Këto janë produkte që nuk mund të gjenden në treg. Janë shpikur nga disa shpikës nga qyteti i Tetovës. Për një vit kanë themeluar shoqatën kulturore për kreativitet dhe inovacion. Veturë elektrike, veturë që ndizet me shuplaka, kod por nga largësia. Djep elektrik, makinë për pjekjen e misrit dhe gështenjave dhe shumë e shumë shpikje tjera që nuk mund të gjenden në treg. Edhe përkundër kësaj këta shpikës deri më tani nuk kanë marrë asnjë përkrahje institucionale e qofshin atë të pushtetit lokal apo shtetëror.
“Tani nuk kemi asnjë përkrahje dhe tani me vetë përkrahjen tonë vetëm i prodhojmë, vetë i analizojmë dhe vetë të gjithë materialet që na duhen i blejmë. Ne kemi shumë projekte por çështja ekonomike na bën që të mos i realizojmë këto projekte dhe ne shpresojmë që për këtë shoqatë dikush do të investojë në çdo formë dhe ne e kemi shumë serioze që këtë shoqatë ta ngremë edhe më lart”, tha Ali Kasami, shpikës.
“Kemi disa projekte që i prezantojmë sot dhe kemi edhe projekte tjera që duhet por duhet dikush që është i interesuar të na ndihmoje dhe ajo është problemi më i madhe dhe siç mund ta shohim se sot e prezantuam dhe kemi edhe gjëra të tjera djepi vetura , vetura tjetër kjo makina këtu dhe kemi edhe shumë gjëra ata tjera”, u shpreh Shaban Saliu, shpikës.
Saliu thotë se deri më tani nuk ka pas kështu produkte dhe janë të bindur se do të ketë edhe më shumë interesim.
“Deri ma tani nuk ka pasur kështu gjëra dhe mendoj se do të afirmohen këto produkte dhe mendoj që të vazhdojmë, por këto nuk janë të avancuara akoma por ne nuk kemi investitorë dhe do presim që të na ndihmojë dikush”, shtoi Shaban Saliu, shpikës.
Në këtë shoqatë ka edhe të rinj, themeluesit presin që në të ardhmen kjo shoqatë do të jetë e ardhmja e këtij vendi, produkte që ata mendojnë dhe shpikin çdo ditë ndoshta një ditë do të futen në treg që të prodhohen në seri dhe të jenë ndihmë për shumë persona, por deri më atëherë këta shpikës do të presin një investitor apo përkrahje institucionale.