Ministria e Energjisë: Përfundoi afati për mbështetjen financiare të konsumatorëve të cenueshëm – shpallja së shpejti

Ministria e Energjisë, Mineraleve dhe Minierave njofton se afati për aplikim në kuadër të programit të mbështetjes financiare për konsumatorët e cenueshëm të energjisë elektrike për vitin 2025 përfundoi më 30 gusht 2025.

Ky program ishte i dedikuar për individët dhe familjet që bëjnë pjesë në kategorinë e konsumatorëve më të ndjeshëm ndaj kostove të energjisë dhe ka për qëllim të ofrojë ndihmë direkte për pagesat e energjisë elektrike.

Ministria njofton se së shpejti do të publikohet lista e përfituesve, ndërsa procedurat e verifikimit janë në përfundim./TV21