Besar Durmishi nga VLEN nuk tregoi afatet që ky koalicion ka për realizimin e ndryshimeve kushtetuese me VMRO-DPMNE-në. Durmishi në Daily Click në TV21 tha se VMRO-ja duhet të bisedojë me deputetët e saj dhe faktorin ndërkombëtar.
“VMRO-DPMNME duhet të bisedon me deputetët e saj dhe faktorin ndërkombëtar. ne nuk jemi naivë politikë, pasi që ndryshimet kushtetuese bëhen me 2/3. 58 deputetë i ka VMRO, pjesë e programit e kemi integrimin në BE, ku duhet bërë ndryshimet kushtetuese. Është kërkesa e jona, duhet t’i bindë qytetarët dhe votuesit e vet, por edhe deputetët. Që RMV pavarësisht dallimeve politike dhe etnike, ka vetëm një rrugë, vetëm një alternativë, dhe ajo është që të integrohet në BE përmes ndryshimeve kushtetuese”, tha mes tjerash Durmishi.