Barcelona është vlerësuar si klubi më i mirë për sezonin 2014-2015 nga Shoqata e Klubeve Evropiane te Futbollit.

Ekipi katalanas ne sezonin e kaluar fitoi tre trofe të rëndësishme, Ligën e Kampionëve, kampionatin dhe Kupën e Mbretit.

Barcelona gjithashtu fitoi edhe Superkupën e Evropës, pasi mundi Seviljën, por nuk mundi te fitoje me Atheltic Bilbao për Superkupën e Spanjës.

Në burgjet e Kosovë disa persona shpeshherë janë më të fuqishëm se vetë ligji.

Ata janë të privilegjuar dhe zyrtarët e Shërbimit korrektues vihen në shërbim të tyre.

Për KMDLNJ-në, është shqetësues mostrajtimi i barabartë i të burgosurve apo trajtimi i tyre në përputhje me statusin që e kanë pasur në shoqëri para se të burgosen, raporton KTV.

Behgjet Shala thotë se kemi të bëjmë me diskriminim flagrant, ku të fuqishmit janë të privilegjuar, ndërsa të tjerët, sipas tij, shumë me vështirësi i realizojnë të drejtat e tyre.

Në burgun e Dubravës të burgosurit mund të përdorin gati lirshëm telefonat e tyre, pasi institucionet asnjëherë nuk vendosen pajisjet që kufizojnë shpërndarjen e valëve telefonike.

Drejtori i Institutit të Kosovës për Drejtësi thotë se kjo gjendje është shkaktuar nga mungesa e kontrollit adekuat, transmeton Koha.net.

Ditë më parë mediet kishin raportuar se si një i burgosur në Prizren kishte arritur të krijonte kushte jashtëzakonisht të mira të jetesës brenda qendrës së burgut.

“Dyshja politike Mustafa-Thaçi me veprimet e tyre po e rrezikojne shtetin dhe tokën e Kosovës.
Ata kanë angazhuar kriminelë ordinerë institucionalë në zbatimin e politikave të tyre që s’kanë si të jenë në interes të qytetarit, dhe përballë provokimeve të tyre, ndonjëherë është e pamundur që të ruhet qetësia.
Cilësimi që i kam bërë sot Murat Mehës në Komisionin e Jashtëm Parlamentar, s’ka të bëjë me fjalor diskriminues ndaj asnjë kategorie njerëzore, e as ndaj komunitetit LGBT.
Ajo që kam thënë ka të bëjë vetëm me karakterin e kryetarit të Komisionit për Demarkacion, por nëse dikush është ndier i fyer me këtë fjalë, u kërkoj falje publike.”

Sinqerisht,
Ramush Haradinaj

Ambsadorja e Gjermanisë në Kosovë, Angjelika Viets dhe ministri i Financave, Avdullah Hoti nënshkruan marrëveshje për bashkëpunim financiar që kap vlerën e 25 milionë eurove. Ambasadorja gjermane tha se kjo marrëveshje synon përmirësimin e kushteve të jetesës për kosovarët. Ajo u deklarua edhe për krizën e refugjatëve dhe qëndrimin e shtetit gjerman ndaj azil kërkuesve nga Kosova./ 21 Media

Skandali i vjedhjes në dhomën e dëshmive në Polici në vitin 2009 edhe sot e kësaj ditë nuk u ndriçua. Në Prokurorinë Speciale të Kosovës thonë se po zhvillohen hetime të mëtejshme./ 21 Media

Deputeti Ramush Haradinaj shpërtheu edhe një herë në Komisionin e Punëve të Jashtme, sapo u përmend emri i kryetarit të Komisionit Shtetëror për përcaktimin e pikës kufitare me Malin e Zi, Murat Mehës. Haradinaj dha dorëheqje nga ky komision i Kuvendit të Kosovës./ 21 Media

Qendra për Zhvillimin e Grupeve Shoqërore – CSGD, Qendra për Emancipim Shoqëror – QESh dhe Qendra për Liri dhe Barazi – CEL dënojnë ashpër gjuhën degraduese, fyese dhe diskriminuese të përdorur nga anëtari i Komisionit për Punë të Jashtme dhe njëherësh deputet i Kuvendit të Kosovës, Ramush Haradinaj, gjatë takimit të Komisionit të mbajtur me datën 08.09.2015.

“Komuniteti LGBT shpreh shqetësimin e tyre në nivelin e respektimit të të drejtave të komunitetit LGBT të cilat janë të garantuara me Kushtetutën e Kosovës dhe legjislacionin në fuqi, nga ana e zyrtarëve qeveritar të Kosovës”, thuhet në reagimin e këtij grupi.

Komuniteti LGBT i ka bërë apel zyrtarëve qeveritarë të jenë të përgjegjshëm, korrekt dhe profesionalë gjatë ushtrimit të detyrës së tyre në bazë të dispozitave ligjore në fuqi në Republikën e Kosovës.

