Sylvester Stallone, pervec se nje aktor i madh, gjithashtu nje njeri i madh! Duke shfletuar neper letrat ne adrese te tij, gjeti nje lutje qe i bente nje vajze vetem 18 vjec, e cila vuante nga kanceri dhe ndodhej ne nje spital ne Los Angeles.
Ajo donte ta takonte vetem nje here idhullin e saj. Menjehere pas letres ai anulloj xhirimet e filmit dhe u nis drejt spitalit.

Duke u maskuar me uniformen e njerit prej doktoreve, ai u fut ne dhomen e saj dhe duke biseduar per shendetin i thote: Besoj se tani do ndihesh pak me mire, dhe menjehere hoqi masken duke e perqafuar fort! Vajza nuk mundi te mbaje dot lotet e saj dhe ne shenje falenderimi per pranine e tij, i dhuroj nje portret te tij qe e kishte pikturuar kohe me pare!

Policia e Tepelenës ka zhvilluar sot një operacion të gjerë antikanabis.

Në operacionin e koduar ‘Kreshta’, ku janë përfshirë 100 forca policie dhe 20 mjete, të FNSH-së, Policisë së Tepelenës dhe drejtorisë së policisë së Gjirokastrës janë asgjësuar 16.305 rrënjë kanabis, të vendosura në 10 parcela.

Aksioni i nisur mëngjesin e sotëm ishte i përqendruar në zonën e Kurveleshit dhe sipas policisë do të vijojë në ditët në vazhdim edhe në zonat e tjera të këtij rrethi.

Ndërkohë një person është ndaluar nga policia pasi dyshohet se është kultivues i bimëve narkotike. Çune Batha, 52 vjeç, banues në fshatin Plesat të Gjirokastrës, është kapur në afërsi të parcelave.

Ndërkohë po vijon puna për evidentimin dhe kapjen e autoreve të tjerë.

Burimet zyrtare të Policisë së Shtetit bëjnë me dije se operacioni do vijojë në kontrollin e plotë të territorit të rrethit Tepelenë.

Kryeministri i Serbisë Aleksander Vuçiq ka deklaruar sonte se në Bruksel janë nënshkruar të katër marrëveshjet – për Asociacionin e Komunave Serbe, energjetikën, telekomunikacionet dhe urën mbi Ibër dhe vlerësoi se këto janë “marrëveshje të mira” të cilat u garantojnë siguri dhe mbijetesë serbëve në Kosovë.

Sonte po themelohet Asociacioni i Komunave Serbe. AKS do të ketë autorizime të gjera, kryetar, nënkryetar, kuvend, këshill, stemë, flamur… Do të mund të financohet nga Serbia dhe u tha në mënyrë të prerë se Serbia e ka këtë të drejtë”, deklaroi Vuçiqi për radiotelevizionin shtetëror serb RTS.

Kryeministri serb tha se delegacioni i Serbisë ka kryer një punë të shkëlqyeshme dhe se të gjitha marrëveshjet do të nxirren para publikut.

Ai ka thënë se delegacioni serb gjithë ditën ka biseduar me përfaqësuesit e Bashkimit Evropian dhe “vetëm në fund ka parë delegacionin e shqiptarëve të Kosovës”.

Sa i përket telekomit, Vuçiq ka thënë se “disa kanë harruar të thonë se serbët nga Kosova kur thirrin njerëzit në Serbinë qendrore edhe më tej i bien vetëm numrave 011 ose 018 ose 021 dhe e kundërta, kur thirret Mitrovica sillet vetëm numri 028 pa kurrfarë prefiksi tjetër”.

“Për herë të parë pas vitit 1999 arritëm që të legalizojmë pozicionin tonë dhe tërë bota na e njeh kompanin e telekomunikacionit, e për herë të parë do të kemi edhe furnizues dhe tregtarë me energji elektrike”, ka thënë Vuçiq, duke shtuar se ato do të jenë kompani bija të kompanisë Elektroekonomia e Serbisë.

“Sinqerisht mendoj se të gjitha interesat tona i mbrojtëm me sukses”, ka thënë Vuçiqi.

