Holanda është e gatshme në parim që të pranojë një valë të azilkërkuesve që janë duke ardhur në Evropë por vetëm si një ” zgjidhje e përkohshme ” , thuhet nga Qeveria e Holandës.

Në afat të gjatë, ajo që është e nevojshme është për të krijuar strehim më të mirë për refugjatët pranë zonës së konfliktit , thuhet në deklaratë të qeverisë , duke shtuar se Holanda do të dhurojë këtë vit 110 milionë euro për të përmirësuar kapacitetet në afërsi të Sirisë .

Qeveria planifikon të forcojë politikën e saj të heqjes së ndihmës në formën e ushqim dhe strehimit pas disa javësh personave të cilëve u është refuzuar statusi i refugjatit .

Në deklaratën e qeverisë holandeze nuk përmendet se sa refugjatë ky shtet është i gatshëm që të pranojë.

Presidenti i Komisionit Evropian Jean-Claude Juncker të mërkurën duhet që të publikojë propozimin për rishpërndarjen e 160 mijë azilkërkuesve ndërmjet shteteve anëtare të Bashkimit Evropian, ku do të merrte pjesë edhe Holanda, ku sipas numrit të banorëve i bie që do të ishin rreth 9 mijë refugjatë.

Kosova për herë të parë paraqitet në European Film Awards me dy filma të propozuar, njoftoi Qendra Kinematografike e Kosovës.

Në mesin e 52 filmave gjithsej që janë nominuar për European Film Awards janë edhe dy filma kosovarë që janë rekomanduar për nominim – filmi “Babai” me skenar dhe regji nga Visar Morina dhe filmi “Tri dritare dhe një varje” me skenar nga Zymber Kelmendi dhe regji nga Isa Qosja .

Në javët e ardhshme, mbi 3,000 anëtarë të Akademisë Evropiane të Filmit do të votojnë për nominimet në kategoritë e filmit evropian, regji, aktor, aktore dhe skenarist. Të nominuarit do të shpallen më 7 nëntor në Festivalin e Filmit Evropian Sevilje të Spanjës ndrërsa juria prej 7 anëtarëve do të vendosë për fituesit në kategoritë që parashihen nga European Film Awards.

Ceremonia e edicionit të 28-të European Film Awards do të mbahet në Berlin me 12 dhjetor.

Danimarka ka kthyer grupin e parë të refugjatëve për në Gjermani, thuhet nga policia daneze ndërkaq pritet që të bëhen deportime të reja.

“Këta janë njerëz të cilët nuk kanë dashur të kërkojnë azil në Danimarkë dhe duke u nisur nga kjo këtu gjenden ilegalisht. Ata janë deportuar dhe iu është ndaluar hyrja në Danimarkë për dy vjetët e ardhshme”, thuhet nga policia daneze ndërsa transmeton AFP.

“Ky është vetëm grupi i parë i refugjatëve dhe depërtimet të reja dot ë pasojnë pasi që të bëhen procedimet e rasteve të refugjatëve të rinj”, thuhet nga policia duke shtuar se njerëzit do të kthehen për në Gjermani me autobusë.

Sipas të dhënave të autoriteteve daneze në këtë vend që nga e diela kanë ardhur më shumë se 800 refugjatë, por vetëm një numër i vogël kanë bërë kërkesë për azil, ndërsa shumica kanë dashur që të udhëtojnë për në Suedi.

Inspektorati i Komisionit të Pavarur për Miniera dhe Minerale (KPMM), vetëm vitin e kaluar ka lëshuar mbi 70 kallëzime penale ndaj operimeve ilegale në sektorin minerar. Përfaqësues nga ky komision konsiderojnë se nga këto veprime përveç dëmtimit të ambientit , këto veprime shkaktojnë borxhe ndaj shtetit dhe ndikojnë në performancën e KPMM-së.

Po ashtu Kemajl Zeqiri, anëtar i bordit të KPMM-së, tha se janë të pakënaqur me punën e gjyqësorit. Për këto probleme si ky komision ka organizuar sot një punëtori, ku të ftuar ishin të gjitha institucionet relevante, por që nuk ishin prezent edhe ata të Këshillit Gjyqësor.

