Qeveria britanike do të investojë 500 milionë paundë për të ndërtuar rrugë që do të furnizojnë me energji makinat elektrike ndërkohë që janë duke ecur.

Ndërtimi i rrugëve do të nisë vitin e ardhshëm dhe do të zgjasë për pesë vjet. Kompania ka kërkuar ndihmën e kompanive të ndryshme britanike për ta ndihmuar në zhvillimin e kësaj teknologjie.

Një sistem i tillë do të shmangë radhët e gjata në stacionet e furnizimit me energji të makinave elektrike.

Për herë të parë një teknologji e tillë është përdorur në Korenë e Jugut, ku është ndërtuar një rrugë 12 km e gjatë, e cila përdoret për të furnizuar me energji autobusët ndërkohë që janë duke ecur.

Dhjetë komunat me shumicë serbe në Kosovë kanë kërkuar marrëveshje për formimin e Asociacionit të tyre në takimin e radhës në Bruksel. Mirëpo qeveria e Kosovës, ka vlerësuar se kjo çështje nuk lidhet me afate kohore.

Ministrja për Dialog, Edita Tahiri, është shprehur se ky Asociacion nuk do të ketë kompetenca ekzekutive.

Ajo ka thënë se marrëveshja për këtë çështje do të arrihet vetëm nëse çdo gjë është në përputhje me Kushtetutën e Republikës së Kosovës.

Manjati i pasurive të patunshme Donald Trump, kandidati republikan për zgjedhjet presidenciale amerikane të vitit 2016 po fiton terren përballë demokrates, Hillary Klinton, sipas një sondazhi të publikuar sot.

Sipas një sondazhi të CNN-it dhe ORC-së, diferenca po ngushtohet në mënyrë të konsiderueshme mes dy kandidatëve me profile mjaft të ndryshme, në qoftë se ish-shefja e diplomacisë amerikane renditet si gjithmonë e para, ajo i paraprin biznesmenit me gjashtë pikë(51 për qind kundrejt 45 për qind).Në korrik, balanca e pushtetit ishte 56 për qind me 40 për qind, në muajin qershor 59 për qind me 35 për qind.

Sondazhi tregon se miliarderi që krijoi shumë zhurmë në fillim të garës për Shtëpinë e Bardhë, vazhdon të zgjerojë hendekun në kampin republikan pavarësisht polemikave të shumta.

Trendi nga ana tjetër nuk është më në favor të Hillary Clinton-it.Nëse mbetet në krye në kampin e vet, ajo pritet të marrë tashmë vetëm 47 për qind të votave (ose një rënie prej nëntë pikësh në krahasim me muajin korrik), duke kaluar për herë të parë nën nivelin 50 për qind që nga fil limi i sondazhit të vitit 2016 iniciuar nga CNN/ORC.

Në të majtë e saj, senatori i pavarur i Vermontit, Bernie Sanders shënoi një rritje të konsiderueshme me 29 për qind, një rritje prej 10 pikësh në krahasim me muajin korrik.

Zëvendëspresidenti Joe Biden, i cili nuk ka bërë ende publik faktin nëse do të marrë pjesë në garë, u rendit i treti me 14 për qind.

Sondazhi u realizua me anë të telefonit ku u intervistuan rreth 1,001 amerikanë nga data 13 deri në 16 gusht.

Zv/kryeministri dhe ministri i Punëve të Jashtme, Hashim Thaçi ka falënderuar shtetin e Brazilit për njohjen e pasaportave kosovarë.
Ai ka shkruar një “tweet” duke falënderuar brazilianët në gjuhën portugeze, gjuhë zyrtare e Brazilit.
Te themi se Brazili ende nuk e ka njohur shtetin e Kosoves.

Vlora Çitaku është dekretuar si ambasadore e re në Amerikë. Ajo tani mund të konsiderohet zyrtarisht si ambasadore e Kosovës në Shtetet e Bashkuara të Amerikës.

Se Çitaku ka marrë agremanin diplomatik nga Departamenti i Shtetit në SHBA, për Klan Kosovën e konfirmon Zëvendësministri I Punëve të Jashtme Petrit Selimi.

Selimi tha se Ministria e Punëve të Jashtme është njoftuar nga departamenti I shtetit për dhënien e agremanit diplomatik për Vlora Çitakun e cila tashmë mund të konsiderohet si ambasadore e Kosovës në Washington, e treta që nga pavarësia.

Dekretimin e Vlora Çitakut si ambasadore e re në Amerikë, e ka konfirmuar edhe zëdhënësi i Presidentes Arbër Vllahiu duke thënë se kjo është punë e kryer.

Çitaku në këtë detyrë të re do të pasojë ambasadorin aktual në Washington, Akan Ismaili.

Para se Çitaku të emërohej si ambasadore, ajo kryente punën e Konsullit të përgjithshëm në New York.