Kohët e fundit ai dhe gruaja ishin renditur në vend të gjashtë mes çifteve më të pasura në botë me një kapital prej 40,7 miliardë dollarësh, por që prej ditës së djeshme njeriu më i pasur i Kinës Uang Jianlin është disi më pak i pasur.

Pronari i grupit Dalian Wanda – që ka interesa në sektorin e turizmit dhe të ndërtimit – ka humbur 3,6 miliardë dollarë si rrjedhojë e rënies së bursës së Shanghait ditën e hënë.
Por duhet thënë se brenda 2015-s Jinalin kishte fituar rreth 6 miliardë dollarë, kështu që rënia e tij mbetet e vogël.

Të paktën tre persona humbën jetën, dhe katër të tjerë, ku dy policë, janë plagosur rëndë gjatë një shkëmbimi zjarri që ndodhi sot në një kamp endacakësh në Roye (veri të Francës), njoftoi prefektura.

Shkëmbimi i zjarrit ka ndodhur në rrethana ende të panjohura.
Sipas dëshmive të marra në vendngjarje nga gazetarët, një zënie e dhunshme filloi në mes të kampit të endacakëve, që ndodhet pranë një autostrade.

Një burrë, ndoshta i dehur, hapi zjarr, ndërkohë që disa policë, të njoftuar, mbërritën në vend.
Tre të vdekurit janë një burrë, një grua dhe një fëmijë, ndërsa katër të plagosurit rëndë janë vetë autori, një fëmijë dhe dy policë.

Enver Hoxhaj marrëveshjet e arrituar në Bruksel në me palës Kosovare dhe asaj Serbe i sheh si arritje,duke theksuar se Serbia po e njeh cdo dite e me shume realitetin e Kosovës së pavarur.Ja postimi i plotë i Ministrit në Facebook.

Marrëveshjet e arritura sot në Bruksel ndërmjet Kosovës dhe Serbisë janë një hap më afër drejt normalizimit të marrëdhënieve mes të dyja vendeve dhe të rëndësishme për fuqizimin e shtetësisë së Kosovës. Cdo ditë e më shumë, Serbia po e njeh realitetin e Kosovës së pavarur. Këto marrëvshje tregojnë edhe një fakt tjetër se si kushtëzimet e BE-së për rajonin po funksionojnë, por Serbia mund të bëhet “evropiane” vetëm atëherë kur ta njeh Kosovën. EHoxhaj

Kryeministri i Republikes se Kosoves, Isa Mustafa, ka deklaruar se Asociacioni i Komunave me shumicë serbe nuk do të ketë asnjë kompetencë ekzekutive.
Mustafa marrëveshjet i ka quajtur në përputhje me Kushtetutën dhe ligjet e Kosovës.
“Sot kemi arritur marrëveshje të rëndësishme. Është marrëveshja lidhur me parimet themelore për themelimin e Asociacionit të Komunave me shumicë serbe, marrëveshja lidhur me implementimin e marrëveshjes për energji, marrëveshja për kodin telefonik dhe marrëveshja për lirimin e urës mbi Ibër, përkatësisht me rikonstrumin e saj dhe lëshimin e kësaj ure”, ka thënë Mustafa, në Bruksel.
“Ne e konsiderojmë një sukses shumë të madh të arritur me këto marrëveshje, sukses në shtrirjen e sovranitetit në tërë territorin e Kosovës, përfshirë edhe veriun. Konsiderojmë se të gjitha marrëveshjet janë në përputhje me Kushtetutën dhe ligjet e Kosovës. Me ASK do të mundësohet të ju ndihmohet komunave me shumicë serbe, por Asociacioni nuk do të ketë asnjë kompetencë ekzekutive, kështu që funksionimi i shtetit të Kosovës do të jetë normal dhe i suksesshëm, por edhe përfitimi i komunave me shumicë serbe do të jetë i mriz nga Asociacioni në pikpamje të zhvillimit dhe prosperitetit të tyre”, ka theksuar kryeministri Mustafa

Edhe shefja e diplomacisë evropiane, Federcia Moghereni, ka njoftuar për arritjen e katër marrëveshjeve në mes të Kosovës dhe Serbisë,ajo ndërë të tjera tha se marrëveshjet e arritura sot janë historike për dy vendet.

