Zaev: Helikopterët s’mund të veprojnë natën, s’mund të rrezikojnë qytetarët

Kryeministri Zoran Zaev ka arritur në Koçan i shoqëruar nga disa ministra.

Ka njoftuar, se gjendja në Koçan tani është nën kontroll, por ka folur edhe për helikopterët të cilët do të angazhohen nesër në mëngjes.

“Për fat të keq digjen shumë pyje dhe jemi organizuar që nesër në mëngjes, sepse as te ne dhe as në vendet tjera nuk mund të veprojnë helikopterët natën. Mund të lëndojnë njerëz të cilët kanë hyrë ndokund me qëllimin më të mirë që të ndihmojnë. Për këtë, sipas rregulloreve gjithmonë gjatë ditës veprojnë helikopterët”, tha Zaevi, transmeton TV21.