Të gjithë po i hapin kufijtë, Maqedonia kur? Filipçe: Do ta diskutojmë nesër me komisionin për sëmundje ngjitëse

Presioni për hapjen e kufijve nga Maqedonia e Veriut dita ditës po rritet, për faktin se shtetet e rajonit po publikojnë datat për hapjen e tyre. Serbia i ka hapur kufijtë. Të njëjtën me Maqedoninë e Veriut, Kosovën dhe Malin e Zi nga 1 qershori pritet ta bëjë edhe Shqipëria.

Se kur pritet ta bëjë të njëjtën edhe Maqedonia e Veriut, do të mësohet nesër në Komisionin për Sëmundje Ngjitëse, njoftoi për TV21 ministri i Shëndetësisë, Venko Filipçe.

“Për kufijtë do të bisedojmë në mbledhjen e nesërme të Komisionit për Sëmundje Ngjitëse”, tha ministri i Shëndetësisë, Venko Filipçe.

Përveç shtetit tonë, datë për hapjen e kufijve nuk ka publikuar as Bullgaria. Raportuesi i Maqedonisë së Veriut në Parlamentin Evropian, Ilhan Qyçuk në një intervistë ekskluzive për TV21 thotë se hapjen e kufijve Bullgaria pritet ta bëjë në koordinim me Bashkimin Evropian, por vlerëson se hapja e kufijve duhet të jetë sipas interesave dhe situatës epidemiologjike të vetë shteteve.

“Sa i takon çështjet së hapjes së kufijve, Bullgaria përkrah një vendim të koordinuar, bashkë me Bashkimin Evropian. Është shumë me rëndësi, që gabimi që u bë në fillim të krizës, secili shtet të veprojë ndaras sipas interesave të veta, të jetë i mundshëm sërish. Të ketë strategji të qartë për këtë, komisioni nuk mund të rekomandojë rregulla, nuk mund të ju thotë anëtarëve se çfarë saktë të bëjnë, por mund të tregojë se sipas situatës epidemiologjike dhe këtu ka përparësi shëndeti i qytetarëve në shtetet dhe marrja e masave”, tha Ilhan Qyçuk, raportuesi i RMV-së në PE.

Bullgaria për këtë çështje dhe për atë se si të dilet nga kriza duke u kujdesur për jetën dhe shëndetin e qytetarëve, ka nisur negociata me Serbinë, Greqinë dhe Rumaninë.

Me Greqinë protokoll të përbashkët po ndjek edhe Maqedonia e Veriut. Ministri Filipçe ka paralajmëruar se hapja e kufijve “me shumë gjasë do të ndodh nga mesi i qershorit”. Nga mesi i qershorit hapjen e kufijve e ka paralajmëruar edhe Kosova. Kufijtë tokësor u mbyllën që nga 16 marsi, kjo për shkak të masave për parandalim të virusit korona.