Numri i rasteve të vdekjes nga koronavirusi në Britani të Madhe, sipas të gjitha gjasave, do të vazhdojë të rritet këtë javë, pas çka do të stabilizohet gjatë dy deri tre javëve në vijim, deklaroi bashkëpunëtori kryesor shkencor i Qeverisë britanike, Patrik Volens.
Ai në konferencë ditore për shtyp të Qeverisë britanike për koronavirusin deklaroi se Britania e Madhe, kur bëhet fjalë për vdekshmërinë nga Kovid-19 “shkon sipas rrugës së ngjashme” si edhe Italia, vendi me numër më të madh të rasteve të vdekjes në Evropë.
Volens saktësoi se numri i viktimave do të rritet këtë javë, “në mënyrë që më vonë të shihen efektet pozitive nga masat për distancim social në formë të përafërsisht numrave të ngjashëm ditor”.
Në Britani të Madhe, sipas të dhënave më të reja, nga koronavirusi deri më tani kanë vdekur 11.329 njerëz./MIA