Tensionet e para në Tiranë/ Tifozët holandezë dhunojnë shqiptarin, 45-vjeçari përfundon në spital

Tensionet e para duket se kanë nisur 24 orë para ndeshjes së madhe që do të luhet në “Air Albania” në Tiranë mes Romës dhe Feyenord.

Holandezët që kanë mbërritur në Shqipëri mbrëmjen e sotme, duket se nuk janë përmbajtur dhe kanë përfunduar në konflikt me një shqiptar. Si pasojë janë shoqëruar 8 shtetas holandezë.

Policia njofton se disa shtetas holandez (tifozë), në gjendje të dehur janë konfliktuar me shtetasin shqiptar A. G., 45 vjeç.

Gjatë konfliktit fizik është dëmtuar shtetasi A. G., dhe ndodhet në spital, nën kujdesin e mjekëve, jashtë rrezikut për jetën. Grupi hetimor po punon sqarimin e rrethanave të ngjarjes.