ndotjes së ajrit që ekziston në Kosovë.

Sipas tyre ndotësit më të mëdhenj në Kosovë janë Trepça dhe KEK-u , kurse për to nuk bëhen publikime.

Kryeshefi i Agjencisë për Mbrojtjen e Mjedisit të Kosovës (AMMK), në një konferencë për media të thirrur sot për të sqaruar lidhur me ndotjen e ajrit në Drenas nga Fabrika e Ferronikelit, tha se duhet gjetur argumente, dhe vetëm atëherë do të mbyllet kjo fabrikë.

Morina tha se nga muaji janar-shkurt, kur edhe është ngritur problemi i Ferronikelit, Ministria e Mjedisit ka dërguar stacione mobile për matjen e ajrit, ku parametrat e këtyre stacioneve tregojnë që vetëm pluhuri ka tejkalime. Nga këto ka rezultuar që parametrat më të ulëta të pluhurit janë në Drenas.

Drejtoresha e Institutit Hidrometeorologjik, Latifete Latifi tha se nga monitorimet e organizatave joqeveritare të monitoruara nga instituti Hidrometeorologjik, për analizën e pluhurit në Drenas ka dalë se ky pluhur nuk ka prezencë të rrezikshmërisë nga metalet e rënda.
Asamblistët e Kuvendit Komunal të Drenasit, përfaqësues të fshatrave dhe përfaqësues të OJQ-ve, kanë protestuar sot para Ministrisë së Mjedisit dhe Planifikimit Hapësinor, për të shprehur shqetësimet e qytetarëve për rrezikun për shëndetin e tyre. Ata thanë se kjo ministri po bën “vrasje masive të njerëzve”, pasi që numri i të prekurve nga kanceri dy vitet e fundit ka shënuar rritje drastike.

Protestuesit bënë me dije se në protestën e ardhshme të pranishëm do të jenë edhe vetë qytetarët./kp/

Në parkun e qytetit në Prishtinë, u mbajt performancë muzikore e përcjell më ligjëratë nga kitaristi i njohur në botë Petrit Çeku. Ligjërata dhe koncerti ishte në kuadër të projektit Baushtellë, projekt ky që mbledh rreth vetës njerëz nga vende të ndryshme. Më këtë rast kitaristi Çeku tha se një përformanca të tilla po e mban për herë të parë në Kosovë./ 21 Media

Shtabi i Përgjithshëm i Turqisë ka njoftuar se gjatë kalimit të elementëve të ngarkuar me detyrë për sigurimin e rrugës Siirt-Pervari, 8 ushtarë kanë rënë dëshmorë si pasojë e shpërthimit të një bombe e cila ishte vendosur më parë nga anëtarët e organizatës terroriste separatiste, raporton Anadolu Agency (AA).

Shtabi i Përgjithshëm në një deklaratë ka konfirmuar se afërsisht në orën 14.10 një bombë e vendosur më parë në anë të rrugës nga terroristët ka shpërthyer gjatë kalimit të elementëve të cilët ishin me detyrë për sigurinë e rrugës Siirt-Pervari, ku si pasojë e shpërthimit kanë humbur jetën 8 ushtarë.

Në deklaratë janë shprehur ngushëllimet për familjet e dëshmoreve: “Me një dhimbje të thellë shprehim ngushëllimet dhe Allahu i mëshiroftë. Ndaj familjarëve, të afërmeve të dëshmorëve tanë urojmë durim dhe iu shprehim ngushëllimet tona të Forcave të Armatosura”.

Nëse pyesni veten se si është e mundur që të nxiheni shpejt dhe pa u djegur, duam të japim disa këshilla me të vërtetë të vlefshme. Mos harroni se lëkura ushqehet jo vetëm nga jashtë, por edhe nga brenda, gjë që përbën arsyen se arsyeja pse dieta është e domosdoshme, si dhe, natyrisht, përdorimi i vazhdueshëm i kremrave.

