TV21 gjen zorrën e cila po ndot lumin Sushica! Tashmë 2 ditë po rrjedh një lëng i dyshimtë, institucionet nuk reagojnë

Ka më shumë se dy ditë që lumi Sushica në Kërçovë po ndotet nga rrjedhja e një derivati, por askush nuk po reagon.

“Disa qytetar dje në TV21 raportuan se në lumin Shusica të Kërçovës po rrjedhin derivate të naftës. Sot dolëm në teren për të parë nëse është e njëjtë si ditën e djeshme. Shihet se ndotja vazhdon por nuk dihet sa ditë ka rrjedhur naftë ose derivate të naftës në këtë pjesë të lumit. Ky lum kalon përmes qytetit të Kërçovës, pritet të shihet se çfarë do të ndodhë në ditët në vijim pasi TV21 ka alarmuar edhe zyrën për ambient Jetësor në Komunen e Kërçovës”

TV21 duke xhiruar në terren, gjeti zorrën nga e cila buron ky lëng, që kundërmon sikur të jetë naftë.
Kontaktuam zyrtarët për mbrojtje të ambientit jetësor në Kërçovë.
Nga atje na thanë se do të dalin në terren për të parë gjendjen faktike.

Vendi ku ndodhet zorra është 500 metra larg Komunës, por ende askush nuk doli për ta parë gjendjen.
TV21 dërgoi pyetje edhe në Ministrinë e ambientit jetësor dhe planifikimit hapësinor, nga ku po pret përgjigje.

Lumi Sushica, i cili kalon përmes Kërçovës, është një degë e lumit Treska. Pas kalimit nëpër Kërçovë dhe rrjedhjes së tij nëpër rajonin përreth, Sushica derdhet në lumin Treska, i cili më pas vazhdon drejt lumit Vardar.