Stavrev për “Monstrën”: Kjo nuk është vrasje, por likuidim i fëmijëve

TË FUNDIT

Në Gjykatën Penale në Shkup është shpallur aktvendimi i rygjikimit të rastit “Monstra”.

3 të akuzuar, Alil Demir, Afrim Ismailoviç dhe Agim Ismailoviç u dënuan me burg të përjetshëm.

Dy të tjerë bashkërisht do të vuajnë dënimin me burg për 24 vjet. Bëhet fjalë për Haki Azirin i cili është dënuar me 9 vjet burg, dhe Fejzi Aziri me 15 vjet burg.

Ndërkohë, Sami Luta është liruar.

Prokurorja që e ka udhëhequr rastin, Fatime Fetai e ka pranuar këtë lloj të dënimit, ndërkaq ka kërkuar paraburgim.

Kjo është kritikuar nga avokatët e të dënuarve, Naser Raufi dhe Asmir Alispahiq.

Alispahiq vlerëson se Haki Aziri nuk e meriton masën e paraburgimit, pasi gjithmonë ka respektuar masën për t’u paraqitur në Gjykatë. Propozon masë të arrestit shtëpiak.

“Haki Aziri kur nuk do të arratisej, se është njeri familjar dhe i punës”, tha Alispahiq, transmeton TV21.

Ndërkohë gjatë fjalimit hyrës, gjykatësi Ognen Stavrev e ka elaboruar rastin. Ai ka vlerësuar se nuk bëhet fjalë vetëm për vrasje, por edhe për vepër monstruoze dhe likuidim i fëmijëve.

Ky aktvendim, vjen pasi më 24 nëntor 2018, gjykata solli vendim që lënda “Monstra” të shkojë në ri-gjykim, për shkak të mungesës së provave të forta për rastin.

Më 18 shtator 2019 në gjykatën e Penale për herë të parë u dëgjuan bombat e para për “Monstrën”, si dëshmi të reja materiale. Gjithsej ishin 38.000 biseda dhe sms-porosi. Por çka realisht kishte në materialet e përgjuara dhe çka dëshmuan më pas ata që ishin përgjuar?

Më poshtë ju sjellim retro nga rasti “Monstra”, i përgatitur nga gazetarja Valmira Zendeli.