“Të them të drejtën ne si KPMM nuk jemi të kënaqur me aktivitetet e gjyqësorit . Kjo u tha gjatë zhvillimit të punimeve të punëtorisë, kemi shumë lëndë që janë ende të pazgjidhura në gjykata. Kjo na krijon pastaj probleme sepse ju e dini që aty janë shqiptuar disa kallëzime penale edhe qëndrojnë sikurse borxhe ndaj KPMM-së dhe na e rrit në njëfarë forme edhe bilancin e borxheve. Që në një forme na e qet edhe përformancën e dobët si Komision i pavarur pa fajin tonë”, tha Zeqiri.

Ai shtoi se janë mbi 70 raste të evidentuara si operime ilegale e që kanë shkaktuar dëme të mëdha .

“Shifrat janë relative dhe lëvizin. Diku vitin 2014 kanë qenë të evidentuara rreth 70 ose përmbi 70 operime ilegale të gjitha këtyre inspektorati i minierave në KPMM i ka evidentuar ju ka lëshuar kallëzim penal dhe lënda është procedua për në prokurorinë. Siç u tha edhe nga pjesëmarrësit dëmet janë të shumëfishta duke u nisur nga dëmet ekonomike për shkak se këta operator ilegal nuk i kryejnë obligimet normal shtetërore që janë të taksave do të thotë i dëmtojnë edhe bizneset tjera legale apo që kanë licenca. Duke krijuar një konkurrencë jo lojale në aspektin tjetër kemi dëmtim do të thotë mjedisor, degradim të ambient it jetësor ku jetojmë”, tha Zeqiri.

Komisioni i Pavarur për Miniera dhe Minerale ka organizuar një punëtori lidhur me planin e veprimit për parandalimin dhe ndalimin e operimeve ilegale në sektorin minerar. Këtu ishin të thirrura të gjitha institucionet relevante të Republikës së Kosovës , që pjesa më e madhe e këtyre institucioneve janë përgjigjur pozitivisht dhe kanë marrë pjesë aktive në këtë planë të veprimit .Por kishte munguar përfaqësuesi nga Këshilli Gjyqësor, e mos pjesëmarrja e tyre nga të pranishmit u cilësua si një hendikep./kp/

Një delegacion ki Kuvendit i Republikës së Maqedonisë me rastin e 8 Shtatorit, “Ditës së Pavarësisë së Republikës së Maqedonisë” vendosi lule në përmendoren “Heronjtë e rënë për Maqedoninë” në parkun “Gruaja luftëtare”. Në ceremoninë e shënimit të kësaj dite morën pjesë edhe një delegacion qeveritar i kryesuar nga zëvendës kryeministri për çështje ekonomike, Vladimir Peshevski, delegacione diplomatike, partiake, komunale dhe qytetarë, raporton Anadolu Agency (AA).

Sot Republika e Maqedonisë shënon 24 vjet pavarësi të referendumit të mbajtur me sukses në të cilin qytetarët e Maqedonisë u deklaruan për shtet të pavarur dhe sovran. Shumica absolute, mbi 95 për të qytetarëve që dolën në referendumin e 8 shtatorit të vitit 1991, pozitivisht iu përgjigjën pyetjes së referendumit “A jeni për Maqedoni të pavarur me të drejtë të hyjë në fuqi në aleancën e ardhshme të shteteve sovrane të Jugosllavisë”.

Referendumit i parapriu Deklarata për pavarësi të cilën Parlamenti i parë i Maqedonisë shumëpartiake e miratoi më 25 janar të vitit 1991. Formalisht, vullneti i popullit për shtet të pavarur ishte konstatuar me Deklaratën për pranimin e rezultateve të referendumit më 18 shtator të vitit 1991 në Kuvendin e Republikës së Maqedonisë.

Shtetësinë e Maqedonisë e para e njohu Republika e Bullgarisë, ku pësuan nga Turqia, Sllovenia, Rusia, Bosnje dhe Hercegovina dhe vendet të tjera. Shtetësia e Maqedonisë u pavarësua monetarisht me vendosjen e denarit më 26 prill të vitit 1992, ndërsa më pas fitoi edhe Armatën e vet, e cila ditëlindjen e feston më 18 gusht.

Mbrëmë në Kryegjyshatën Botërore të Bektashinjve në Tiranë, është përuruar  faltorja më e rëndësishme e këtij besimi. Odeoni ishte ideuar dhe nisur nga Kryegjyshi i ndjerë Baba Reshat Bardhi, por u desh ndihma e qeverisë shqiptare për ta përfunduar. Në këtë ngjarje të rëndësishme për besimtarët bektashinj, theksi u vu edhe në gjendjen e bektashinjve në Kosovë dhe faktin që Kosova ende nuk pranon që ta njohë zyrtarisht Komunitetin Bektashi.

