Taravari e ka në tavolinë ofertën për president / BDI ende nuk ka vendosur nëse do të paraqesin kandidat

Arben Taravari ende e ka në tavolinë ofertën e opozitë shqiptare për të kandiduar për president të shtetit, por se a do ta pranojë këtë do ta shqyrtojë ditëve në vijim.

“Me Rufi Osmanin vazhdimisht kam kontakte dhe çdo herë është kënaqësi të jesh me prof.dr. Rufi Osmanin. Sonte realisht biseduam për atë temë realisht, por nuk kemi një vendim definitiv se si dalim në zgjedhje presidenciale.
Qëndron akoma oferta për ju për president?
Oferta qëndron, por do ta shohim, do ta shqyrtojmë ditëve në vijim për vendim definitiv”, tha Taravari.

Nga BDI ende nuk kanë vendosur nëse do të kandidat të tyre edhe pse jozyrtarisht flitet se si opsion mund të jetë Bujar Osmani. I pyetur për këtë Osmani tha se janë vendime të partisë dhe se deri tani nuk kanë diskutuar për këtë çështje.
Presidentin Stevo Pendarovski e pyetëm se a do të kandidojë përsëri por ai u përgjigj shkurt:

“Edhe nga LSDM ende nuk ka një emër konkret. Si kandidat i mundshëm shihet Oliver Spasovski por edhe presidenti aktual Stevo Pendarovski. Ky i fundit sot nuk deshi të përgjigjet në këtë temë”.

“Për këtë në intervistë kur të më ftoni do të bisedojmë”.

VMRO DPMNE më 2 mars ka caktuar konventë të partisë, kur nga të gjithë ata që kanë aplikuar do të zgjidhet kandidati për president. Kryetari i kësaj partie, Hristijan Mickoski, tha se në emër të demokracisë duhet të ketë më shumë kandidat për president.

“Pres që edhe partitë e tjera politike të paraqesin një kandidat, mendoj parasë gjithash mendoj për koalicionin e udhëhequr nga LSDM, edhe pse e di që po gjunjëzohen duke u lutur në Prishtinë dhe këtu në Shkup që partitë shqiptare të mos paraqesin kandidat, duke menduar se në këtë mënyrë do të kenë mbështetje për kandidatin e tyre për president, por mendoj se ky është kalkulim i tyre”, tha Mickoski.

Ndryshe rrethi i parë zgjedhjeve presidenciale do të mbahet më 24 prill, ndërsa rrethi i dytë më 8 maj, në të njëjtën ditë kur edhe do të mbahen zgjedhjet parlamentare.