WhatsApp është gati të kap shifrën e 1 miliard përdoruesve. Ky aplikacion ka aktualisht mbi 900 milionë përdorues aktivë mujor. Lajmi u bë i ditur nga shefi ekzekutiv i WhatsApp, Jan Koum, në një postim në Facebook.

WhatsApp kapi shifrën e 800 milionë përdoruesve në muajin prill, ndërsa në fund të vitit të kaluar pati rreth 600 milionë përdorues. Kompania u ble nga Facebook në muajin shkurt të vitit 2014 për 19 miliardë dollarë, dhe që atëherë ajo është rritur shumë. India mbetet shteti me më shumë përdorues të WhatsApp-it, pasuar nga Brazili.

Policia daneze është treguar e afërt mbrëmë me tifozët shqiptarë që kishin shkuar në Kopenhagë për ta përcjellur ndeshjen Danimarkë – Shqipëri. Në këtë fotografi shihen policët danezë me plisa në kokë.

Ish-sekretarja amerikane e Shtetit, Hillary Clinton, ka thënë se i vjen keq që ka përdorur emailin privat edhe për punë zyrtare, gjatë kohës sa ka qenë në detyrë.
“Më vjen keq, kjo ka qenë diçka konfuze”, ka thënë Clinton për mediat amerikane.

Përdorimi i emailit privat ka gjeneruar kritika të mëdha për zonjën Clinton, e cila garon në zgjedhjet presidenciale të SHBA-së, më 2016.

Sondazhet më të fundit tregojnë se që nga muaji maj, Clinton ka humbur 20 % të mbështetjes së votuesve demokratë.
Sipas ligjit federal të Shteteve të Bashkuara, korrespondenca e zyrtarëve konsiderohet pronë qeveritare e SHBA-së.

Duke premtuar se na ndihmojnë për të pastruar pa pasur nevojë që të përdorim ujë, letrat e lagura antibakteriale është bërë pothuajse gjëja e dytë më e përdorshme në botë.

Sidoqoftë, hulumtues në Universitetin e Cardiff-it thonë se edhe pse mund të pretendohet se janë shumë të dobishme, ato nuk po japin rezultatin që pritet.

Pasi testuan një shumëllojshmëri letrash të tilla, ata zbuluan se largimi i baktereve nga sipërfaqet nuk ishte i madh. Madje në disa raste ata përhapnin bakterie.

“Ky është një studim i thjeshtë i cili ka nevojë të përsëritet në një shkallë më të gjerë për të siguruar përfundime më të besueshme,” us phreh mjeku kryesor Dr. Michael Spira.

Veç kësaj, në të shkuarën letrat e lagura, ato të falsifikuarat, kanë shkaktuar probleme të mëdha tek përdoruesit. Në qershor, një foshnje 6-muajshe pësoi një djegie prej tyre.

Nëse ndonjëherë nuk keni kohë të mjaftueshme për t’u grimuar, ndiqni këto këshilla:

Korrektuesi: Nëse ju doni të mbuloni qarqet nën sy apo ndonjë puçërr, ndani 30 sekonda për të aplikuar korrektorin, sepse më shumë kohë nuk ka nevojë. Ju mund ta përdorni atë si para ashtu dhe pas aplikimit të kremit bazë, thjesht zgjidhni tonin e duhur. Në vend të fërkimit, përdoreni një sasi të vogël, duke përdorur butësisht sfungjer ose majat e gishtave.

Kremi hidratues: Nëse ju zgjidhni një hidratues me cilësi të lartë, ajo do të ndriçojë fytyrën, mbulo të metat dhe do të ushqejë lëkurën. Kremat e tilla ​​mund të mbulojnë puçrrat, t’i bëjnë poret më pak të dukshme dhe të fshehin rrudhat dhe njollat ​​në lëkurë dhe janë më të lehta se pudrat e lëngshme duke i dhënë lëkurës një pamje të freskët.

Hijezimet për sy: Kur bëheni gati për punë, nuk ka nevojë për veprime serioze në lidhje me grimin për sy sepse grimi i tepërt nuk duket profesional. Në vend të kombinimit të këtyre dy produkteve, zgjidhni njërën ose tjetrën në qoftë se ju dëshironi një pamje natyrore, vendosni për hijezim me disa nga ngjyrat natyrale dhe në qoftë se ju doni për të nxjerrë në pah sytë dhe dukjen tuaj, aplikoni një vijë të hollë me llajner në skajin e sipërm të qepallave. Përveç kësaj, ju duhet vetëm një shtresë rimel i zi dhe për dy minuta, sytë i keni të grimuar.

Pudër për faqe: Pamjen tuaj do ta freskojë pudra për faqe dhe sigurohuni të mos duket tepër e ndezur. Një shtresë e hollë e pigmentit me nuanca të ndryshme nga ngjyra e lëkurës suaj është gjithçka që ju nevojitet për dukje të freskët.