Kujtoni se ekspozimi ndaj diellit pa krem kundër diellit jo vetëm që nuk ju mundëson të nxiheni pa shkëlqim dhe që zgjat për shumë kohë, por kjo ju bën ekspozon edhe ndaj rreziqeve shumë më të mëdha dhe serioze si djegia, eritema dhe melanoma. Ja këshillat për një nxirje të shpejtë, të bukur dhe të shëndetshme:

… kremra për një nxirje të shpejtë
Së pari, kurë mos dilni në diell pa krem. Ne ju këshillojmë që të pyesni farmacistin ose dermatologin tuaj, i cili dikur ka studiuar llojin tuaj të lëkurës dhe pigmentin tuaj, të ofrojë kremin që i përshtatet më mirë nevojave tuaja.

Gjithmonë nisni me një mbrojtje të lartë dhe, edhe në qoftë se ju merrni ngjyrë në një kohë të shkurtër, mos dilni kurrë pa u lyer me krem. Pas diellit, mësohuni të bëni një pastrim për të hequr qelizat e vdekura të lëkurës dhe për ta bërë edhe më të ndritshme rrezitjen tuaj që do të jetë perfekte dhe homogjene.

Asnjëherë mos harroni edhe pas diellit, është me të vërtetë e rëndësishme hidratimi i lëkurës. Sot në treg ekzistojnë shumë kremra me faktor të lartë mbrojtje, por edhe me agjentë që përshpejtojnë dhe stimulojnë rrezitjen: marrja e ngjyrës në mënyrë graduale, megjithatë, është e vetmja mënyrë që të siguroni një rrezitje që zgjat në kohë.

Suplementet për një ngjyrë të artë
Nëse doni të filloni të mbroni lëkurën tuaj nga brenda, ju mund të vendosni të merrni shtojcave që gjenden në farmaci.

Ato janë tableta të thjeshta që përgatisin për rrezitje dhe që nxisin prodhimin e melaninës dhe që mbajnë larg djegien nga dielli. Stimulimi i prodhimit të melaninës gjithashtu ju lejon të nxiheni më shpejtë dhe më intensivisht. Ju mund ti zgjidhni ato në tableta, por edhe të vendosni të ndërmerrni një dietë të pasur me fruta dhe perime që stimulojnë rrezitjen. Ndonjë shembull?

Për një rrezitje perfekte mjaftojnë vetëm 100 gram karota në ditë, kajsi por tregohuni të gatshëm edhe për domate, kungull të verdhë dhe luleshtrydhe, përveç sallatës, cikores, lakrës, pjeprit, specit, qershive dhe bostanit.

Në prag të takimit të radhës në Bruksel mes Kosovës dhe Serbisë, kryetarët e dhjetë komunave me shumicë serbe në Kosovë përmes një njoftimi për medie kërkuan nga Qeveritë e Kosovës dhe Serbisë që të arrihet marrëveshja për themelimin e Asociacionit të Komunave Serbe. Në këtë kërkesë Kosovës iu referohen siç e quajnë ata “Kosovë e Metohi”./ 21 Media

Tymosja me e-cigarettes është më e sigurtë se pirja e duhanit dhe mund të çojë në heqjen e vesit të pirjes tradicionale të cigares.

Lajmi bëhet publik nga institucioni i Shëndetit Publik në Britaninë e Madhe, ku në daljen e parë zyrtare mbi këtë çështje janë shprehur se cigaret elektronike janë 95% më pak të dëmshme për shëndetin krahasuar me cigaret e zakonshme.

Sipas ‘The Guardian’, institucioni shëndetësor kryesor i Britanisë ka arritur në përfundimin se cigaret elektronike së shpejti mund të shpërndahen si një trajtim mjekësor i licensuar si alternativa më e mirë kundër pirjes së duhanit dhe produkteve të saj përbërëse.

