Në një fermë të shpendëve në komunën Gazi Babë është zbuluar sëmundja “njukastel”. Agjencia për Ushqim dhe Veterinari sot kumtoi se sëmundja nuk është zoonozë, përkatësisht nuk bartet dhe nuk është e rrezikshme për njerëzit.
Virusi është konfirmuar dje në laboratori nga ana e Fakultetit për Mjekësi veterinare.
Është sjellur vendim me të cilin obligohet pronari ta shkatërrojë fermën dhe ta tërheqë dhe shkatërrojë tërë sasinë e mishit të distribuuar. Është urdhëruar edhe mënjanimi ose zbatimi i trajtimit adekuat të çdo substance ose mbeturine, ushqim për kafshë, mbeturina të fermës, të cilat mund të kontaminohen.
Kontroll dhe monitorim nga ana e veterinarëve zyrtar do të zbatohet edhe në zonën nën kontroll që i përfshin vendet e populluara Petrovec, Ilinden dhe Kisella Vodë, si dhe komunat Zelenikovë dhe Studeniçan, të cilat me këtë vendim janë definuar si zona nën kufizim./MIA