Zgjedhjet lokale afër, koalicionet po finalizojnë kandidatët në komunat shqiptare

Zgjedhjet lokale po afrohen, ndërsa emrat e kandidatëve të VLEN-it dhe FE-së dalëngadalë po bëhen të ditur.

Në Çair pritet një përballje mes Izet Mexhitit dhe Bujar Osmanit, ndonëse zyrtarisht ende nuk janë shpallur si kandidatë.

“Në lidhje me kandidatët ne deri tani si VLEN jemi të prerë vetëm për Strugën, ku po e mbështesim kandidatin e pavarur Mendi Qyra, po presim rezultate nga anketat, Agjenci profesionale ku do të na japin orientim, sepse si VLEN jemi fokusuar t’i japim më të mirët më të kualifikuarit, kandidatët për kryetar në secilën komunë që do e vërtetojnë fitoren e madhe në vlen”, tha Izet Mexhiti, zëvendëskryeministër i parë.

Në Saraj VLEN me gjasa do të garojë me Orhan Murtezanin, por në garë janë edhe Muhamed Elmazi dhe Bashkim Bakiu. Ndërsa kandidat nga FE pritet të jetë Blerand Ramadanin nga ASH e Taravarit.

“Jemi drejt përmbylljes së marrëveshjes me partitë opozitare shqiptare. Shumë shpejt do të shpallen kandidatët për kryetarë komunash. Ky bashkëpunim ka për qëllim fitoren në komunat shqiptare në nivel republikan si hap i rëndësishëm drejt fuqizimit të çështjes kombëtare shqiptare!”, thonë nga ASH-Taravari.

Në Likovë brenda VLENIT por diskutojnë për emra si Iljasa Abazi (AAA) dhe Mustafa Veseli (LD). BDI do të garojë sërish me Erkan Arifin.

Në Tetovë VLEN do të garojë me kryetari Bilall Kasamin, ndërsa FE me shumë gjasa do ta nxjerr Bajram Rexhepin e BDI-së. Jozyrtarisht në Gostivar VLEN mund të ketë kandidatë të ASH-së së fetait, por ka mundësi ta mbështesin ekonomistin Visar Ademi. Nga FE pritet ta kandidojnë me gjasa Valbon Limanin e ASH Taravari. Në Kërçovë tashmë kemi kandidat të pavarur, Shkodran Alili. Atje BDI mund ta kandidojë sërish Fatmir Deharin, ndërsa VLEN Fatmir Limanin.
Në Strugë VLEN zyrtarisht e mbështet kandidatin e pavarur Mendi Qyra, ndërsa FE do të garojë me Ziadin Selës.

Në Zhelinë pritet të ketë përballje mes Blerim Sejdiut dhe Emir Sulejmanit.