Por pavarësisht këtij rezultati, specialistët paralajmërojnë se as e-cigarettes nuk janë krejtësisht pa rrezik, megjithëse është me prioritet të vlerësohet kapaciteti i tyre i madh për të reduktuar konsumin e duhanit.

Ky mesazh u mbështet dhe nga shefja e qeverisë britanike për mjekësinë, Dame Sally Davies, e cila ndër të tjera paralajmëroi se “nuk duhet të ketë një konsum të gjatë dhe të vazhdueshëm të cigareve elektronike, pasi qëllimi i vetëm i tyre është të përdoren si një mjet ndihmues për të bërë konsumuesit e cigares të heqin dorë”.

Pritet që këto produkte të mund të blihen në dyqane si ilaçe të licensuara, si një garanci kjo për sigurinë, cilësinë dhe efikasitetin ndaj konsumatorëve që duan t’i përdorin si një mjet ndihme për lënien e cigares.

Deri më tani, ndryshe nga metodat alternative të lënies së duhanit me zëvendësimin e nikotinës si terapitë me çumçakëz, tabletat apo ngjitësa, cigaret elektronike ende nuk janë licensuar.

Thirrja e opozitës për të dalë në protesta për të kundërshtuar themelimin e Asociacionit të Komunave Serbe, nga ana e analistëve politikë në vend po shihet si një veprim nga i cili paraprakisht duhet të kuptohet se për çfarë asociacioni po bëhet fjalë, dhe me çfarë kompetencash.

Megjithatë, ata kanë dyshime se ky asociacion do të jetë përtej asaj që lejon Kushtetuta e Kosovës. Kurse, qytetarët mendojnë se duhet protestohet kundër asociacionit.

Jetmir Bakija nga Instituti Demokratik i Kosovës (KDI ) në një prononcim për KosovaPress tha se dyshimet e opozitës se ky asociacion do të ketë kompetenca ekzekutive kanë bazë, ani pse komunat veriore, sipas tij, tashmë kanë kompetenca përtej një asociacioni që lejohet me Kushtetutën e Kosovës.

“Së pari edhe kur të ngrihen këto dyshime të opozitës që ka mjaftë bazë për dyshime, duhet të shihet se apo kufizohen në se çfarë asociacioni do të themelohet. Pra nëse themelohet një asociacion i komunave që nuk e krijon një nivel të tretë, që nuk jep kompetenca shtesë dhe ekskluzive vetëm për këtë asociacion që do të ishte jashtë kushtetuese, atëherë nuk kemi pse të frikohemi, mirëpo nëse ndalemi te rasti konkrete dhe çfarë po ndodh tani, ka mjaft dyshime se mund të negociohet një asociacion që mund të dalë jashtë rendit kushtetues, dhe kjo për shkak të rrethanave që ka Kosova. Pra, mund të jetë e rrezikshme dhe është shumë e drejtë kjo që po ngrihet se a po shkojmë drejtë një kantonizimi apo një bosnjëzimi”, tha Bakija.

Sipas tij, vet fakti që në raundin e radhës do të flitet për Kodin Telefonik, për Parkun e ashtuquajtur të “Paqes”, si dhe për Asociacionin e Komunave Serbe (AKS), lë të kuptohet se koncesionet edhe mund të ndodhin nga ana e dy qeverive, pasi që për dy të parat palës kosovare i konvenon që të marrin një zgjidhje dhe për këtë mund të “mbyllin” sytë lidhur me asociacionin dhe kompetencat që ai mund të ketë.

“Në këtë raund i kemi tri tema që dy prej tyre janë në fa vor të Kosovës, se Kosova ka interes të zgjidhen, është kodi telefonik dhe të hiqet parku i paqes, kurse, e treta është asociacioni dhe një asociacion si po e kërkon Serbia nuk është në interes të Kosovës … Ngrihen dyshime se mund të ketë koncesione nga negociatorët e Kosovës që asociacioni të jetë më i përafërt me atë që kërkon Serbia dhe pastaj mund të dalim pakënaqësi qytetare që për një etnitet që edhe mund ta bllokoj vendin”, tha Bakija.

