Faktorët politik t’i respektojnë ligjet, të udhëheqin fushatë korrekte dhe demokratike, ndërsa qytetarët te Ministria e Punëve të Brendshme të paraqesin çdo aktivitet që ka lidhje me shkeljen e të drejtës së votimit ose çdo parregullsi. Të kemi kujdes të gjithë në këtë cikël zgjedhor se si sillemi, të sigurojmë proces transparent, korrekt dhe demokratik në zgjedhjet e 10-ta parlamentare të cilat dallohen nga ato paraprake, sepse vendi përballet me pandeminë e Kovid-19.
Kjo është porosia nga konferenca e sotme e përbashkët për shtyp e ministrit të Punëve të Brendshme Naqe Çulev dhe kryetarit të Komisionit Shtetëror të Zgjedhjeve (KSHZ), Oliver Derkoski, të cilët theksuan se bashkëpunimi i tyre do të vazhdojë dhe do të zhvillohet në nivel të lartë.
Roli i MPB-së në procesin zgjedhor është i qartë, potencon Çulev, dhe ajo është mbrojtje e të drejtave dhe lirive të njeriut gjatë procesit zgjedhor, siguri maksimale e qytetarëve, mundësimi i shprehjes së lirë e të drejtës së votës dhe mungesa e çdo lloj tolerance ndaj autorëve të veprave penale ose shkelje dhe zbulimi i tyre në kohë dhe parandalimi të kryejnë vepra penale ose shkelje të kahëzuara ndaj procesit zgjedhor.
“Zgjedhjet duhet të kalojnë në atmosferë të qetë, korrekte dhe demokratike. Ne jemi fuqishëm të vendosur se kur rregullshmëria dhe ligjdhënia e procesit zgjedhor janë në pyetje, aspak nuk ka dilema dhe këto zgjedhje duhet të jenë të pastërta si kristali”, theksoi ministri Çulev.
Çulev dhe Derkoski promovuan video dhe materialin e shtypur për procesin zgjedhor, me çka, siç thanë, dërgojnë porosi se nuk ka hapësirë dhe tolerancë për ryshfet zgjedhor dhe se MPB në mënyrë adekuate do t’i sanksionojë të gjitha aktivitetet ndaj çfarëdo lloj forme të presionit, frikës dhe ryshfetit të qytetarëve.
“Rruga evropiane në të cilën gjendet shteti ynë, integrimi i vendit tonë në familjen evropiane direkt është kushtëzuar nga rregullshmëria e këtyre zgjedhjeve. Por, nga rregullshmëria e tyre varet edhe legjitimiteti dhe kredibiliteti i qeverisë së ardhshme. Asnjë qëllim nuk është më i rëndësishëm nga fakti që para se gjithash qytetarët meritojnë zgjedhje të sigurta dhe demokratike”; tha Çulev.
MPB, potencon ai, i ka vënë në dispozicion të gjitha kapacitetet me të cilat e garanton sigurinë e zgjedhjeve.
Informon se tashmë është formuar Shtabi zgjedhor republikan me të cilin udhëheq drejtori i Byrosë për Siguri Publike, ndërsa në fazë janë trajnimet e nëpunësve policor për veprim përkatës në bashkëpunim me OSBE-në.
Për Derkoskin këto zgjedhje të 10-ta jubilare janë jashtëzakonisht të rëndësishme sepse, siç tha, janë çelësi për inkuadrimin tonë në derën evropiane.
Ai theksoi se duhet të bëhet kujdes me mbrojtjen e të drejtës së votimit, por për shkak të Kovid-19 duhet të kemi kujdes edhe në shëndetin e organeve zgjedhore dhe shëndetin e qytetarëve të cilët do ta japin votën e tyre.
“Qytetarët të ndjehen të sigurt, të dalin dhe të votojnë në ditën e zgjedhjeve, sepse është jashtëzakonisht e rëndësishme në këto zgjedhje të sigurojmë legjitimitet për pushtetin e ardhshëm, cilado që të jetë, duhet të fitojë më i miri në këto zgjedhje, me jehonë të mirë, qytetarët të vendosin më 15 korrik, bëri thirrje në konferencën për shtyp drejtori i KSHZ-së, Derkoski./MIA