Pas mbajtjes së zgjedhje lokale pritet rikonstruim  i qeverisë. Por, a  do të bëhet PDSH-ja e Menduh Thaçit pjesë e ekzekutivit?! Imer Aliu nga kjo parti tha se ende nuk ka ftesë, por që të njëjtën nuk do ta refuzonin, duke shtuar se janë të hapur për bisedime.

 “Jo, mirëpo ne në fakt nuk do ta refuzojmë ftesën. Dialog apo debati më saktë ne do ta zhvillojmë me secilin tash e tutje, përfshi edhe qeverinë. Mirë po, një gjë është e qartë, rendi i ditës i Partisë Demokratike Shqiptare dhe rendi i ditës i Qeverisë dhe partive në qeveri duket se është i ndryshëm, por sigurisht, ne do të debatojmë me të gjithë”, theksoi Imer Aliu –  anëtar i Kryesisë PDSH-së.

Sipas Aliut partitë shqiptarë në pushtet tash duhet të mbajnë premtimet pasi më nuk kanë edhe asnjë arsyetim.

‘Janë bërë shumë premtime, tash është koha që të realizohen. Ne do të mbajmë përgjegjës sigurisht partinë shqiptare në pushtet, se ata kanë premtuar dhe sigurisht tash e tutje nuk kanë asnjë arsyetim që të mos-realizojnë. Ne si PDSH atë do të bëjmë, do të mbajmë përgjegjës ata që u kanë premtuar qytetarëve dhe që i kanë pozicionet tash e tutje në pushtetin lokal dhe qendror. Ajo që BDI ka humbur, nuk është tragjedi kombëtare”, u shpreh Imer Aliu –  anëtar i Kryesisë PDSH-së.

Plotësime të vendeve në qeveri pritet të ketë në postin Zv.Kryeministrit të parë dhe në ministrinë e  Ekologjisë, me të cilat  udhëhiqte Izet Mexhiti i cili në zgjedhjet e 19 tetorit  fitoi në komunën e Çairit. Një ndër emrta e mundshëm për zv.K ryeministër të parë përmendet Bekim Sali për të cilin kryeministri Hristijan Mickoski njoftoi se ende nuk është diskutuar dhe dakorduar duke theksuar se ai është mandatar i Qeveris dhe se fjalën e fundit do ta ketë ai.

Ekpi i përbërë nga pala e RMV-së dorëzoi tekstet e reja të lëndës së Historisë dhe Shoqëri për klasat e V-ta dhe VI-ta, ku u diskutua për qasjen dhe metodologjinë e shqyrtimit të këtyre teksteve.  Gjatë takimit është nënshkruar procesverbali i mbledhjes së 31-të, ndërsa ka vazhduar harmonizimi i procesverbalit të mbledhjes së 32-të.

 “Gjatë takimit, pala maqedonase dorëzoi tekstet e reja të lëndës Histori dhe Shoqëri për klasat e V-ta dhe VI-ta. Duke marrë parasysh realitetin e ri, u diskutua për qasjen dhe metodologjinë e ardhshme lidhur me shqyrtimin e këtyre teksteve. Diskutimi mbi këtë temë do të vazhdojë në takimin e radhës. Theksojmë se ekipi maqedonas, përmes një qasjeje proaktive për ndërtimin e besimit, vazhdon të punojë për gjetjen e zgjidhjeve të qëndrueshme, mbi bazën e respektit të ndërsjellë për të drejtën sovrane të secilës palë për perceptime të ndryshme mbi të kaluarën”, njoftoi ekipi i RMV-së në komision.

Ndërkohë, mediat bullgare raportuan se nga takimi nuk ka pasur përparim. 

“Pavarësisht qëndrimit deklarativ të kolegëve nga Republika e Maqedonisë së Veriut për punë efikase të komisionit, u konfirmuan dallimet në kuptimin e natyrës së tij”, ka deklaruar për agjencinë BTA pala bullgare e komisionit.

Takimi i ardhshëm i komisionit do të mbahet në gjysmën e parë të dhjetorit në Sofje. Kujtojmë se si rezultat i nënshkrimit të Marrëveshjes së Fqinjësisë së Mirë ndërmjet Maqedonisë së Veriut dhe Bullgarisë më 1 gusht 2017 i formua  Komisioni i Përbashkët maqedono-bullgar për Çështje Historike dhe Arsimore.

Ministri i Bujqësisë Cvetan Tripunovski nuk do të japë dorëheqje pas arrestimit të drejtorit aktual të Agjencisë për Mbështetje Financiare në Bujqësi, Ilija Stoilev, për marrje ryshfeti. Përgjegjësi kërkoi opozitarja LSDM, por Tripunovski thotë se Agjencia është institucion i veçantë. Hetimi tregoi se Xhevdet Nasufi, ish-ministër i drejtësisë dhe i vetëqeverisjes lokale në qeverinë e Ljupço Georgievskit, i ka premtuar 50 mijë euro Stoilevit për kompaninë e Nasufit e cila nuk i plotëson kushtet për të marrë para nga IPARD. Policia e kapi Stoilevin me 400 eurot e para të dhëna dorazi.

“Opozita bën thirrje për dorëheqjen time, por dua të theksoj se Agjencia është institucion i veçantë, e cila ka menaxhment të veçantë dhe organ drejtues të veçantë që punon sipas planit dhe aktiviteteve të tyre, kështu që nuk shoh asnjë lidhje. Prandaj apeloj që ky rast të hetohet deri në fund dhe nëse ka përgjegjësi të veprohet në pajtim me ligjin dhe procedurën”, tha Cvetan Tripunovski – Ministër i Bujqësisë.

Ministri thotë se arrestimi i Stoilevit është tregues se ligjet duhet të vlejnë në mënyrë të njëjtë për të gjithë, pavarësisht nëse dikush është funksionar aktual apo i mëparshëm, ndërsa Qeveria ka treguar mos-selektivitet në luftën kundër korrupsionit.

LSDM paralajmëron – pas skandalit të korrupsionit është e mundur që Bashkimi Evropian të ndalojë financimet në programin IPARD-3, me vlerë 128 milionë euro.

“Pas këtij skandali, sipas informacionit që kemi, tashmë ka një paralajmërim dhe është e mundur që Bashkimi Evropian të ndalë financimet në programin IPARD-3 nga Komisioni Evropian. Në rrezik janë vendosur 128 milionë euro nga e gjithë programi 7-vjeçar, para që duhej të ishin motor i bujqësisë sonë”, u shpreh Lupço Nikollovski – LSDM.

Tripunovski, nga ana e tij, siguron se Agjencia për mbështetje financiare në bujqësi do të vazhdojë të punojë pa pengesa. “Nuk shoh rrezik për fondet IPARD dhe pagesat kombëtare që i kemi si shtet”, thotë ai. Ndër të dyshuarit në skandalin me agjencinë e pagesave është edhe një punonjës shtetëror në Ministrinë e Bujqësisë, si dhe një referent tatimor i punësuar në DAP. Nasufi, si menaxher i kompanisë, ndiqet për dhënie ryshfeti dhe dhënie shpërblimi për ndikim të paligjshëm. Drejtori Stoilov për marrje ryshfeti. Të dy janë në paraburgim 30-ditor së bashku me dy të dyshuar të tjerë, ndërsa e pesta e dyshuar është në arrest shtëpiak.