Sipas tij, protestat nuk janë mënyra e vetme për të kundërshtuar vendimin që mund të marrë qeveria për themelin e këtij asociacioni, pasi që partitë opozitare kanë mundësi që brenda kuvendit të kundërshtojnë këtë vendim, dhe kjo vetëm në rast se ky asociacion do të formohet jashtë rendit kushtetuese për çka edhe duhen të bëhen ndryshime kushtetuese, sikurse që ndodhin me 3 gusht të këtij viti, me themelimin e Gjykatës Speciale.

Ndë rsa, analisti politik Behlul Beqaj, lidhur me AKS tha për KosovaPress përmes telefonit se vet fakti që ky asociacion ka një trajtim tjetër dhe se për të duhen ndryshime kushtetuese, si dhe fakti se atë mund ta shuajnë vetëm ata që e themelojnë, serbet e jo institucionet e Kosovës, dëshmon se ky asociacion do të ketë kompetenca apo status të veçantë.

“Me vet faktin që asociacioni ka një trajtim tjetër dhe ka nevojën e ndryshimit Kushtetues sikurse edhe fakti tjetër se atë mund ta shuajnë vetëm ata që e krijojnë pra serbet dhe asnjë institucion i Kosovës dhe që për të po vendoset në Bruksel dhe jo në Prishtinë, tregon se ai do të ketë kompetenca apo status sui generis, se sikurse do të ishte i ngjashëm me asociacion e komunave të Kosovës nuk do t’i kishte këto tri elemente që i përmenda”, tha Beqaj.

Mirëpo e tërë kjo situatë, sipas Beqajt nuk është arsye pà «r thirrjen e protestave dhe veprimeve radikale nga ana e opozitës, përkatësisht Lëvizjes Vetëvendosje, pasi qësipas tij, mënyra se si po qeveriset Kosova tregon për një destabilizim të vendit dhe një veprim i tillë veç sa do ta drejtonte shtetin e Kosovës në rrugën e dështimit të plotë e që kjo sipas Beqajt, mund të jetë edhe synim i Serbisë.

Në anën tjetër, qytetarët janë të gatshëm t’i përgjigjen kërkesës së opozitës për të marrë pjesë në protesta, për ta kundërshtuar themelimin e Asociacionit të Komunave Serbe në Kosovë, në rast se një gjë e tillë kërkohet prej tyre.

Sipas tyre, themelimi i këtij asociacioni është i dëmshëm për Kosovën.

Dhjetë kryetarët e Komunave serbe në Kosovë në emër të qytetarëve serbë u kanë kërkuar qeverisë së Kosovës dhe asaj të Serbisë që gjatë takimit të ardhshëm në kuadër të dialogut politik në Bruksel, të arrijnë marrëveshjen për formimin e Bashkësis ë së Komunave Serbe, që do të lejojë zbatimin e plotë të Marrëveshjes së Brukselit dhe hapi rrugën për një normalizim të mirëfilltë të marrëdhënieve në Kosovë.

Drejtorit të Zyrës për Kosovën në Qeverinë e Serbisë, Marko Gjuriq i është ndaluar të mërkuren hyrja në Kosovë ka bërë të ditur, zëvendësi i tij në Graçanicë, Dushan Kozarev.

Siç shkruajnë mediat serbe, Kozarev ka thënë se nuk ka ekzistuar asnjë arsye racionale që Djuric t’i ndalohet hyrja dhe që në Kosovë të marrë pjesë në ceremoninë e dorëzimit të ndihmës për bujqit.

“Nuk ka asnjë arsye që Djuric të mos jetë në Kosovë, por dikujt sikur i është dashur që ai të mos jetë me popullin tonë”, ka thënë Kozarev.