Shkëlqimi për buzë: Le të jetë detaj përfundimtar në fytyrën tuaj, shkëlqimi i buzëve i cili aplikohet për vetëm disa sekonda dhe ju mund të bëni atë edhe derisa jeni nisur të dilni jashtë. Nëse ju ende preferoni buzëkuq, jepni vetes kohë dhe mos u ngutni, por me laps theksoni buzët dhe pastaj me kujdes aplikoni buzëkuqin që ju përshtatet.

Legjenda e Borussia Dortmundit, Dede ka folur për përforcimin e skuadrës me talentin e Manchester Unitedit, Adnan Januzaj.
Ai tha se Januzaj është një lojtar i mirë dhe se do të ndihmoj shumë Dortmundin.

“Januzaj është një futbollist shumë i mirë. Ai do të ndihmojë shumë Dortmundin dhe do t’i sjellë skuadrës shumë në sulm”, tha Dede për Omnisport.

Kujtojmë se gjatë kësaj vere Adnan Januzaj është huazuar në Dortmund nga Unitedi për një edicion, ndërsa veshur do të mbaj fanellën me numër 9’të.

Kombet e Bashkuara (OKB) raportojnë se kanë marrë me trishtim lajmin për vdekjen e 50-vjeçarit pakistanez i cili ndërkohë që po tentonte të ikte nga policia në Hungari, u rrëzua në shinat e një treni nga ku humbi dhe jetën.

Komisioneri i Lartë i Kombeve të Bashkuara për Refugjatët (UNHCR) Montserrat Feixas Vihea ka thënë në një deklaratë dërguar përmes UNHCR-së për Evropën Qendrore: “Ky është një aksident tronditëse Ne e ndajmë dhimbjen me familjen e të ndjerit.”.

Vihea ftuar zyrtarët hungarezë për të ofruar shërbime të mjaftueshme si dhe objektet e akomodimit për refugjatët.

Refugjatët që ikin nga vendet e konfliktit në Afrikën verioıre, Lindjen e Mesme, Afganistani dhe vende të tjera ku konfliktet e armatosura dhe gjendja e vështirë e jetesës është prezente kalojnë në një rrugëtim të vështirë i cili nis nga vendet e tyre drejt Turqisë dhe më pas me varka drejt Greqisë ku më pas ndjekin koridorin Maqedoni, Serbi dhe Hungari për të shkuar në vendet e destinacionit.

Agjencia ndërkombëtare për refugjatë UNHCR ka falënderuar Austrinë dhe Gjermaninë për shkak të vendimit që të pranojnë mijëra refugjatë të cilën e kanë kaluar territorin e Hungarisë.

UNHCR në një deklaratë ka thënë se kjo politikë është e bazuar në vlerat humanitare.

Kjo agjenci ndërkombëtare me seli në Gjenevë ka falënderuar edhe grupet nga shoqëria civile e po ashtu edhe qytetarët në Austri dhe Gjermani që kanë ndihmuar në pranimin e njerëzve në nevojë.

Në shkurt të këtij viti ata lidhën kurorë, duke u bërë një nga çiftet më të ndjekur nga paparacët.
Të premten, Johnny Depp, 52 vjeç dhe Amber Heard, 29 vjeç, mbërritën në Festivalin e Venecias.

Të dy nuk mund të rrinin pa e shprehur dashurinë edhe në tapetin e kuq.

Fiqtë konsiderohen si një ndër frutat që kanë ndikim pozitiv në shëndetin e njeriut. Të shijshëm dhe të ushqyeshëm, fiqtë konsumohen në disa forma: të freskët, të thatë apo në trajtë reçeli.
Ja disa arsye se pse duhen konsumuar sidomos gjatë stinës së nxehtë.

1. Fiqtë kanë veti tretëse të shkëlqyera, për shkak të enzimave të cilat bëjnë të mundur asimilimin e ushqimeve dhe substancave si kalciumi, hekuri, potasi, magnezi dhe vitaminat A, B1, B2, B6, PP dhe C. Ata konsiderohen një aleat i mirë i aparatit tres.

2. Janë anti imflamatorë. Ndihmojnë në rastet e enjtjeve dhe infeksioneve. Fiqtë luftojnë inflamacionet e mushkërive dhe ato të rrugëve urinare, por edhe kolitin e gastritin.

3. Fiqtë janë të këshillueshëm për ata që duan të bien në peshë, pasi përmbajnë vetëm 47 kalori për 100 gramë. Por kjo nuk vlen për fiqtë e thatë, të cilët mund të kenë deri 227 kalori për të njëjtën peshë. Konsumimi i fiqve krijon ndjesinë e ngopjes, duke ndihmuar kështu ata që nuk duan ta teprojnë me ushqimin.

4. Kanë efekt laksativ. Farat që kanë në brendësi kanë efekt laksativ, çka ndihmon në rastet e kapsllëkut.

5. Ruajnë shëndetin e syve, lëkurës, kockave dhe dhëmbëve, kjo falë substancave ushqyese që kanë në përbërjen e tyre.

6. Por mund të shkaktojnë edhe alergji. Fiqtë hyjnë në kategorinë e ushqimeve që japin alergji në disa raste, prandaj personat e ndjeshëm duhet të bëjnë kujdes me konsumin e tyre.