Shkallët anti-zjarr! A i pagoi Shkupi dyfish? Shilegov: S’ka asgjë të dyshimtë

TË FUNDIT

Ky është automjeti zjarrfikës prej 1.7 milion eurove që e ka blerë qyteti i Shkupit, ndërsa u bë i njohur për shkak të akuzave të ndërsjella në Facebook mes kryetarit të Shkupit, Shilegov dhe liderit të VMRO-DPMNE-së, Mickoski. Ky i fundit akuzon për çmimin e lartë, se në Zagreb pajisje e tillë është blerë për çmim dyfish më të ulët prej 800 mijë eurove. Në tender është paraqitur një kompani nga Budapesti. “Shilegov është zënë me mjaltë në duar” akuzuan sot nga VMRO-DPMNE.

“Petre Shilegov me para të popullit i ka paguar 1.7 milion euro për automjet zjarrfikës me shkallë kompanisë nga Budapesti. Në këtë blerje është i përfshirë edhe dhëndri i sekretarit të Qytetit të Shkupit”, tha Vladimir Nelovski nga VMRO-DPMNE-ja.

Shilegov shpjegon se shkalla nga Zagrebi është pa TVSH, kështu që shkallët e Shkupit do të kushtonin 1.4 milion euro, ndërkohë shtoi se ka pasur edhe pajisje shtesë që i ka automjeti i Shkupit por jo edhe i Zagrebit. E për akuzat e njerëzve të afër të përfshirë në këtë furnizim, Shilegov shpjegon:

“Unë jam një prej të rrallëve që me nismë timen e dërgova lëndën në Antikorrupsion. As që ka diçka të kontestueshme, as që ka diçka të dyshimtë. Kërkoj që Antikorrupsioni të hapë lëndën me insistimin tim e jo të opozitës”, vlerëson Shilegovi.

Me këto shkallë do të mundësohet që kur të ketë zjarr në objekt mbi 5 katesh të mund të reagohet dhe ta shuajë zjarrin brigada e zjarrfikësve.

“Heronjtë e qytetit nuk duhet të ngjyrosen, ata nuk duhet të jenë partiakë. Ne nuk e shohim nëse është zjarr i një partie politike apo një tjetre, por çdo vit ne shuajmë mbi 1600 zjarre. Ne nuk e shohim nëse zjarri është me karakter etnik apo politik”, u shpreh Velimir Simonovski – komandant i Brigadës së zjarrfikësve.

Përderisa ato po përplasen në rrjetet sociale, se njëra palë nuk është kujtuar fare që të blejë ndërsa tjetra po trajnohet për punë me pajisjet e reja, këtë fundjavë u shfaq zjarr në Galiçnik i cili mezi u lokalizua, ndërsa u shua edhe në këtë mënyrë.

TË NGJAJSHME