“Jeta është brenda nesh, ne jemi brenda jetës”. Me këtë moto personat me nevoja të veçanta ka disa javë që po mbledhin të holla për blerje të karrocave.
Një qytetarë që kishte dal me karrocë për shëtitje, tha se karroca për personat që nuk munden të ecin është një gjë shumë e rëndësishme.
“Është shumë mirë për një invalid me pas karrocë, është një rëndësi e madhe se invalidi nuk mundet me ec pa karrocë, ja sikur unë që jam tani kjo neve shumë na ndihmon komunat me na ndihmua shumë mirë është”, tha një qytetar.
Kryetari i Shoqatës “Sos Vita” e cila edhe ka bërë organizimin, thotë se nuk kanë pasur mbështetje nga institucionet dhe për këtë kanë filluar vetë të mbledhin të holla për personat që nuk munden të sigurojnë një karrocë.
“E rëndësishme është se atij personi me aftësi të kufizuar që ai të del nga shtëpia e vetë ashtu siç ka dëshirë ne jemi si shoqatë dhe nuk dallojmë fe nuk dallojmë komb ne duhet t’i ndihmojmë njeri-tjetrit. Nëse nuk ndihmojmë njëri tjetrin atëherë kotë që jetojmë në këtë botë”, u shpreh Ertan Shakiri “Sos Vita”
Mbledhja e të hollave do të vazhdoj deri në fund të muajit kur me 3 dhjetor do të shpërndahen karroca për personat me nevoja të veçanta.
Por shpesh herë këta persona përballen edhe me parkimin e makinave nëpër trotuare me çka vështirësohet lëvizja e tyre.