Policia në bashkëpunim me Prokurorinë Publike ka përfunduar me ekspertizën në vendin ku është djegur shtëpia në Staro Nagoriçan dhe ku dyshohej se në të është djegur edhe një grua si pasojë e zjarreve që kaploi vendin në fjalë këto ditë.
“Ministria e Punëve të Brendshme në përputhje me dispozitat ligjore vepron në bazë të udhëzimeve të prokurorit publik dhe në koordinim me prokurorin publik të PPTh Kumanovë, zyrtarët policr kanë kryer ekspertizë të detajuar në vendin ku është djegur shtëpia në Staro Nagoriçan. Pasi nuk janë gjetur mbetjet të cilat tregojnë për djegie të ndonjë individi, është shpallur në kërkim për personin, për të cilën tashmë veprohet nga ana e Sektorit për hetime”, thonë nga MPB-ja, transmeton TV21.