Kryeministri britanik Boris Xhonson i cili një javë kaloi në spitalin “Sent Tomas” në Londër për shkak të shërimit nga Kovid-19, menjëherë pas daljes nga spitali, dje, përmes video-porosisë në Tuiter kumtoi se “sot e lëshova spitalin pas një jave në të cilën sistemi shëndetësor nacional ma shpëtoi jetën”.
Ai së pari i’u falënderua të gjithëve në Mbretërinë e Bashkuar për shkak të, siç tha, viktimave që ata bëjnë në luftën kundër koronavirusit.
Xhonson u bëri thirrje britanikëve të vazhdojnë me luftën kundër infektimit.
“Javën e fundit pashë se nën ç’farë presioni janë spitalet. Pashë guxim, jo vetëm te mjekët dhe infermierët, por te të gjithë”, tha kryeministri britanik.
Në porosinë ai tha edhe se ” ata njerëz edhe më tutje vijnë në punë dhe e rrezikojnë jetën e tyre nga virusi vdekjeprurës”.
“Do ta mposhtim koronavirusin, do ta fitojmë së bashku”, u porositi Xhonson britanikëve.
Partnerja e tij, e cila edhe vetë kishte simptome të sëmundjes, deklaroi se javën e kaluar ka pasur momente kritike./MIA