Ai nuk ishte një supermen, nuk fluturon që ta kap në krah gruan që kishte vendosur të hidhej nga lartësia për ti dhënë fund jetës. Ai thjeshtë i del para ta sfidojë, rrezikon jetën e vet për ta shpëtuar një të panjohur, në gjendje kritike ka sjrkuar agezta zvcerane “20Minuten” duke sjhrkuar për supermanin shqiptar Ziberi te titulluar: Shpëtimtari i jetës i nje gruaje, pas rënies nga dritarja (“Lebensretter fängt Frau nach Sturz aus Fenster auf”) , transmeton agjencia e lajemeve “Presheva jonë” nga Zvicra.

Shqiptari Ramadan Ziberi, i hap krahët e vëzhgon se ku do të hidhet, i del para dhe e pret në krah, pa dëmtimin më të vogël zviceriania shpëton.

Ivan Çurkoviç, zv/president i Federatës Serbe të Futbollit dhe në të njëjtën kohë mik i ngushtë i Mishel Platini ka lëshuar një bombë gjatë një intervistë dhënë për “Jutarnji Isit”. Çurkoviç ka paralajmëruar një dënim shembullor për Serbinë dhe Kroacinë për shkak të problemeve të shumta që këto dy shtete kanë me huliganizmin: “UEFA për Serbinë, Kroacinë dhe Malin e Zi ka dosje të trasha,shkruan ballkanweb.com

E gjitha kjo nuk është për tu habitur në një kohë kurë çdo ndeshje e cila luhet këtu ngjan me festimet që bëhet për Vitin e Ri kinez. UEFA ka vendosur të eliminojë mjetet piroteknike dhe racizmin, dy armiqtë kryesorë të futbollit, sepse futbolli është një industri miliardësh. Kam informacione se Serbia dhe Kroacia do të përjashtohen për një periudhe 3-5 vjet nga të gjithë aktivitet ndërkombëtare. Federatat janë të pafuqishme ti bëjnë ballë huliganëve, vetëm shteti mund ta bëjë diçka të tillë, nëse dëshiron”, ka thënë Çurkoviç

Versioni Android i shërbimit popullor për mesazhe, WhatsApp, është përditësuar me ndërfaqen Material Design, e cila është shfaqur me sistemin operativ Android 5.0 Lollipop.

Një version testues i aplikacionit të ridizajnuar mund të shkarkohet direkt nga uebsajti zyrtar i aplikacionit për mesazhe.

Aty do të përfitoni të gjitha figurat e reja të emocionit dhe ndryshimet e ndërfaqes së aplikacionit popullor.

Përveç ndërfaqes së re, përdoruesit e WhatsApp-it nga pajisjet Android mund të bëjnë thirrje telefonike nga aplikacioni, pa pasur nevojë që të telefonohen fillimisht nga përdoruesit e tjerë./RTV21

Federata Sindikale e Bujqve të Kosovës është në përkrahje të protestës kundër kapjes së shtetit, që do të organizohet më 18 prill.

Ata i bëjnë thirrje anëtarëve të tyre dhe qytetarëve në përgjithësi që të dalin sa më masovisht në protestë.

“Për shkak të situatës së përgjithshme në vend ku po mbretëron korrupsioni e krimi i organizuar në nivel qeveritar, derisa qytetarët e vendit po ballafaqohen me mbijetesën e tyre të rrezikuar nga papunësia dhe varfëria, vlerësojmë se sot më shumë se kurrë ka nevojë për reagim qytetar”, thuhet në njoftimin e kësaj Federate./RTV21

164 milionë qytetarë të Europës, ose 38,2% e popullsisë europiane është goditur nga një lloj forme e shqetësimeve mendore.

Numri i qytetarëve europianë, të cilët vuajnë nga problemet e ndryshme mendore po rritet gjithnjë e më shumë. Në Itali për shembull, ky problem prek 17 milionë persona. Ekspertët kanë vënë në dukje se si aspekti më alarmant për sa i takon trendit në rritje të vazhdueshme të patologjive psikiatrike, brenda vitit 2030, mund të jenë sëmundjet më të shpeshta në nivel global.Sipas disa të dhënave të paraqitura nga Vjena me rastin e Kongresit të Shoqatës Europiane të Psikiatrisë, vetëm 1 në 3 persona kurohet ose i drejtohet specialistëve.

