Serbia këtë fundjavë mban zgjedhje parlamentare të parakohshme, në të cilat Lëvizja Studentore po përpiqet t’i japë fund sundimit 14-vjeçar të Aleksandar Vuçiqit, përcjell TV21. Ish-presidenti dëshiron që pas zgjedhjeve të bëhet përsëri kryeministër, por Partia e tij Përparimtare Serbe po përballet me sfidë nga Lista Studentore e sapoformuar, e dalë nga protestat pothuajse dyvjeçare pas tragjedisë në stacionin hekurudhor në Novi Sad, në të cilën humbën jetën 16 persona.
Vëzhguesit ndërkombëtarë dhe Bashkimi Evropian shprehën shqetësim për sigurinë dhe rregullsinë e zgjedhjeve, për shkak të ndalimeve para votimit, kontrollit mbi mediat dhe sulmeve të raportuara ndaj aktivistëve. Kritikët e akuzojnë Vuçiqin për korrupsion dhe kufizim të lirive demokratike, gjë që ai e mohon. Ndërkohë, studentët e intensifikuan fushatën në të gjithë vendin, duke u bërë thirrje qytetarëve për ndryshime. Anketat tregojnë rezultate të ndryshme, ndërsa të dyja palët pohojnë se janë në epërsi.