Takimi i parë i formatit të ri NATO – Ukrainë/ Zelenski iu bashkëngjit liderëve  të Aleancës

Rusia nënvlerësoi “bashkimin dhe fuqinë” e Aleancës. Këtë e deklaroi sekretari i përgjithshëm i NATO-së, Jens Stoltenberg, në konferencën për media me presidentin ukrainas, Vollodimir Zelenski këtu në Vilnius, Lituani. Stoltenberg tha se NATO do të vazhdojë të qëndrojë prapa Ukrainës aq sa është e nevojshme. U kumtua se është dakorduar pako prej 3 pjesëve që e përafron Kievin me Aleancën përmes mbështetjes shtesë ushtarake dhe ekonomike. Përfaqësuesit e NATO-së, Stoltenberg dhe presidenti amerikan, Joe Bajden, u ulën së bashku me Zelenski në të njëjtën tavolinë si pjesë e këshillit të ri “NATO-Ukrainë”. Ky trup do të thotë se 31 aleat dhe Ukraina mund të mbajnë konsultime dhe të thirrin takime në gjendje urgjente.

“Rreziku më i lartë është nëse Putini fiton, për shkak se atëherë porosia do të jetë se kur ai përdor forca luftarake, kur shkel të drejtën ndërkombëtare, kur i shantazhon fqinjët, atëherë merr çfarëdo që do. E fuqishme, e bashkuar në rrugën për anëtarësim, NATO i dorëzoi Ukrainës dhe natyrisht kur e bëjmë këtë e dimë se Moska do të protestojë, siç protestoi në rastin e anëtarësimit të Finlandës, Suedisë, Maqedonisë së Veriut, dhe aleatëve të tjerë. Ukraina ka të drejtë që ta zgjedh rrugën e saj.”- deklaroi Jens Stoltenberg, sekretar i përgjithshëm i NATO-s.

“Pyetja nga F-16 më drejtohet mua apo juve? Jo, jo, ju lutem përgjigjuni. Jens mundeni t’i përgjigjeni të tre pyetjeve, për NATO, kur do të ishin anëtare.

E di sa biseda të ndryshme dhe marrëveshje ndodhën gjatë rrugës dhe ju faleminderit për këtë mirënjohje. Kaluam rrugë të gjatë në bashkëpunim me NATO-në, ndërsa ushtarët tanë kanë përvojë më të freskët në bashkëpunimin me anëtare të ndryshme të Aleancës. Përdorimi i mençur i armëve të NATO-së nga ana e ushtarëve tonë tregoi se demokracia globale është më e fuqishme ndaj çfarëdo kërcënimeve terroriste kundër nesh. Në të njëjtën kohë, madje edhe gjatë luftës me Rusinë, Ukraina vazhdon të zbatojë reforma në suaza të rrugës sonë të integrimit në BE.”- tha Vollodimir Zelenski, president i Ukrainës.

Delegacioni maqedonas ishte pjesë e sesionit të dytë të Samitit, ku morën pjesë edhe kryetarja e KE dhe kryetari i Këshillit europian.

“Në takim do të marrin pjesë edhe kryetarja e Komisionit europian edhe kryetari i Këshillit europian, gjithashtu ne përfaqësuesit dhe kryeministrat e Ballkanit Perëndimorë, do ta riafirmojmë qëndrimin dhe rëndësinë e integrimeve europiane dhe euroatlantike për paqe, siguri, stabilitet dhe prosperitet në këtë rajon kaq të rëndësishëm.”- deklaroi Dimitar Kovaçevski, kryeministër i RMV-së.

Në margjina të samitit u mbajt edhe takim dypalësh mes kryeministrit maqedonas dhe kryeministrit të ri grek, Kirijakos Micotakis, ku u konfirmua mbështetja e Greqisë në rrugën drejt BE-së. Në periudhën e kaluar është rritur këmbimi tregtarë, ndërsa nevojiten më shumë investime në infrastrukturën energjetike si dhe gazsjellësin Aleksandropolis.