Thuajse 2 milion të infektuar me COVID-19! Rreth 120.000 persona kanë vdekur

TË FUNDIT

Numri i të infektuarve me koronavirus në botë po afrohet në dy milionë, me pothuajse 120.00 të vdekur, tregojnë të dhënat më të reja të Universitetit Xhons Hopkins dhe portali  Worldometeres.

Në botë me koronavirusin e ri janë infektuar 1.920.985 persona, ndërsa 119.686 persona kanë vdekur, sipas Universitetit Xhons Hopkins, derisa sipas  Worldometers janë infektuar 1.925.571 persona, ndërsa kanë vdekur 119.718.

Nga sëmundja janë shëruar 452,178 persona.

Nga momentalisht të infektuarit, 96 për qind kanë pasqyrë të lehtë klinike, derisa katër për qind apo 51.157 janë në gjendje serioze apo kritike.

Në SHBA momentalisht ka numër më të madh të të infektuarve –  587.155  dhe gjithsej 23.644 të vdekur.

Sipas numrave më të rinj 170.099 persona janë  infektuar në Spanjë, 17.756  kanë vdekur, 159.516 janë infektuar në Itali, 20.465 kanë vdekur, derisa në Francë janë konfirmuar 136.779 raste dhe pothuajse  15.000 të  vdekur.

Pas tyre janë Gjermania me 130.072 të infektuar dhe 3.194 të vdekur,  pastaj Britania e Madhe me  88.621 të infektuar dhe 11.329 të vdekur.

Kina raportoi  89 raste të reja, që do të thotë se janë konfirmuar gjithsej 82.224 të infektuar, derisa  3.341 të vdekur./MIA