Në veçanti vazhdojnë të rriten numrat e lidhur me depresionin (i cili prek rreth 7.2% të popullsisë europiane), shqetësime konjiktive si Alzheimer (3,5%) dhe shqetësimet e lidhura me abuzimin me alkoolin (3,4%).

Ekspertët kanë përcaktuar në të njëjtën strukturë të shoqërisë moderne rrënjët e kësaj errësire të keqe gjithnjë e në rritje: ndryshimet e shpejta dhe rregullat e kërkuara për t’i bërë ballë një bote në transformim të vazhdueshëm, peshojnë tek ekuilibrat dhe lumturia e individëve. Me pasoja dramatike sidomos për personat më të brishtë, si të rinjtë dhe të moshuarit: “Përballë një kompleksiteti në rritje të dinamikave sociale rriten edhe tensionet, ndërkohë që mungojnë gjithnjë e më shumë format amortizatore për të lehtësuar ankthin. Pra, është thelbësore që tashmë Europa të investojë më shumë për shëndetin mendor”, ka shpjeguar psikiatri Claudio Mencacci, drejtori i departamentit të neuroshkencave në Spitalin e Milanos.

Studimet e fundit kanë konfirmuar se e gjitha kjo përkthehet në një rritje të numrit të vetëvrasjeve. Tashmë ky numër në të gjithë botën është 800 mijë raste në vit.

Sonte në Torino të Italisë zhvillohet ndeshja e parë çerekfinale në kuadër të Champions League në mes Juventusit vendas dhe Monacos francez.

Skuadra italiane, që po ecën sigurt drejt “Scudettos”, e ka eliminuar nga Championsi skuadrën e Borussia Dortmundit, kurse në anën tjetër Moanco befasoi shumëkënd duke e eliminuar Arsenalin.

Ndeshja, e cila pritet që të jetë një përballje interesante, fillon në orën 20:45.

Formacionet e mundshme:

Juventus (4-3-2-1): Buffon, Lichtsteiner, Bonucci, Chiellini, Evra, Pirlo, Vidal, Marchisio, Pereyra, Morata, Tevez.

Monaco: Subašic, Fabinho, Carvalho, Abdennour, Kurzawa, Toulalan, Kondogbia, Dirar, Moutinho, Ferreira-Carrasco, Martial.

PTK dhe operatori i telefonisë mobile Eagle Mobile nga Shqipëria nënshkruan Memorandumin e bashkëpunimit me të cilin krijohen mundësitë që në të ardhmen të ofrohen shërbime të telefonisë mobile dhe të internetit për shfrytëzuesit e Valës në të dyja vendet me çmime të njëjta.

Agron Mustafa, drejtor i Postës dhe Telekomit të Kosovës ka folur para gazetarëve rreth kësaj marrëveshje duke e quajtur në të njëjtën kohë si shumë të rëndësishme.
I gëzuar është shfaqur edhe drejtori i kompanisë Eagle Mobile, Erkan Tabak, i cili për fillimin e kësaj marrëveshje tha se popujt e dy vendeve janë të njëjtë dhe se kanë vendosur që t’i heqin kufijtë artificial mes dy kompanive.

Mustafa dhe Tabak, thanë para medieve segjatë sezonit verorë në Shqipëri çmimet dhe ofertat për përdorim të telefonisë dhe internetit do jenë me çmimin më të mirë të mundshëm për qytetarët e të dyja vendeve./RTv21

Tina Knowles, 61 vjeç dhe protagonisti i “Poltergeist”, aktori 68-vjeçar Richard Lawson, kanë kurorëzuar martesën këtë fundjavë në një jaht elegant në Kaliforni, raporton TMZ.