“Në emër të anëtarëve të komunitetit LGBT, ftojmë që z. Ramush Haradinaj të kërkojë falje publike për gjuhën e përdorur, nga që komuniteti LGBT ndjehet i ofenduar dhe i diskriminuar për shkak të qasjes së tillë nga një person zyrtar, i cili është në shërbim të shoqërisë kosovare dhe është i obliguar të respektoj të drejtat e çdo qytetari pa marrë parasysh orientimin seksual ose identitetin gjinor”, përfundon reagimi i tyre.

Ndryshe, gjatë mbledhjes së sotme të Komisionit për Punë të Jashtme, ku u diskutua në lidhje me demarkacionin mes Kosovës dhe Malit të Zi, lideri i AAK-së, anëtar i këtij komisioni, Ramush Haradinaj, e quajti “peder” kryetarin e këtij komisioni, Murat Mehën.

Grupi i LDK-së në Kuvendin e Prishtinës konsideron se dorëheqja e dy drejtorëve komunalë, e atij të Drejtorisë për Financa dhe Pronë, Visar Berisha, si dhe të Shërbimeve Publike, Ardian Gashi, shënon një akt moral dhe përgjegjësie ndaj zhvillimeve qeverisëse në Komunën e Prishtinës, ndaj dështimeve të administratës dhe politikave përjashtuese të kryetarit të Prishtinës Shpend Ahmeti.

“Grupi i LDK-së konsideron po ashtu se, nëse kërkesa për lirim nga detyra e dy drejtorëve të Komunës së Prishtinës është e prillit 2015, përgjegjësinë për moslirimin e tyre e mban kryetari i Komunës, i cili nuk ka vepruar sipas kërkesës. Kjo mbajtje për 5 muaj në pozitat e drejtorëve të paambicie më për të punuar për Komunën dhe qytetarët e saj, sipas drejtorive përkatëse, shënon paaftësinë për menaxhimin, shënon dështimin në realizimin e projekteve sipas drejtorive, shënon ndërhyrjen e mundshme me sjellje politike sipas konditave partiake të zyrave të VV”, thuhet në një komunikatë të Grupit të LDK në Kuvendin e Prishtinës.

Sipas këtij grupi komuna e Prishtinës po udhëhiqet nga një kryetar, i cili ai vetë po udhëhiqet nga një dhe më shumë komisarë polikë të VV, të instaluar në Komunë si “këshilltarë” për çështje të caktuara.

“Prandaj, udhëheqja e komunës, me këta komisarë të deleguar drejtpërdrejt nga zyrat politike të VV, e shtyrë të plasojë sjellje dhe politika dështuese dhe përjashtuese ndaj qytetarëve dhe grupeve politike të caktuara, ditë për ditë po bëhet pre e dështimeve, nga të cilat po distancohen dhe do të tërhiqen edhe drejtorët e vet, sipas drejtorive përkatëse”, thuhet në komunikatë

Pothuajse 10.000 refugjatë e kanë kaluar kufirin ndërmjet Greqisë dhe Maqedonisë në vendkalimin Gjevgjeli ndërmjet 1 dhe 6 shtatorit, ndërsa në të njëjtën kohë në Preshevë janë regjistruar 7.720 refugjatë, kumtoi sot Agjencia për Fëmijë e Kombeve të Bashkuara – UNICEF.

Në komunikatën e UNICEF-IT thuhet se pjesa më e madhe e refugjatëve është nisur drejt Serbisë, prej nga do ta vazhdojnë rrugën drejt destinacioneve të fundit në perëndim të Evropës.

Nga qershori kufirin greko-maqedonas e kanë kaluar më shumë se 64.000 refugjatë, ndërsa në periudhën e njëjtë në kufirin serb janë regjistruar 89.161, njoftoi UNICEF-i.

Ministri i Drejtësisë, Hajredin Kuçi, ka vizituar sot Komunën e Mitrovicës së Veriut, ku është pritur nga kryetari i kësaj komune, Goran Rakiq, dhe shefja e Zyrës Administrative të Komunës, Adriana Hoxhiq.

“Ministri Kuçi dhe Rakiq e kanë vlerësuar si të rëndësishëm implementimin e plotë të pikave të Marrëveshjes për Drejtësinë, të arritur në Bruksel, e cila garanton sistemin unik të drejtësisë në Kosovë dhe ofron drejtësi për të gjithë qytetarët”, thuhet në një njoftim të Ministrisë së Drejtësisë.

I njëjti citon Kuçin të ketë thënë se politika integruese është e vetmja politikë që garanton integrimin dhe prosperitetin e të gjithë qytetarëve të asaj pjese të Kosovës.

Kuçi, i shoqëruar edhe nga zëvendësshefja e misionit EULEX, Joelle Vachter, ka vizituar edhe Qendrën e Paraburgimit në Mitrovicën e Veriut, ku është pritur nga drejtori Millan Radojeviq.

Ministri Kuçi e ka vlerësuar këtë institucion si “shembull shumë të mirë të integrimit dhe profesionalizmit”.