Për shekuj me radhë femrat japoneze kanë përfituar nga vetitë e mrekullueshme në lëkurë të orizit. Aplikimi i vajit të orizit, i pluhurit të orizit dhe i ujit të orizit në lëkurën e fytyrës do t’ju ndihmojë ta keni atë të limuar dhe njëkohësisht të shpëtoni nga pikat e zeza.

Për më tepër, orizi mund të ndikojë në përmirësimin e cilësisë së dietës suaj ushqimore, duke qenë se është i pasur me antioksidantë. Orizi përmban sasi të mëdha të acidit linoleik dhe skualenës, një antioksidant i fortë, i cili ka aftësinë të stimulojë prodhimin e kolagjenit në lëkurë. Është një substancë natyrale, e cila ndihmon në mbrojtjen e lëkurës nga plakja e parakohshme dhe parandalon krijimin e rrudhave.

Gjithashtu, orizi mbron lëkurën nga dëmet e shkaktuara si pasojë e ekspozimit në diell. Për më tepër, orizi është i pasur me vitaminë E dhe gama orizol, të cilat kanë veti të reduktimit të nivelit të klesterolit në gjak dhe mbron shëndetin.

Shumë njerëz nuk e dinë se orizi ka aftësi të rikthejë rininë e lëkurës, veçanërisht të fytyrës, e ta bëjë atë të jetë më e butë dhe më e lëmuar.

Më poshtë po ju paraqesim një recetë të thjeshtë me bazë orizin, për të bërë një maskë kundër rrudhave dhe për lëkurë më të butë/Mapo.

Përbërësit

3 lugë oriz

1 lugë mjaltë

1 lugë qumësht

Pasi të vini orizin të ziejë, mundohuni ta hiqni nga zjarri dhe të ndani mënjanë kokrrat e orizit dhe mënjanë ujin. Shtoni një lugë qumësht tek orizi dhe përziejeni mirë. Në fund shtoni edhe mjaltin.

Fillimisht pastroni fytyrën dhe më pas aplikoni maskën në lëkurën e thatë. Lëreni të veprojë për një kohë të shkurtër, deri sa të thahet maska tërësisht. Më pas hiqni maskën nga fytyra dhe lajeni atë me ujin e orizit.

Uji i orizit vepron në lëkurë si një lloj masazhuesi, i cili ndihmon në qarkullimin e gjakut, parandalon plakjen si dhe redukton inflamacionin. Për të pasur rezultate më të mira, bëjeni këtë gjë një herë në javë. Fytyra juaj do të duket 10 herë më e re.

Kosovo Unites States Alumni – KUSA ka përmbyllur implementimin e projektit “Fuqizimi Përmes Lidershipit”, në të cilin kanë qenë pjesëmarrës të rinj të shkollave të Kosovës, që ka pasur për qëllim përgatitjen e liderëve të së ardhmes.

Me këtë rast u tha se investimi më i rëndësishëm në të ardhmen e një vendi është investimi në rininë e tij, në ofrimin e mundësive për edukim, për përmbushjen e synimeve, talentit dhe ëndrrave të tyre. Derisa, u shpërblyen edhe tri esetë me të mira të shkruara.

Presidentja e Kosovës Atifete Jahjaga tha se janë në hapjen e derës së zhvillimit të tyre individual, si qytetarë të së ardhmes, të cilët respektojnë njëri-tjetrin, pavarësisht gjinisë, përkatësisë etnike apo fetare dhe marrin përsipër misionin e rëndësishëm të zhvillimit të shtetit dhe shoqërisë.

E para e shtetit theksoi se gjeneratat e reja të Kosovës janë gjeneratat e paqes, të cilët po e shkruajnë historinë e mirëkuptimit, besimit të ndërsjellë, të respektit dhe të dashurisë ndaj njëri-tjetrit.

Jahjaga porositi se përkushtimi duhet të jetë i palëkundur për t’u garantuar mundësi të ng jashme zhvillimi me moshatarët e tyre në botën e avancuar, duke mos lejuar që e ardhmja e tyre dhe e shoqërisë të komprometohet.

