Kroaci: Shkollat e mesme dhe një pjesë e atyre fillore kalojnë në mësim onlajn

TË FUNDIT

Në Kroaci, prej sot shkollat ​​e mesme në të gjitha rajonet dhe klasat e larta në shkollat ​​fillore në të katër rajonet do të ndjekin mësimin përmes internetit.

Megjimurje, Varazhdin, Zagreb, Osijek-Baranja, Vukovar – Srem dhe Pozhega – Sllavonija, tashmë kanë klasa sipas modelit C në shkollat ​​e mesme dhe atyre do t’u bashkohen edhe rajonet e mbetura dhe qyteti i Zagrebit, transmetojnë mediat kroate.

Kur bëhet fjalë për shkollat ​​fillore, tanimë nxënësit e klasave të pesta deri në të teta po ndjekin mësimet përmes internetit në rajonin e Varazhdinit, ndërsa tani edhe bashkëmoshatarët e tyre në Istria, Megjimurje dhe Primorje – Gorski Kotar do të ndjekin mësimet nga shtëpia.