Ende ka nevojë nga resurse njerëzore në Prokurorinë shtetërore, për shkak se ndjehet mungesë, ndërsa kjo është e dukshme kur prokurori shtetëror nuk mund t’i mbulojë të gjitha përfaqësimet në gjykatë, për shkak se është angazhuar edhe në procedura tjera në gjykata të tjera.

Këtë sot e theksoi Vera Koco, ish gjykatësja në Gjykatën Supreme dhe anëtare e Bordit Drejtues të Institutit për të drejtat e njeriut, duke e prezantuar Raportin e dytë për monitorimin e punës së Prokurorisë shtetërore të RMV, për periudhën nga janari deri në qershor të vitit 2019.

“Në këtë periudhë në gjykatën themelore janë ngritur 1008 procedura, nga të cilat janë të përfunduar vetëm 366 të tilla. Mund të thuhet se numër i madh i procedurave në periudhën e analizës janë ngritur për pagesën e rrogave dhe shtesave të rrogës, avancim në karrierë. Numër i madh i këtyre proceseve kanë qenë kundër MPB-së, 704 procese Prokurorisë Themelore Publike 72 procese  e kështu me radhë”, u shpreh Vera Koco, Gjykatëse e pensionuar e Gjykatës së Lartë.

Përfaqësuesja Avokatit të shtetit Andrijana Spivoska, tha se nëse krahasojmë numrin e madh të lëndëve, numri i avokatëve është i vogël.

“Me aq shumë procedura të ngritura, kemi vetëm dymbëdhjetë avokat të shtetit në Shkup. Në vendet tjera kemi nga një, diku kemi dy, diku kemi tre. Në këtë aspekt jemi transparent. Këto janë të publikuar në ueb faqen tonë”, tha Andrijana Spivoska, përfaqësuese e avokatëve.

Ndryshe, ky takim është organizuar nga  rrjeti për gazetari hulumtuese “Scoop”,  në të cilën u fol edhe për transparencën e institucioneve shtetërore, besueshmërinë dhe punën e avokatëve republikan. Ky projekt sipas organizatorëve mbështetet nga Bashkimi Evropian.

Përgatiti: Mevludin Imeri

“Vdekja e albanologut  Skënder Gashi është një humbjee për familjen Gashi dhe të gjithë ne”

Presidenti i Kosovës, Hashim Thaçi ka shprehur ngushëllime zëvendëskryeministrit Dardan Gashi si dhe familjes së gjerë Gashi me rastin e humbjes së më të dashurit të tyre, Skënder Gashi.

Thaçi ka theksuar se Gashi edhe pse jetonte në Vjenë gjithmonë ishte në shërbim të kauzës sonë për liri, pavarësi dhe shtetndërtim.

“Vdekja e albanologut dhe atdhetarit Skënder Gashi është një humbje e madhe për familjen Gashi dhe të gjithë ne“, ka shkruar Thaçi në facebook.

Skënder Gashi ka vdekur sot në moshën 77 vjeçare, ai njihet si njëri prej studiuesve të zellshëm të albanologjisë. Gashi ishte i doktoruar në Salzburg ku mbrojti tezën e disertacionit për emrat e shqiptarëve gjatë shekujve XIV-XV, sipas burimeve kishtare serbe.

Ndër veprat e tij më të njohura janë: “Fjalori toponimik kronologjik i Kosovës në vendbanime ekzistuese dhe vendbanime të zhdukura” në dy vëllime, ishte bashkautor i “fjalorit të fjalëve dhe shprehjeve popullore”, pastaj autor i veprës “Kërkime onomastike-historike për minoritete të shuara e aktuale të Kosovës”. /21Media 

.

Gashi ka vdekur Në moshën 77-vjeçare

Në moshën 77-vjeçare sot ka vdekur Skender Gashi lajmin e kanë bërë të ditur familjarët e tij në rrjetet sociale.

Gashi ishte lindur më 1942 në Mramor të Prishtinës, ai njihet si njëri prej studiuesve të zellshëm të albanologjisë. Gashi ishte i doktoruar në salzburg ku mbrojti tezën e disertacionit për emrat e shqiptarëve gjatë shekujve XIV-XV, sipas burimeve kishtare serbe.

Skender  Gashi gjithashtu ishte punonjës i Institutit Albanologjik të Prishtinës nga viti 1980 deri më 2003 dhe punonte si lektor i gjuhës shqipe në Vjenë. Atje edhe kishte botuar revistën shkencore “Dardania”

Ndër veprat e tij më të njohura janë:

“Fjalori toponimik kronologjik i Kosovës në vendbanime ekzistuese dhe vendbanime të zhdukura” në dy vëllime, ishte bashkautor i “fjalorit të fjalëve dhe shprehjeve popullore”, pastaj autor i veprës “Kërkime onomastike-historike për minoritete të shuara e aktuale të Kosovës”.

Gashi ishte njëherit babai i zëvendëskryeministrit dhe ministrit aktual të Diasporës Dardan Gashit.  Informacionet rreth ceremonisë së varrimit të Gashit do të bëhen të ditura gjatë ditës së sotme. /21Media

.

Kështu duken Ademi, Hamza e Shabani

Kanë kaluar 21 vjet nga lufta e lavdishme e Jasharëve me policinë dhe me ushtrinë serbe, e cila kishte zgjatur 3 ditë, më 5, 6 dhe 7 mars të vitit 1998.

Familja Jashari në krye me komandantin legjendar, Adem Jasharin pa dyshim se është njëra prej familjeve, e cila bëri jehonë në historinë e popullit shqiptar, shkruan rtv21.tv

Në mesin e këtyre sulmeve disa prej anëtareve shpëtuan, e për ta mbajtur gjithmonë kujtimin e gjallë për ta, disa prej emrave të të parëve të tyre i kanë përtërirë kështu duke i jetësuar emrat e të rënëve te gjeneratat e reja.

Lulzim Jashari, djali i komandantit legjendar të UÇK-së, Adem Jashari, ia ka përtërirë emrin e babait djalit të tij, shkruan rtv21.tv

Murat Jashari përtëriu emrin e Shabanit, kurse, emrin e Hamzës e pëtëriu Bekimi.

Ademi, Shabani e Hamza të rinj tashmë janë rritur dhe jetojnë një jetë të lumtur duke e gëzuar lirin për të cilën të parët e tyre ranë dëshmorë.

Më poshtë mund t’i shihni disa fotografi të pasardhësve të Jasharëve. Ademi dhe Hamza janë të një gjenerate ata tani kanë nga 16 vjet, ndërsa Shabani sivjet ka përfunduar shkollën e mesme./21Media 

Adem Jashari

Hamzë Jashari

Shaban Jashari

.

Deputeti nga radhët e BDI-së Artan Grubi, dorëheqjen e deputetit Vesel Memedi thotë se është një hap i shpejtuar nga ana e Vesel Memedit. Grubi thekson se bashkërisht duhet ta përfundojnë këtë mandat duke përkahur njëri tjetrin.