Izraeli arreston 19 militantë të dyshuar pas sulmeve në Gaza

TË FUNDIT

Izraeli ka thënë se ka arrestuar 19 anëtarë të grupit palestinez, Xhihadi Islamik, në disa bastisje të kryera rreth Bregut Perëndimor.

Një ditë më parë, Izraeli ka kryer sulme ajrore kundër shënjestrave në Rripin e Gazës.

Njëmbëdhjetë njerëz janë vrarë si pasojë e sulmeve ajrore, përfshirë liderin e Xhihadit Islamik, Tayseer Jabari.

Izraeli ka thënë se sulmet kanë pasuar një “kërcënim të menjëhershëm” nga grupi.

Disa raketa janë nisur nga Gaza drejt Izraelit përgjatë natës, dhe shumica prej tyre janë ndalur, ka thënë ushtria izraelite.

Kjo dhunë e raportuar përbën përshkallëzimin më serioz në mes të Izraelit dhe Gazës këtë vit.