Ka përfunduar me rezultat 1-2 sfida e parë e turit play-off mes Skënderbeut dhe Dinamos Zagrebit, e vlefshme për Champions League, e cila u luajt në stadiumin “Elbasan Arena”
Kanë qenë korçarët të cilët me një supergol të Blendi Shkëmbit kanë kaluar në avantazh.
Aksion i shpejtë i Skënderbeut me mbrojtësin Radas që lë mbrojtjen, kombinohet me Salihin dhe i afrohet zonës, por pengohet duke marrë goditje dënimi. Shkëmbi gjuan goditjen e dënimit dhe shënon një supergol duke shkundur rrjeten e portierit kroat. Pjesa e parë përfundon në avantazh të korçarëve me rezultatin 1-0.
Pjesa e dytë ka nisur me energji të reja për kroatët. Në minutën e ’65 Dinamo Zagrebit ka shënuar duke e barazuar rezultatin në 1-1. Goli për kroatët u shënua nga El-Arbi Hilal Soudani.
Kur u mendua se ndeshja përfundoi me rezultatin e barabartë, kroatët dyfishuan rezultatin në minutat shtesë. Josip Pivaric mbylli rezultatin në 1-2.

Formacionet zyrtare
Skënderbeu: Shehi, Vangjeli, Radas, Jashanica, Eskardinja, Lilaj, Shkembi, Nimaga, Berisha, Latifi, Salihi; Trajner Mirel Josa
Dinamo Zagreb: Eduardo, Sigali, Travel, Pinto, Pivariç, Maçado, Soudani, Santos, Hodzic, Rog, Pjaca; Trajner: Zoran Mamiç
Gjyqtar: Sergei Karasev

NATO ka paralajmëruar Rusinë se çdo tentim nga separatistët pro-rusë për të marrë territore të reja në Ukrainë, do të jetë i papranueshëm.

Në lindje të Ukrainës ka shpërthyer një valë e re e dhunës, ku separatistët pro-rusë janë duke luftuar me forcat qeveritare ukrainase.

Në deklaratën për media, NATO thotë se shtetet anëtare kanë diskutuar për situatën në Ukrianë dhe kanë theksuar se të gjitha palët duhet të tregojnë vetëpërmbajtje.

“Rusia ka përgjegjësi të posaçme në gjetjen e zgjidhjes politike. Çdo përpjekje nga separatistët pro-rusë për të marrë nën kontroll territore të Ukrianës do të ishte e papranueshme për komunitetin ndërkombëtarë”, ka thënë në deklaratën për media zëdhënsja e NATO-s Carmen Romero.

Skënderbeu i Korces është në epërsi ndaj Dinamos së Zagrebit me rezultat minimal 1-0 Korçarët shkuan në pushim më të qetë, falë golit të kapitenit Blendi Shkëmbi i cili realizoi nga goditja e dënimit në minutën e 37.

Në të vërtetë, pjesa e parë ka kaluar me një dominim të lehtë të miqve, të cilët kanë pasur disa raste shumë të mira, por nuk kanë arritur të gjejnë rrugën e golit.

Kampionët e nisën ndeshjen duke ushtruar presing, por pasiguria në mbrojtje bëri që kroatët të depërtonin shumë lehtë në zonë dhe të rrezikonin Shehin.

Në minutën e 7, Soudani i Dinamos gjuan fuqishëm nga jashtë zone, por topi u devijua në goditje këndi. Në të 28-n, sërish rast i mirë për Dinamon, por për fatin e mirë të Skënderbeu Hodziç nuk ishte i saktë.

Soudani rrezikon sërish, kësaj radhe me kokë por preku lehtë traversën dhe del jashtë.

Në minutën e 26, një aksion i shpejtë i Skënderbeut me Radas që lë pozicionin e tij për t’i dhënë një ndihmë sulmit. Mbrojtësi gjen shkodranin, i cili ia jep topin Latifit, i cili pengohet pranë zonës.

Pikërisht këtu, Shkëmbi nuk mund të gabonte dhe shënon për 1-0. Pas shënimit të golit, Skënderbeu kthehet mbrapa, por fati i ka shpëtuar edhe njëherë.

Në minutën e fundit të pjesës së parë, Shehi bën një pritje spektakolare për të shpëtuar të tijtë dhe për t’i çuar në pushim me një gol epërsi.

https://youtu.be/gtnQRHD0UZ8

Masat relativisht të freskëta të ajrit të ardhura nga verilindja dhe veriperendimi i Kontinentit do të jenë të qëndrueshme për ditët vijuese të javës. Në këtë gjendje sinoptike, do të mbajë mot kryesisht i vranët dhe me intervale kohore me diell. Vranësirat gjatë ditës vbende-vende do të shoqërohen me reshje shiu dhe shkarkime rrufesh. Temperaturat minimale do të lëvizin ndërmjet 12-15 gradë celsius, ndërsa maksimalet e ditës do të lëvizin ndërmjet 24-28 gradë Celsius.
Një gjendje e ndryshueshme e motit do të mbajë deri ditën e shtune. Nga dita e diele e tutje do të mbajë mot me diell dhe vranësira të shpërndara. Temperaturat maksimale do të pësojnë ngritje të lehta. Shtypja atmosferike do ti ruaj vlerat e normales me
tendencë të ngritjes gjatë gjithë javës. Do të fryjë erë nga verilindja dhe
veriperendimi me shpejtësi 1-8m/s.

Temperaturat maksimale përgjatë vijës bregdetare do të lëvizin nga 31 gradë në Shkodër deri 32 gradë në Sarandë.

Ish-presidenti amerikan Bill Klinton mbushi 69 vjet. Edhe në Prishtinë u shënua ditëlindja e tij, duke u vlerësuar lartë kontributi i ish-presidentit Clinton, për Kosovën. Solemniteti u organizua nga Shoqata “Miqët e Amerikës” dhe universiteti UBT në Prishtinë. /21 Media