Tetovë, dita e parë e të reshurave Tetovë! Katër vetura bllokohen në nënkalim

“Vetëm gjatë ditës së sotme kjo është vetura e katër që ka ngecur në nënkalimin në lagjen Dardania, sa herë kemi të rreshtuara të shiut ky nënkalim bllokohet, autoritete komunal thonë se kanë një projekt për të zgjidhur këtë çështje, por ky projekt akoma nuk është duke gjetur zbatim.”

Me të arritur epiket te televizioneve në këtë nënkalim, erdhën edhe njësia e zjarrfikësve. Shoferi kishte ngecur në automjet, ndërsa sipas Avni Ametit paraprakisht kishte ngelur edhe një familje me një fëmijë. Aty ka pasur të vendosur edhe shirit për të mos kaluar, por sipas Ahmetit nuk është respektuar.

“Nga mëngjesi është një grumbullim i ujit këtu në lagjen Dardania. Ne kemi vendos sinjalizim se kjo rrugë nuk është kaluese, por qytetar të pandërgjegjshëm futen me vetura dhe e heqin sinjalizimin e duhur që kemi vendos këtu. I lus qytetarët që të mos shfrytëzohen këta nënkalime për arsye se na nxjerrin dhe neve probleme si zjarrfikës dhe deri tash kemi nxjerr katër vetura. Po kishim edhe një veturë me fëmijë brenda dhe në bëmë atë intervenimin tonë”, tha Avni Ahmeti.

Nga komuna e Tetovës thonë se ata janë në gjendje gatishmërie për të intervenuar aty ku është e nevojshme.

“Deri më tani situata ka qenë stabile, punëtorët e NPK Sharri dhe NPK Tetova kanë qenë vazhdimisht në terren. Jemi të informuar nga ata se është ndërhy në disa pika ku është pa e nevojshme”, deklaroi Besarta Ramadani.

Nënkalimi në lagjen Dardania lidh poligonin e autoshkollave të qytetit por edhe një lagje me rreth 100 shtëpi. Sa herë kemi të reshura të shiut, zjarrfikësit e Tetovës, nxjerrin ujin në pompa që ky nënkalim të bëhet i kalueshëm. Kjo lagje ka mungesë të kanalizimit fekale dhe atmosferik.