Ministri i Bujqësisë, Pylltarisë dhe Ekonomisë së Ujërave, Nikolla Tripunoski, nisi fushatën “Më e Mira e Maqedonisë: Tradita jonë, krenaria jonë”, e cila synon të promovojë dhe forcojë prodhimin bujqësor vendor. Ai poashtu theksoi se duke krahasuar 5 muajt e parë të vitit 2024 me 5 muajt e parë të vitit 2025, është regjistruar rritje prej mbi 50 përqind në sektorin e eksportit.
“Ta rrisim dhe forcojmë prodhimin vendor bujqësor, të sigurojmë mirëqenie për zonat rurale, të rrisim vetëdijen për cilësinë, autenticitetin dhe rëndësinë e produkteve bujqësore vendore dhe të përpunuara, të mundësojmë qasje më të lehtë për qytetarët tanë deri te produktet bujqësore vendore”, tha Cvetan Tripunoski, ministër i Bujqësisë Pylltarisë dhe Ekonomisë së Ujërave.
Ministri tregoi se është formuar një grup pune për të analizuar efektet e subvencioneve.
“Analizat fillestare tregojnë se arsyet e rënies së prodhimit nuk janë vetëm subvencionet, përkundrazi, ato janë një moment mirëmbajtjeje për fermerët, megjithatë, vitet e fundit kemi qenë dëshmitarë se Qeveria dhe Ministria nuk e kanë vënë prodhimin bujqësor si përparësi. Ne si Qeveri ato subvencione që u vonuan seriozisht, i paguam ndaj fermerëve, aktualisht po shërbejmë të gjitha subvencionet që janë në afat, dhe do të vazhdojmë edhe në periudhën e ardhshme2
Përveç kësaj Tripunoski gjithashtu njoftoi se është krijuar platforma digjitale makedonskonajdobro.mk, ku mund të regjistrohen bujqit, kooperativat bujqësore, përpunuesit si dhe qendrat e shitjes, ndërsa qytetarët do të mund t’i gjejnë lehtësisht dhe të informohen për produktet vendore.