Ai ka shtuar se ata që kanë vendosur do ta kuptojnë se me këtë veprim nuk dëshmojnë fuqinë, por pafuqinë dhe frikën. Pavarësisht se i ishte ndaluar hyrja në pikëkalimin kufitar, që Beogradi vazhdon ta quaj pikëkalim administrativ, ai ka insistuar që sot të bëhet shpërndarja e ndihmave për bujqit në Kosovë, citojnë mediet e Beogradit Kozarevin, transmeton Koha.net.

Kozarev ka shpërndarë sot në Graçanicë pako ndihma për bujqit, të kthyerit në Pejë, Istog, Klinë, Ferizaj e Gorë (komuna e Dragashit). Pakot e ndihmës, në formë mekanizmash bujqësore, të siguruara nga Zyra për Kosovën me vlerë rreth 10 milionë dinarë (një euro rreth 120 euro) përbëjnë bashkëfinancim të projektit “IPA 2012” që kap vlerën e 2,4 milionë eurove.

Bëhet fjalë për 25 multikultivatorë me rimorkio, 5 multikultivatorë me freza, 5 mbledhëse të barit me motomihës, 10 motosharra dhe 15 kazanë për raki.

Ndonëse në mbarë botën sot po shënohet Dita Botërore e Humanitetit, në Kosovë nuk ka pasur asnjë aktivitet, qoftë edhe simbolik, i cili do ta shënonte këtë ditë.

Dy shoqatat humanitare më të mëdha në vend, “Nënë Tereza” dhe “Kryqi i Kuq” i Kosovës, u arsyetuan se veprat humanitare duhet bërë çdo dit, dhe jo vetëm në këtë ditë.

Edhe pse nëpër komuna të ndryshme ku shtrihen këto shoqata ka pasur ndonjë aktivitet, bwhet fjalw pwr aktivitete në vazhdimësi dhe jo të destinuara për këtë ditë.

Përfaqësuesi i shoqatës “Nëna Terezë”, Zef Shala, tha se kjo shoqatë ka aktivitete në kontinuitet dhe jo të destinuara vetëm për këtë ditë.

Ndërkaq, sa i përket asaj se a janë kosovarët më humanitarë ditët e sotme a po në të kaluarën, Shala u shpreh se humaniteti në të kaluarën ka qenë dukshëm më i shprehur.

Kurse, Antigona Sopjani, nga “Kryqi Kuq” i Kosovës, mendon ndryshe nga përfaqësuesi i “Nënë Terezës”.

Sopjani për KosovaPress tha se humaniteti tek kosovarët është rritur viteve të fundit, me rritjen e standardit jetësor. Por, njëjtë sikur shoqata “Nëna Terezë”, as “Kryqi i Kuq” nuk ka pasur ndonjë aktivitet shënues për këtë ditë, përpos atyre që janë në vazhdimësi.

E, qytetari Ismajl Berisha, mendon se të varfrit po lihen anash. Kjo për arsye se ende po merremi me çështje të njohura, si korrupsioni, krimi etj. Por shqetësuese sipas tij, është edhe keqpërdorimi i të varfërve që po bëhet, sidomos nga Shqipëria.

Berisha theksoi se shteti duhet të mundësojë që asnjë njeri të mos vuajë për nevojat elementare njerëzore dhe adresoi kritika ndaj tij pse s’po ndërmerr veprime pwr mposhtjen e varfwrisw.

Të këtij mendimi ishin edhe shumë qytetarë të tjerë, sipas të cilëve pushtetarët nuk po arrijnë të ngopen për vete, andaj edhe të varfrit po mbesin pa bukë të gojës

​Një grup kongresmenësh amerikanë, anëtarë të Komisionit të Kongresit për Partneritet dhe Zhvillim të Demokracisë, nesër do ta vizitojnë Kosovë, ku do të priten nga përfaqësues të institucioneve të Kosovës.

Fillimisht ata pritet të takohen me kryetarin e Kuvendit, Kadri Veselin dhe anëtarët e kryesisë së Kuvendit, pastaj edhe me presidenten e Republikës së Kosovës, Atifete Jahjaga