Inspektorati suedez për shëndetësi dhe mbrojtje sociale (IVO) sot kumtoi se ka zbuluar mangësi serioze në kujdesin për mbrojtësit në shtëpitë e pleqve në të cilat mijëra njerëz kanë vdekur nga Covid-19.
Korona virusi i “pushtoi” shtëpitë e pleqve në valën e parë të pandemisë, për shkak të së cilës kryeministri Stefan Lofven në maj pranoi se vendi nuk ka arritur t’i mbrojë qytetarët e tij më të moshuar.
“Në hetimin e tij, IVO konfirmoi mangësi serioze në nivel rajonal kur bëhet fjalë për kujdesin që sigurohet te njerëzit që jetojnë në shtëpitë e pleqve”, deklaroi Sofija Ualstrom, drejtoreshë e përgjithshme e IVO-s.
IVO informon se asnjëra nga 21 rajonet suedeze nuk ka qenë mjaft e përgjegjshme rreth shërimit të banorëve të infektuar në shtëpi të pleqve, me ç’rast një e pesta e pacientëve nuk kanë pasur vlerësim mjekësor individual.
Pas qetësisë gjatë verës, incidenca e koronavirusit sërish u rrit gjatë valës së dytë të pandemisë.
Shfrytëzuesit e shtëpive të pleqve përbëjnë pothuajse gjysmën e mbi 6.400 rasteve të vdekjes nga Covid-19 në Suedi.