Të gjithë të pranishmëve në dasmë, përfshirë edhe Beyonce me Jay Z dhe vajzën, si dhe Solange Knowles, u ishte kërkuar të visheshin me të bardha në këtë ceremoni.
Tina është ndarë me bashkëshortin e saj, Mathew Knowles, babai i Beyonce dhe Solange, qysh në vitin 2011 dhe ka rigjetur dashurinë me Lawson, madje duke deklaruar se ndihet e lumtur si kurrë më parë.

Kryesia e Kuvendit të Republikës së Kosovës, në mbledhjen e saj të udhëhequr nga kryetari i Kuvendit, Kadri Veseli, vendosi që të enjten, Kuvendi të mblidhet në seancë plenare. Në këtë seancë pritet të shqyrtohen dy projektligje dhe të zgjedhen disa anëtarë të institucioneve të pavarura.
Kështu, pas kohës për deklarime jashtë rendit të ditës dhe pyetjeve parlamentare, Kuvendi do të shqyrtojë Projektligjin për Ratifikimin e Marrëveshjes ndërmjet Qeverisë së Republikës së Kosovës dhe Qeverisë së Shteteve të Bashkuara të Amerikës, për të përmirësuar pajtueshmërinë e rregulloreve tatimore në nivel ndërkombëtar dhe zbatimin e rregulloreve FATCA, si dhe Projektligjin për ndryshimin dhe plotësimin e Ligjit për menaxhimin e financave publike dhe përgjegjësitë.
Në vazhdim, Kuvendi do të procedojë me emërimin e anëtarëve të Bordit të Komisionit të Pavarur për Miniera dhe Minerale, emërimin i shtatë anëtarëve të Këshillit të Kosovës për Trashëgimi Kulturore dhe zgjedhjen e kryesuesit të Komisionit Shqyrtues të Zyrës së Rregullatorit për Ujësjellës dhe Kanalizim.
Po ashtu, në këtë seancë do të shqyrtohet edhe propozimi i Grupit Parlamentar të PDK-së dhe atij të LDK-së, për emërimin e deputetit Blerim Shala, koordinator i bisedimeve.

Gati 1 milion njerëz kanë porositur orën Apple Watch në SHBA që në ditën e parë. Sipas një raporti nga kompania e hulumtimit të tregut, Slice Intelligence, 957 mijë njerëz porositën orën e parë të Apple-it ditën premte, ku 62% e tyre blenë variantin më të lirë, Apple Watch Sport. Çdo blerës shpenzoi afërsisht 503.83 dollarë për një orë. Kompania Slice është bazuar tek të dhënat e marra direkt nga konsumatorët.

Blerësit e versionit Apple Watch Sport harxhuan 382.83 dollarë për një njësi, ndërsa ata që porositën versionin Apple Watch shpenzuan 707.04 dollarë, mesatarisht. Raporti nuk përmend versionin më të shtrenjtë, Apple Watch Edition.

Apple Watch vjen në dy madhësi, me kasë 38 mm dhe 42 mm. Sipas Slice, 71% e klientëve zgjodhën versionin më të madh. Sa i përket ngjyrave, 40% e blerësve zgjodhën versionin me kasë prej alumini ngjyrë gri, pasuar nga versioni me çelik të pandryshkshëm që u porosit nga 43% e blerësve, 23% porositën versionin me alumin ngjyrë argjendi dhe 3% porositën versionin me çelik të pandryshkshëm ngjyrë të zezë. Blerësit gjithashtu preferuan më shumë versionet me rrip ngjyrë të zezë, ku gati 49% e tyre porositën këtë version.

Raporti përmend gjithashtu shitjet e laptopit të ri të Apple-it, Macbook. Porositjet për këtë laptop nisën të premten. Reth 40 mijë Macbook u porositën në internet, ku 58% e blerësve preferuan versionin me ngjyrë gri dhe 36% pëlqyen versionin gold.

Shitjet zyrtare të Apple Watch do të nisin më 24 prill në 9 shtete: Australi, Kanada, Kinë, Francë, Gjermani, Hong Kong, Japoni, Angli dhe SHBA.