“Sot jeni duke kurorëzuar një eksperiencë të rëndësishme të jetës tuaj, duke mbrojtur një parim bazë të shoqërive demokratike, mbi të cilin ne e kemi ndërtuar edhe shtetin tonë, atë të të drejtave të barabarta midis të gjithë qytetarëve tanë. Duke folur për një temë të rëndësishme, siç është barazia gjinore, ju jeni duke vënë në pah sfidat me të cilat ne përballemi si shoqëri në garantimin e të drejtave të barabarta për vajzat ashtu si për djemtë. Në padrejtësitë të cilat ne ende vazhdojmë t’ua imponojmë vajzave, në ofrimin e zgjedhjeve më të pakta, mundësive e lirisë më të kufizuar që ato kanë për të zgjedhur rrugën e tyre”, tha Jahjaga.

Kreu i shtetit, u ka kërkuar të rinjve që të mos rrinë të heshtur para padrejtësive, por të punojnë që t’i ndryshojnë ato dhe të mos lejojnë të mposhten nga sfidat apo barrierat, por të besojnë në veten e tyre, në aftësitë dhe talentin që secili prej tyre e ka.

Ndërsa, ambasadori i SHBA-ve në Kosovë Greg Delawie tha se programet e KUSA-së e bëjnë presidentin amerikan Barack Obama krenar, sikurse e bëjnë edhe Qeverinë e Kosovës, pasi po përgatit liderët e së nesërmes.

“Programi ynë ndërkombëtar i shkëmbimit në arsim i jep krenari presidentit Obama, sekretarit Kerry dhe kolegëve të mi. Bazuara në mysafirët në tribunë dhe audiencë e kam të qartë se KUSA jo vetëm që është burim i madh i krenarisë për ne por edhe për Qeverinë dhe popullin e Kosovës. Sot po ashtu dashuroj t’i uroj edhe studentët, nxënësit, kam dëgjuar shumë gjëra për të rinjtë e Kosovës, pasionin, energjinë. E di që njëri prej synimit të këtij projektit është promovimi i ndjenjës së shëndoshë të vetëvlerësimit, vetërespektit, qëllimit dhe statusit social për pjesëmarrësit e rinj”, tha Delawie.

Drejtor i bordit të KUSA-së Avdyl Lipoveci duke përshëndetur të gjithë për përkrahjen, tha se bordi i KUSA-së prej paraqitjes së këtij projekti ka besuar në vlerat që ka ky projekt që t’u ndihmojë të rinjve që të përgatiten në jetën e tyre profesionale përmes vlerave që anëtarët e KUSA-së edhe projektit që kanë zhvilluar t’u ofrojnë atyre një ndihmë të shohim se si mund të krijojnë të ardhmen e tyre profesionale përmes udhëheqjes.

Për të vazhduar bashkëpunimin, KUSA dhe Ministria e Arsimit kanë nënshkruar një marrëveshje bashkëpunimi.

Me këtë rast, ministri i Arsimit, Arsim Bajrami tha se janë shumë të kënaqur që ky projekt ka përfshirë shumë shkolla, nxënës dhe studentë pasi kjo ka shumë rëndësi për të fituar përvojat në qeverisje, lidership.

Bajrami theksoi se janë duke punuar shumë afër me Qeverinë amerikane dhe me projektin e USAID-it të lidershipit dhe vetëm këto dy vite mbi 180 studentë kanë dërguar në universitete prestigjioze amerikane.

“Pa dyshim se projekte të këtilla si projekte që po i zhvillon KUSA kanë një rëndësi shumë të madhe për ne. Ne do donim që këto praktika t’i bënim pronësi vendore, do donim që këto praktika të mira, këto standarde që ju sillni në Kosovë të bëhen praktika të mira të mirëqeverisjes, qeverisje e cila bazohet në qeverisjen e gjasave të barabarta, në inkorporimin e plotë të dy gjinive, në lidership në udhëheqje, në qeverisje”, tha Bajrami.

Në fund u shfaq një fil dokumentar rreth këtij programi, ndërsa iu dhanë mirënjohje tre nxënësve për esetë me të mirë të shkruar. Jehona Ibrahimi fitoi vendin e parë për esenë me të mirë, Lirim Abazi vendin e dytë dhe Fatjeta Muçolli vendin e tretë.

Një nga marrëveshjet ndërmjet Kosovës dhe Serbisë e në nshkruar kohë më parë në Bruksel ajo e kalimit të automjeteve të dy vendeve me tabela ekzistuese e jo “prova”, gjykuar sipas gjendjes në kufi duket se ka hasur në vesh të shurdhër nga pala serbe. Kosovarëve që dalin në Serbi ua ngjesin në automjeteve tabelat “prova”, ndërkaq pala kosovare pasi dha një ultimatum, së fundi deklaron se “kjo pjesë e marrëveshjes është ngrirë”…/21 Media