“Katër marrëveshjet e nënshkruara pas një dite të gjatë në dialogun me Serbisë dhe Kosovës. Arritje historike në procesin e normalizimit”, ka thënë ajo në profilin e saj në Twitter.

Ndërkaq, në komunikatën e saj për arritjen e katër marrëveshjeve mes Kosovës dhe Serbisë, thotë se kjo është një “pikë referimi për raportet mes dy vendeve”.

“Të dy kryeministrat kanë shënuar një kthesë në dialog. Ata janë pajtuar në përgjithësi për parimet e formimit të Asociacionit të Komunave Serbe, që i hap rrugë themelimit të tij”, thuhet në kumtesën e Mogherinit.
Ajo njofton edhe për arritjen e marrëveshjes për energjinë, telekomin dhe atë për urën mbi Ibër.

“Zgjidhjet si këto që ndodhën sot, sjellin përfitime konkrete për të dy popujt dhe në të njëjtën kohë mundësojnë avancimin e të dyja palëve në rrugën evropiane”, thuhet në njoftimin e Mogherinit.

Më tutje, thuhet se Bashkimi Evropian do të mbështesë implementimin e të gjitha marrëveshjeve mes Kosovës dhe Serbisë. Mogherini njofton se dialogu mes të dyja vendeve, do të vazhd ojë në muajt e ardhshëm.
Kryeministrat e Kosovës e Serbisë janë takuar në raundin e 28-të, të pestin të Isa Mustafës e Aleksandar Vuçiqit, të tretin për katër çështje: Parimet themelore për Asociacionin e komunave me shumicë serbe, kodi telefonik, energjia dhe ura mbi lumin Ibër në Mitrovicë.

Ndërmjetësuesja, Përfaqësuesja e Lartë e BE-së për Politikë të Jashtme dhe Siguri, Federica Mogherini fillimisht takoi veçmas kryeministrin kosovar Mustafa, pastaj kryeministrin serb Vuçiq, për të vazhduar me takimin e përbashkët trilateral, si edhe në raundet e kaluara.

Këngëtarja Jenifer Lopez duket e mrekullueshme gjatë filmimit të videos së re muzikore “El Mismo Sol”. Kënga është në bashkëpunim me kantautorin spanjoll Alvaro Soler.

46-vjeçarja, mama e dy fëmijëve binjakë, 7-vjeçarët Max dhe Emme, shfaqet në skena sensuale gjatë duetit me Alvaro Soler.

Aksionin e sotëm të lëvizjes Vetëvendosje te shtëpia e kryeministrit Isa Mustafa në fshatin Prapashticë, pas Kryeministrisë, e ka dënuar edhe Lidhja Demokratike e Kosovës, e cila ka shprehur indinjatë dhe shqetësim për veprimet e dhunshme të VV-së dhe ka thirrur organet përgjegjëse që të mbrojnë pronën private të qytetarëve.

“Lidhja Demokratike e Kosovës shpreh indinjatën dhe shqetësimin e thellë për veprimet e sotme të dhunshme të aktivistëve të Vetëvendosjes, që kishin për cak pronën e familjareve të Kryeministrit të Republikës së Kosovës dhe Kryetarit të Lidhjes Demokratike të Kosovës. Me këtë rast, Lidhja Demokratike e Kosovës dënon fuqishëm sulmin ndaj pronës private dhe ndaj familjes së Kryeministrit të Republikës së Kosovës, të organizuar sot nga aktivistë të Vetëvendosjes.

Lidhja Demokratike e Kosovës, fton organet përgjegjëse që të mbrojnë pronën private të secilit qytetar të Republikës së Kosovës, dhe dënon veprimet dhe organizimet e tilla të organizuara nga Lëvizja Vetëvendosje, e cila të vetmin mjet politik e ka dhunën, dëmtimin e pronës publike, dhe pronës private, si në rastin e tentimit të dëmtimit të pronës së familjareve te Kryeministrit dhe rrezikimin e sigurisë së f amiljes së Kryeministrit Mustafa. Me veprimet e sotme Lëvizja Vetëvendosje tregon nivelin e papërgjegjësisë institucionale, vullnetin e tyre për destabilizim të vendit dhe shqetësim të qytetarëve”, thuhet në komunikatën e LDK-së.