Shkëndija fitimtare ndaj Tottenham, Gjoka: Pavarësisht rezultatit do të fitojmë eksperiencë

Pavarësisht se si do të jetë rezultati mes Shkëndisë dhe Totenhemit, ekipi tetovar do të jetë fitues. Kështu thotë për TV21trajneri i klubit kuqezi  Ernest Gjoka.

 “Ndeshja e radhës së tretë, që unë nuk do e doja sepse mendoj se mund të kishim pas më shumë fat me një  ndeshje me një skuadër jo të elitës si­ç është Totenhemi, është nja nga skuadrat më të mira të Europës. Por e kemi këtë përballje dhe do mundohemi të jemi dinjitoz ndaj një skuadre kaq të madhe, por unë mendoj se Shkëndija nga kjo situatë si do që të jetë do dalë e fituar, pasi që mund mos fitojmë ndeshjen por do fitojmë në eksperiencë, do vrasim frikën ndaj skuadrave elitare siç është Totenhemi apo ndonjë tjetër”, tha Ernest Gjoka – Trajner i Shkëndijës.

Ditë më parë Trajneri i Tottenhamit, Jose Mourinho, tha se nuk e njeh mirë Shkëndijën, por tha se duhet pasur kujdes, sepse zhvillohet vetëm një ndeshje.  – “Nuk di asgjë për Shkëndijën, por e di se na pret një periudhë e analizës. Në një anë, është ndeshje e njëjtë me atë në Plovdiv. Do të jetë rrezik në Maqedoni, sepse në këtë fazë do të luhet vetëm një ndeshje dhe gjithmonë ekziston rreziku. Të luash dy ndeshje e ke gjithmonë mundësinë e rikthimit të rezultatit” – ka thënë Mourinho.

Deklaratën e Mourinhos, trajneri i Shkëndijës e she si një gjë normale.

 “Një diçka normale se s’ka si të na njoh, por  shumë shpejtë do na shikoj, do na njoh dhe do jetë ma konkret ndaj nesh. Ne do të presim ndeshjen, do jemi shumë të vëmendshëm, do bëjmë lojën tonë do ulim sa më shumë forcën e kundërshtarit, pastaj duke parë dhe duke bërë”, shton Ernest Gjoka – Trajner i Shkëndijës.

Për Gjokën ndeshja pa publikë është e vështirë pasi Shkëndija ka tifozët më të zjarrtë, siç janë Ballistët.

“Te ne po ndikon shumë edhe në kampionat, por sidomos  edhe në Europë.  Është një problem për ne pasi që  tifozët e Shkëndijës janë shumë të zjarrtë siç janë Ballistët  dhe neve na mungojnë ato por  kështu janë kushtet dhe do detyrohemi të jemi edhe pa to”, potencoi trajneri i Shkëndijës, Ernest Gjoka.

Ndeshja e Ligës së Evropës me Totenhemin do të zhvillohet në stadiumin Todor Proevski në Shkup, më 24 shtator me fillim në ora 20:00.

Kjo nuk është hera e parë që kuqezinjtë e Tetovës përballen me ekip të madh evropian, pasi që më herët Shkëndija në San Siro zhvilloi ndeshje me gjigantin italian Milanin.